Урок на тему" Продукты"

Тема: Аҙыҡ- түлек

Маҡсат. Аҙыҡ-түлекте белдергән һүҙҙәрҙе һәм магазиндан һатып алыу ҡәғиҙәләрен үҙләштереү; балаларҙың уйлау һәләтен, иғтибарын, хәтерен үҫтереү; аҙыҡ – түлеккә һаҡсыл ҡараш тәрбиәләү.

Йыһазландырыу. Сюжетлы һүрәттәр, хәрефтәр, муляждар, мультимедиа

  Дәрес барышы.

I.                   Ойоштороу мәле.

1.Хәйерле иртә, балалар, һаумыһығыҙ! Бер-берегеҙгә ҡарайыҡ, йылмаяйыҡ, бер-беребеҙгә яҡшы теләктә ҡалайыҡ. Дәресебеҙҙе шундай шиғыр юлдары менән башлайыҡ.

    Башланып китте дәрес,

   Беҙ матур ултырабыҙ.

  “4” ле, “5” ле билдәләрен

  Көн һайын арттырабыҙ.

2.  Фонетик күнегеү – башҡорт теленең үҙенсәлекле өндәрен ҡабатлау.

- Уҡыусылар, башҡорт теленә генә хас нисә өн бар? (9 өн бар. Экранға ҡарап, өндәр ҡабатлана)

Ә- әтәс, сәскә;

Ө- өкө, өй;

Ү – үтек, үгеҙ;

Ҡ – ҡуян,ҡыяр;

Ғ – турғай, ҡарға;

Һ – һандыҡ, һарыҡ;

Ҙ – ҡаҙ, ҡыҙ;

Ҫ- ҡыҫала;

Ң – саңғы

II.                Яңы тема

1.                  Йомаҡ сисеү

• Өҫтәлдәге иң ҡәҙерле ризыҡ ( Икмәк)

• Үҙе генә ашалмай,

 Унан башҡа аш бармай (Тоҙ)

• Яланда үҫкән

Заводта бешкән,

Сәйгә төшкән. (Шәкәр)

• Һыу түгел, шыйыҡ

Ҡар түгел, ап-аҡ,

Йә әле, уйлап тап (Һөт)

• Ватып та була,

Бешереп тә була.

Төрлө салаттарға ла

Уны ҡушып була. (Йомортҡа)

Был һүҙҙәрҙең бөтәһен бергә нисек атайбыҙ? (Аҙыҡ – түлек)

Дәрестә беҙ тағы ниндәй аҙыҡ-түлектәр бар икәнлеген белербеҙ, улар менән яҡыныраҡ, төплөрәк танышырбыҙ.

(Экранда төрлө аҙыҡ-түлек һүрәттәре сыға. Уларҙың исемдәре хор менән ҡабатлана, төҫө, тәме әйтелә.)

2.      Һүҙлек эше: йәшелсәләр – овощи; бәрәңге, картуф – картофель; кишер- морковь; кәбеҫтә – капуста; сөгөлдөр – свекла; емеш-еләк – фрукты; алма-яблоко; ҡарбуз – арбуз; әфлисун – апельсин.

3.      Күнегеүҙәр.

-Уҡыусылар, ә һеҙ ниндәй емеш- еләк йәки йәшелсә ашарға яратаһығыҙ? (Өҫтәлдә төрлө емеш һәм йәшелсә ята, уҡыусылар оҡшағанын  һайлап ала, исемен әйтә бара)

    4.    Яҙма эш. (Һөйләмдәр төҙөү, дәфтәргә яҙыу)

Мин алма ашарға яратам. Алма бик тәмле һәм файҙалы. Мин йәшелсә ашарға яратам. Беҙҙең баҡсала йәшелсәләр үҫә.

5.      Ял минуты. («Аҡ ҡалас» уйыны.)

III.             Нығытыу.

Уҡытыусы. Аҙыҡтарҙы, йәшелсәләрҙе, емештәрҙе ҡайҙан алырға мөмкин? Тағы ла ниндәй магазиндар була? Үҙегеҙҙе магазинда нисек тоторға тейешһегеҙ? (Һаулыҡ һорашырға кәрәк, «зинһар» тип әйтергә оноторға ярамай)

Хәҙер беҙ бер нисә магазинға инеп сығайыҡ. ( Слайдта магазин һүрәттәре сыға. Һүҙлек эше башҡарыла: аҙыҡ-түлек магазины – продуктовый магазин; кейем-һалым магазины – магазин одежды; китап магазины – книжный магазин; һатып алыу – купить; түләнем- заплатил(а); һатыусы – продавец; һатып алыусы – покупатель; зинһар- пожалуйста; рәхмәт – спасибо; ғәфү итегеҙ – извините)

1.      “Магазин” уйыны. (Уҡыусылар магазиндан төрлө аҙыҡ – түлек «һатып алалар». Түләү хаҡы – башҡорт телендәге үҙенсәлекле өндәрҙе дөрөҫ әйтеү, хәтерҙә ҡалдырыу)

2.      Дидактик уйын. (Уҡыусыларға төрлө аҙыҡ- түлек һүрәттәре таратыла. Улар үҙҙәренә оҡшағандарын һайлап «кәрзин»гә һала һәм исемен әйтә бара. Мәҫәлән: сөгөлдөр, ҡыяр, ҡарбуз, икмәк, тоҙ, май, шәкәр, һөт, кәнфит, бал, балыҡ, сәй, ит, йомортҡа)

IV.             Йомғаҡлау.

Уҡыусылар, бөгөн беҙ етеш заманда йәшәйбеҙ. Шулай булыуға ҡарамаҫтан аҙыҡ- түлекте тәләфләмәҫкә, һаҡсыл булырға өйрәнегеҙ.

V.                Өйгә эш: һүҙҙәрҙе ҡабатларға

Краткое описание документа:

Специфические звуки башкирского языка