Урок по әдебиет "Ақдауыл хан" (3 класс)

Астана қаласы

№72 мектеп-лицей

Сынып: 3 « Д»

Мұғалім: Аманбекова Р.А.

Пәні   Әдебиеттік оқу.  3- сынып

Тақырыбы: Б.Рысбеков. Ақдауыл хан

Мақсаты:

1.Автормен танысу арқылы, мәтіннің мазмұны мен идеясын ашу. Оқушылардың таным мүмкіндіктерін анықтау.

2.Оқушылардың сөздік қорын байыту, ойын көз алдына елестету, есте сақтау,зейіндік қабілеттерін дамыту.

3. Баланың табиғаттың тылсым, түсініксіз жақтарына қызығушылығын арттыру.

Міндеті: технологиялық картаның регламентін орындау.

Жоспарланған нәтиже: қойылған мақсатқа жету.

Көрнекілігі: тақырыпқа байланысты сюжетті суреттер, автордың портреті, сызбалар, матрица.

Әдісі: БиС, СТО, сұрақ жауап.

0.63* сыныптағы бала санына, пайызды шығарамыз.

1.Ұйымдастыру кезеңі. Көшбасшы сәттілік тілейді.

БиС технологиясы – бұл прогресс,

Бұл оқу қызықты үрдіс.

Карталарды пайдалануды білеміз,

Ауызша сабақтарда дұрыс жауап береміз.

Сынып болып оқимыз.

Біздің ұранымыз:

«Біздің сынып үнемі алда, қалған емес еш артта»

1-кезең. Жаңа сабақ. Мағынаны тану. Мәтінмен жұмыс.

Біздің сабағымыздың тақырыбы:Б.Рысбеков. Ақдауыл хан

ә) Хан дегеніміз кімдер? Ассоцияция құрыңдар.(қағаздар беру, жазғандарын қорғау)
б) Сонымен біз бүгін сендермен «Ақдауыл хан»деген мәтінмен танысамыз.

в)- Бұл мәтінді жазған Бердалы Рысбеков 1940 жылы мамыр айының 17 - сі күні Келес ауданы, Мақтабек Рахымов атындағы совхоз, Құрылыс елді мекенінде дүниеге келген. 1957 жылы «Ленин жолы»(қазіргі О. Есимов) мектебін бітірген соң, екі - үш жыл совхвозда жұмысшы болып істеп, одан Ташкенттің ауа - райын зерттеу техникумына түседі. Шығармашылықпен 1960 жылдан бастап айналысады. Бүгінгі таңда «Жалын», «Парасат» баспаларынан төрт жеке кітабы «Аппақ қар туралы ертегі», «Құмырсқаның баласы, құмыршақтың басынан кешкендері», «Тасқа айналған қыз», «Сиқырлы жүзік»атты кітаптары жарық көрді. Сондай - ақ Бердалы Рысбеков өлең, ән жазумен де шұғылданып келеді.

1-кезең.Тірек сөздермен жұмыс. Тақтаға жазу +,-

Батыр, хан көтеру, ат ізін үзу, Ұлы теңіз, Ақ Орда, туған жер. (12 сөз). Есте сақтау1 мин. Тақтаны жабу. Дәптерге осы сөздерді жатқа жазу.1 мин. Дәптерлерін алмастыру,оқыту. Ұяшықты толтыру +,-. Тақтаны ашып, қалып қойған сөздерді жазғызу. Пайызын шығару.

Мәтінді 5 мин. оқу.

Қарама-қарсы сұрақтар:

1.Бір елде ерлігі жұрттан асқан батырдың аты кім?

2.Халық оны не үшін хан көтеріпті?

3.Бір күні Ақдауыл ханға не болады?

4.Атақты тамыршы не дейді?

5.Ұзақ жол жүрген хан қайда жетеді?

6.Теңіздің ауасынан ханның күйі не болады?

7. Дәруіш қандай кеңес береді?

8.Хан күймесі қайда аттанады?

9.Үнді елінде ханның жағдайы не болады?

10.Енді білгір емші қандай кеңес береді?

11.Қап тауына барған ханның күйі өзгерді ме?

12.Хан қайда оралады?

13.Хан не деп ақырады?

14.Хан қартқа қандай әмір айтады?

15.Қарт дәруіш ханның тамырын ұстап не дейді?

16.Ақдауыл хан өзін қайда апаруға бұйырады?

17.Хан туған жерін көргенде қандай күй кешеді?

18. Ақдауыл ханның көңіл-күйі қандай болды?

19.Хан қайда жүгереді?

20. Хан Ақбұлақта не істейді?

21.Ханның нөкерлері сол кезде не ойлады?

22.Хан туған жері туралы қандай пікір айтты?

23.Туған жерінен Ақдауыл хан Ақ Ордаға қандай өзгеріспен қайтты?

24.Ол өмірінде нені ұмытпайтын болды?

25.Мәтіннің басты ойы неде?Ойын ашатын мақал-мәтел ата?

26.Мәтіннің түрін ажырыт.Дәлелде.

27.Аңыз дегеніміз не?

Ұящықтаға + санап шығу, пайызын шығару.

Сергіту сәті.

3-кезең. Сыни сұрақтар.+,-

1.Бір елде ерлігі жұрттан асқан Ақдауыл атты батыр болған екен.

2.Халық оны хан көтеріпті.

3.Бір күні хан аяқ асты ауырып қалды.

4. Асқа тәбеті ашылып, ойын-сауық қуып кетеді?

5.Хан иемді Ұлы теңіз жағасына апарып, теңіз самалымен емдеу керек деді тамыршы.

6.Ұзақ жол жүрген хан Ұлы теңізге жетпеді.

7.Теңіздің ауасы ханның дертіне ем болады.

8.Дәруіш ханды Үнді жағалауына апаруға кеңес береді.

9.Үнді жерінің самал ауасы, ән-сазы ханды ауруынан айықтырады.

10.Хан Үнді еліне аттанады.

11.Үнді елі керемет екен.

12.Емші ханды Қап тауына жеткізіндер деді.

13.Ұзақ жол жүргенмен хан күймесі Қап тауына жете алмады.

14.Қап тауында хан өзің керемет сезініп,айығып кетеді.

15.Хан Ақ Ордаға қайтады.

16.Нөкерлер қарт дәруішті тауып әкеледі.

17.Шын дәруіш болсаң ханның дертін тап – деп ақырады.

18.Қарт дәруіш ханның тамырын ұстап ештене айта алмайды.

19.Қарт дәруіш ханға туған жеріне баруға кеңес береді.

20.Хан туған жеріне баруға келіспейді.

21.Хан Тозғантау қуысындағы шағын қыстаққа келеді.

22.Хан туған жеріне келгенде алқымына өксік тығылып, жанарына жас үйіріледі.

23.Ақдауыл ханның көкірегіне өкініш толады.

24.Ақдауыл хан Ақбұлаққа жетіп,оның кәус ар суынан сіміреді.

25.Ханның нөкерлері ханды ақылыннан адасты деп ойлады.

26.Туған жерге ештене жетпейді.

27.Ақдауыл хан ауруынан толық айығады.

Ұяшықтағы + санап шығып,пайызын шығару.

4-кезең. Шығармашылық жұмыс.31 сөз Мәтіннен түсінгенін жазу. Дәптерді алмастыру,сөздерді санау. Ұяшықтарды толтыру+,-. Ең көп сөз жазылған шығарманы оқыту, ең азын оқыту.

Пайызын шығару.

Рефлексия. Қорытынды шығару. Бағалау.

Үй жұмысы. Ақдауыл хан мәтінін мазмұндау.

Әдебиеттік оқу

Тақырыбы: «Ақдауыл хан» Б.Рысбеков

Технология «Биоақпараттану және Синергетика»

                                      Карта «Ауызша - 1»

Сынып: 3 « Д»

Мұғалім: Аманбекова Р.А.

Астана 2016ж.