Урок и презентация по ИЗО на тему "Украшение фартука" (2 класс)

Предпросмотр материала:

Выберите файл для просмотра:

Всего файлов: 2

1/18

Урок и презентация по ИЗО на тему "Украшение фартука" (2 класс)

Татарстан республикасы Кукмара муниципаль районы

Яңа Сәрдек башлангыч гомуми белем бирү мәктәбе

2 нче класста сынлы сәнгать дәресе

“Алъяпкыч бизәү”

Укытучы Нәбиева Зөлфия

Мөхәмәтзөфәр кызы

Максат: укучыларны орнамент төшенчәсе белән таныштыру, ритм,симметрия турында аңлату. Үсемлек мотивларыннан бизәк төзергә, элементларны урнаштырырга өйрәтү.Алъяпкычта орнамент ясау.

Татар сынлы сәнгатенә мәхәббәт тәрбияләү аша милли мәдәниятебезне саклау.Балаларның эстетик зәвыгын , иҗатын үстерү. Татар милли киеменә кызыксыну уяту.

Анализ ясый ,чагыштыра ,нәтиҗә ясый, бирелгән кагыйдә буенча эшли белү.Игътибарлылыкны үстерү. Үз фикереңне әйтә, аны яклый , иптәшеңне тыңлый белү.

Эш урыныңны әзерли,чиста тоту һәм җыештыра белү.

Планлаштырылган результат:

Алъяпкыч һәм аның ни өчен кулланылышын, ни өчен бизәргә кирәклеген белү.

Алъяпкычта ритм һәм симметрияне кулланып,орнамент ясый белү.

Эшне үз көчеңә ышанып, чиста-пөхтә башкару. Эшкә җаваплы караш тәрбияләү.

Җиһазлау: укучылар өйләреннән алып килгән чигүле әйберләрдән күргәзмә, (Слайд 13), презентация “Алъяпкычта орнамент ясау” , ”Татар сынлы сәнгате дәресләре” китабы, яңа ФГОС буенча методик материаллар.

Укучылар өчен: алъяпкыч өлгесе,су савыты,буяулар,альбом бите.

Музыкаль бизәлеш: татар халык көе “Галиябану”.

Дәрес тибы: яңа белемнәр үзләштерү.

Дәрес планы:

I.Дәрес белән кызыксындыру,уңай психологик халәт тудыру.8 мин.

1.Белемнәрне актуальләштерү. 2 мин.

2.Дәреснең темасын,максатын әйтү.3 мин.

3.Максатка ирешүдәге кыенлыкларны билгеләү.3 мин.

II.Проблема өстендә эш. 11мин.

1. Яңа төшенчәләр кертү. 6 мин.

2. Яңа төшенчәләрне беренчел куллану.5 мин.

III. Укучыларның иҗади практик эш вакыты. 25 мин.

1.Уку мәсьәләсен үтәү.23 мин.

2.Үзконтроль ясау.2 мин.

IV.Дәресне йомгаклау.Рефлексия.1 мин.

Дәрес барышы:

I.Оештыру, дәрес белән кызыксындыру.

1.Кереш әңгәмә.

Экраннан укыту: Слайд 1.

Алъяпкычымның бизәге

Нурлар сибә йөземә.

Чәчәк төшкән һәрбер кием

Килешәдер үземә.

-Шигырьдә нәрсә турында әйтелә? (Укучылар җавабы:алъяпкыч.)

-Алъяпкыч гадиме? (Укучылар җавабы:алъяпкыч чигелгән.)

-Аңа нәрсәләр чигелгән? (Укучылар җавабы:чәчәкләр чигелгән диелә.)

-Алъяпкыч ни өчен кирәк? (Укучылар җавабы:күлмәк пычранмасын өчен.)

_ Алъяпкычны кемнәр кайчан кияләр? (Укучылар җавабы:класста кызлар кия,өйдә әни камыр ашы пешергәндә, әби йон эрләгәндә, итек эшләгәндә,каз йолкыганда, әти мастерскойда кия һ.б.)

Слайд 2.

-Әйе,дөрес ,балалар. Алъяпкычны күлмәк,кием пычранмасын өчен ябалар. Күлмәкның алгы күп өлешен каплаганга күрә,алъяпкычны чигәләр.Безнең әбиләребез яшь чакта чигүле алъяпкыч кигәннәр. Төн буе утырып,күз нурларын түгеп чигелгән алъяпкычларны киеп әбиләребез чишмәгә суга барганнар, кич утырганнар,өмәгә йөргәннәр.Эш киеме булса да ,чиста-пөхтә тотып,кадерләп саклаганнар. Чигүле алъяпкыч кызларның чигүгә осталыгы турында сөйли. Бизәкләр киемне матурлый, кәефне күтәрә. Әйдәгез, алъяпкыч бизик һәм аны әбиләребезгә, әниләребезгә бүләк итик.Алар яшь чакларын искә төшереп куансыннар.

2.Балаларның алъяпкыч бизәү теләген ачыклагач, дәреснең темасын, максатын әйтү. Слайд 3.

3.Слайд 4 не күрсәтү.

-Укучылар, әбиләребезгә кайсы алъяпкычны ясарбыз? Ни өчен?

Укучылар фикере тыңлана. Алъяпкычларны чагыштыру. Проблема хасил итү: Дымково бизәкләренең төрле төсле түгәрәкләр,бублик-нокталар,дулкынлы сызыклардан торуына, ә татар хатын-кызлары алъяпкычының чәчәкле үсемлек бизәкләреннән торуына игътибар иттерү. Алъяпкыч бизәү өчен, татар халык бизәкләрен өйрәнеп,орнамент ясый белергә кирәклеге турында нәтиҗә ясау.

II.Проблема өстендә эш.

1.Яңа төшенчәләр аңлату. Слайд 5н е күрсәтү.

-Орнамент нәрсәләрдән тора? Укучылар фикере тыңлана.

-Орнамент ул- элементлар чиратлашу, кабатланудан торган бизәк.

-Орнаментны тагы кайларда күрергә була? (Укучылар җавабы:чигүле әйберләрдә,киемнәрдә, савыт-сабаларда.)

Укучылар өйләреннән алып килгән әйберләр күрсәтелә.

Кулъяулык. Слайд 6.

-Нәрсәләр чигелгән? (Укучылар җавабы:чәчәкләр,яфраклар.)

Сөлге. Слайд 7.

-Нәрсәләр чигелгән? (Укучылар җавабы:геометрик фигуралар.)

Калфак,чүлмәк,чокыр. Слайд 8.

-Калфакка нәрсәләр чигелгән? Чүлмәккә нинди бизәкләр ясалган? (Укучылар җавабы:чәчәкләр,яфраклар.)

-Бизәкләрдә нинди чәчәкләр сурәтләнгән? (Укучылар җавабы:лалә,роза,ромашка,дәлия,мәк чәчәкләре.) Слайд 9.

- Алъяпкычның кайсы өлешләрен бизәп була? (Укучылар җавабы:итәген,күкрәген.)

2.-Стиле буенча орнамент симметрияле,күп очракта симметриясез була.

Слайд 10ны күрсәтү.

-Симметрияле орнамент ничек була? Укучылар фикере тыңлана.

-Симметрия ул- урталай бөкләгәч, бөкләү сызыгының уң ягындагы бизәкләре белән сул ягындагы бизәкләренең тәңгәл килүе.(Слайд11-симметриясез орнамент.)

-Ритм- бизәктә элементларның,төсләрнең билгеле бер тәртип белән чиратлашып кабатлануы. Слайд 12.

3.-Ритм һәм симметрияне физкультпауза мисалында карап китик.

Беренче партада утыручылар кулларын алга сузып чүгәли, ә икенче партада утыручылар кулларын өскә күтәреп, аяк очларына баса,өченче партада утыручылар кулларын алга сузып чүгәли, ә дүртенче партада утыручылар кулларын өскә күтәреп, аяк очларына баса. Бу нәрсә була? (Укучылар җавабы.)

Урыннарны алмашып,күнегүне 1-2 тапкыр кабатлау.

Укытучы төрле торышлар күрсәтә.Симметрияле гәүдә торышын укытучы артыннын кабатлау,симметрияле булмаса,кул чабу.

4 .-Бизәкләрдә нинди төсләр кулланылган? (Укучылар җавабы.)

-Төсләре ягыннан орнамент үз эченә төрле-төрле буяуларны ала һәм шул хәл аңарга күңелле бер төсмер бирә.Төрле үсемлек мотивлары бер чәчәк бәйләменә җыела. Эре чәчәкләр арасында вак яисә чәчәк бөреләре дә урнаштырылган була. Слайд 13.

5.Балаларга чигүле алъяпкычлар,аларның рәсемнәрен күрсәтү,бизәлешләре төрле булуына игътибар итү.Бизәкләрдә симметрия һәм ритмны табу. Слайд 14,15,16.

III. Укучыларның иҗади практик эш вакыты.

1.Эш урынын әзерләү:

-парта өстендәге предметларны дөрес итеп урнаштыру;

-пумаланы һәм буяуны авызга кабасы түгел;

-пумаланы суда калдырмаска;

-пумаланы салфеткага сөртәсе;

-эш беткәч, эш урыныңны җыештырасы, кулларны юасы.

2.Эш планы төзү:

-алъяпкычны шаблон буенча йөртеп ясау;

-орнамент сайлау;

-төс сайлау һәм орнаментны буяу;

-һәр этапта эшеңә контроль ясау;

3. Уку мәсьәләсен үтәү.(Һәр укучыга булышу.) Укучылар рәсем ясаганда

татар халык көе “Галиябану” уйнап тора.

IV.Дәресне йомгаклау. Укучыларның эшләреннән күргәзмә оештыру.

Слайд 17.

Рефлексия.

-Дәрестә нәрсә турында сөйләштек?

-Нәрсә өйрәндек?

- Алъяпкычта орнамент ясау сезгә ошадымы?

-Сез бүләк иткән алъяпкыч әбиегезгә ни өчен ошар дип уйлыйсыз?

Барыгыз да булдырдыгыз! Рәхмәт!

Өстәмә материал:

1.Татар сынлы сәнгате дәресләре . Нурзия.

2.Презентация “Алъяпкыч бизәү”.

3.Музыкаль бизәлеш: татар халык җыры”Галиябану”.

4.Укучылар өйләреннән алып килгән чигүле сөлгеләр,кулъяулыклар, яулыклар. Слайд 13.

5. http://luiza-m.narod.ru/smi/tarih/08-alyapkich.htm

Урок и презентация по ИЗО на тему "Украшение фартука" (2 класс)

Начальные классы

2 класс

Конспекты

RAR

24.11.2014

1106

Начальные классы

2 класс

Конспекты

Файл будет скачан в формате:

RAR

Автор материала

Набиева Зульфия Мухаматзуфаровна

учитель начальных классов

На сайте: 11 лет
Всего просмотров: 8032
Подписчики: 0
Всего материалов: 6

8032
просмотров
6
материалов
0
подписчиков

Настоящий материал опубликован пользователем Набиева Зульфия Мухаматзуфаровна.
Инфоурок является информационным посредником. Всю ответственность за опубликованные материалы несут пользователи, загрузившие материал на сайт. Если Вы считаете, что материал нарушает авторские права либо по каким-то другим причинам должен быть удален с сайта, Вы можете на материал.