Күні: 18.09.17 ж
Тақырыбы: Тіл – ұлттық қазына.
Мақсаты:
Қазақстан Республикасының 22- қыркүйек тіл
мерекесіне орай қазақ тілінің құдіреттілігін, халықтың ұлттық қазынасы ана
тіліміздің қуатты күшін, мәнін, дәрежесін, байлығын түсіндіре отырып үштілділіктің
маңыздылығын айқындау.
Міндеттері:
-
Оқушылардың интеллектуалдық
ой - өрісін, білім деңгейін көтеру, танымдық деңгейлерін өрістету, тіл
байлығын, өз ойын жеткізуде сөйлеу шеберлігін жетілдіру;
-
Өз ойларын түйіндей білуге
үйрету, негізгі ойларын ықшамды түрде жаза білу дағдыларын қалыптастыру, тілдік
қорларын дамыту;
-
Жүйелі түрде сөйлеуге, ана
тілінде таза сөйлеуді насихаттау, қазақ тіліне деген құрмет, сүйіспеншілікті
ояту.
Типі:
жаңа сабақ меңгерту
Түрі: тәрбие сағаты.
Әдісі: «Уәж
тудыру»,«Идеа тақтасы».
Көрнекілігі: суреттер, плакаттар, қанатты сөздер.
Сабақтың барысы.
I.
Ұйымдастыру кезеңі.
Уәж тудыру
Бір отаудың ішінде отыз бөрі,
Бар жалғыз қызметкері өте епті.
Он жігіт алып барып тастағанда,
Отаудың бүлкілдейді екі жері. (Тіл, тас, саусақ, ерін)
Мен жұмбақ айтайын табасын ба,
Айналып ақ қаланы шабасын ба? (Тіл, тіс)
Екі тақта арасында
Қимылдайды қызыл тақта. (Тіл)
Жағалай-жағалай тас қойдым,
Жирен атты бос қойдым. (Тіс, тіл)
Үнемі ауызда бұлтыңдайды,
Бірақ жұтылмайды. (Тіл)
Кіріспе
1989жылы
22 қыркүйекте Қазақстан Республикасының Тіл туралы Заңы қабылданды. Қазақ тілі Қазақстан
Республикасының мемлекеттік тілі болып табылады.Ендеше бүгін Қазақстан Республикасы
халықтарының тілдер мерекесімен құттықтаймыз. Ең алдымен, бұл барша елге ортақ жалпы
халықтық мереке, барлық ұлт өкілдеріне көрсетілетін зор құрмет.
Туған елім – тірлігімнің айғағы,
Тілім барда айтылар сыр ойдағы,
Өссе тілім, менде бірге өсемін,
Өшше тілім, мен де бірге өшемін! – деп , ақын
Әбілдә Тәжібаев ағамыз жырлағандай тіл қай елде болса да қастерлі, құдіретті.
Ол достықтың кілті, ынтымақтастықтың бастауы, ырыс – берекенің алды, ұлттың әрі
жаны, әрі ары.
1-оқушы.
Армысың ардақты анам – қазақ тілім,
Бір өзіңнен тараған өнер - білім.
Құтты болсын, бүгінгі тіл мейрамы
Жарқын болсын әрқашан келер күнің.
Қазақ тілі – өз тілім, анна тілім,
Абай, Мұхтар сөйлеген дана тілім.
Қастерлейді ұл – қызың мәңгі сені,
Болашағым, бақытым, дара тілім.
Қазақ тілім – саялаған нұрбағым,
Қазақ тілім – анам тілім, ардағым.
Сен арқылы жетіп жатыр өмірге,
Жан сырларым, тілегім, бар арманым.
Тіл – таусылмайтын байлық. Қанша тіл білсең,
өзгеден сонша кез биіксің. Дегенмен, алдымен туған еліңнің мемлекеттік тілін
білуге міндеттісің.
Қазақ тілі - өте бай тіл. Ол шаруашылықтың бар
саласын өркендете түсуге себепші күш, халқымыздың мәдени дәрежесін көтере
беруші пәрменді құрал, жұртшылықты жаппай отаншылдық рухта тәрбиелеудің құралы,
қуатты қаруы.
Мақал-мәтелдер сайысы
1.Тіл бас жарады
Бас жармаса тас жарады.
2.Өнер алды қызыл тіл.
3.Ана сүті бой өсіреді
Ана тілі ой өсіреді.
4.Тіл –адам ойының айнасы.
5.Тіл қылыштан өткір.
6.Тілмени байланған
Тіспен шешілмес.
7.Тіл таусылмайтын байлық.
8.Бас кеспек болсада
Тіл кеспек жоқ.
9.Бал тамған тілден у да тамар.
10.Өзге тілдің бәрін біл.
Өз тілінді құрметте.
Конституциямыздың жетінші бабының бірінші
тармағында Қазақстан Республикасындағы мемлекеттік тіл - қазақ тілі деп анық
жазған, Ата Заңымыздан туындаған “Тіл туралы” Қазақстан Республикасының заңында
да осы жағдай берік қамтылған. Біздің азаматтық парызымыз – тіл заңындағы
талаптарда жүйелі түрде жүзеге асыру. Ол тілдерді қолдану мен дамытудың
2001-2010 жылдарға арналған мемлекеттік бағдарламаларынан да көрініс тапты.
“Тіл – біздің тұтастығымыз”, “Тіл
тағдыры – ел тағдыры” деп те айтып жүрміз. Сондықтан әр адам өз ана тілін
көзінің қарашығындай қорғауға, оның орынсыз шұбарлануының қандайына болса да
қарсы тұруға тиіс.
Туған тілдің абыройын асқақтату -
әрбір адамзаттың абзал борышы.
Сабақты бекіту.
Бүгінгі сабақтан жинаған білім арқылы «идеалар тақтасы»
стратегиясын құрастырайық.
Қорытынды. Тілсіз қоғамның қандай түрі болса да өмір сүре
алмақшы емес, ол тілдің өзі қоғам бар жерде ғана пайда болып, өмір сүреді.
Демек, қоғамнан тыс, бөлек тіл жоқ. Тіл – қоғамның жемісі.Тіл ұлтың қазынасы.
Рефлексия
парағын толтыру.
Оставьте свой комментарий
Авторизуйтесь, чтобы задавать вопросы.