Урок "Әр наның ұсағы-еңбек"

Білім беру саласы: «Әлеуметтік орта»

Бөлімі: Қоршаған  ортамен таныстыру

Тақырыбы: «Әр наның ұсағы - еңбек»

Мақсаты: Ұннан жасалатын тағамдар жайлы түсінік беру, тағамның денсаулыққа пайдасы туралы түсіндіріп,  диқаншы, наубайшының еңбегі жайлы білімдерін толықтыру. Нанды ардақтауға ысырап қылмауға  тәрбиелеу.Еңбекті қадірлей білуге үйрету. Танымдық қызығушылықтарын арттыру.

Қажетті құрал жабдықтар: Тақырыпқа сай көрнекіліктер, бауырсақ, үлестірмелі материялдар.

Тәрбиеші: Шаттық шеңбері.

Шеңбер болып тұрайық

Алақанды соғайық

Таза ауа жұтайық

Күннің нұрын салайық
Досымызға сыйлайық

Психожаттығу: «Күлімдейік»

Тәрбиеші: -Балалар адам жанының,жүрегінің кілті ол біздің езуімізде. Егер біз үнемі достарымызға, ата-аналарымызға, апайларға күлімдеп жадырап көтеріңкі көңіл күйде жүрсек, біз мейірімді, ақылды болып өсеміз.

Олай болса кел, балалар күлейік!

Кел балалар күлейік,

Күлкіменен түлейік

Қабақ шытқан не керек

Күліп өмір сүрейік!

Жарайсыңдар балалар, мен сендерді көргеніме өте қуаныштымын.Ендеше біз өткен тақырыптарды қайталайықшы.

Қазір жылдың қай мезгілі?

Күз мезгілінде неше ай бар?

Ендеше ортамызға күз айларын шақырайықшы:

Қыркүйек

Қазан

Қараша

Тәрбиеші: Жарайсыңдар балалар өтілген тақырыптарды жақсы меңгеріпсіңдер. Ендеше бүгін біз жана тақырыппен танысамыз. Осы кезде біреу есік қағып кіріп келеді. Ол – Дымбілмес.

Тәрбиеші: Сәлематсің ба?Дымбілмес, сен мұнда не істеп жүрсің?

Дымбілмес: Меееееен мұнда? АААААА мен дейтін бір күшті ертегі айтып беру үшін келдім. Менің ертегімді тыңдайсыңдар ма балалар? Апай менің ертегім сізге ұнаса маған 5 қойып бересіз бе?

Тәрбиеші; Жарайды Дымбілмес, сенің ертегіңді тыңдап көрейік.Ал ол ертегі маған ұнап жатса сені әрине мақтап мадақтаймын.

Дымбілмес: Ертегімнің аты «Ғажайып ағаштың пайда болуы»Баяғы бір заманда патшалық болыпты, сол патшалықта осындай бір әдемі балабақша болыпты, сол балабақшадағы балалар терезенің алдынан дән тауып алыпты, сол дәнді олар көктемде далаға апарып егіпті, сөйтсе ол дәннен үлкен ағаш өсіпті. Ағашта не алмада емес, не алмұртта емес, апельсинде емес , ол ағашта тәтті тоқаш, бауырсақ, тәтті бөлкелер, неше түрлі нан өсіп шығыпты. Солай сол балабақшаның балалары таңертең де, түсте де, кешке де сол ағаштың нанын жейді екен, осымен  менің ертегім аяқталды.

Тәрбиеші: Дымбілмес саған мына ертегіні кім айтып берді?

Дымбілмес: Ешкім, бұл ертегіні мен өзім шығардым. Мен сооооондай ақылдымын гой дәәәәә!

Тәрбиеші: Дымбілмес бұл ертегіде сен бір үлкен қателік жібердің, ағашта тоқаш, бөлке, нан өскенін қайдан көрдің?

Дымбілмес: Ендеше олар қайда өседі суда ма?

Тәрбиеші: Қанекей балалар Дымбілмеске біздің дастарханымызға тәтті тоқаш, бөлке, наның қалай келетінін айтып, түсіндіріп берйікші. Ең алдымен егіншілер жерді жұмсарту үшін жер жыртады, содан соң ол жерге тұқым себіледі,оны су құйып баптайды. Егінге жаңбырдың да пайдасы өте көп екен. Күн көзі мен су мол болса егін бітік шығады.

Тәрбиеші: Күз мезгілі болғанда себілген тұқым бидайға айналып піседі, сосын бидайдың сабағын бөлек дәнін бөлек алады да. Содан соң бидайдв элеваторға салып кептіріп алады екен, онда бидайдың бір бөлігін тұқымдыққа қалдырса, ал екінші бөлігін дирменге апарып тартады. Осылай бидай ұнға айналады, енді ұнды қайда апарады деп ойлайсыңдар?

Балалар: Наубайханаға апарады.

Тәрбиеші; Наубайшы қандай қызмет атқарады?

Балалар: Наубайхана да наубайшы әртүрлі нан, тоқаш, бөлке пісіреді. Осылайша нан дастарханымызға келеді екен.

Тәрбиеші: Жарайсыңдар, балалар. Ендеше біз  алдымызда тұрған тапсырмалады орындайық.

Дымбілмес: Балалар мен шаршап қалған сияқтымын. Сендер шаршадыңдар ма?

Тәрбиеші: Ал ендеше балалар орнымыздан тұрып Дімбілмеспен бірге  бір  сергіп алайық:

Сергіту жаттығуы

Электроный тақтадан көрсетіледі.

Қортындылау шеңбер бойымен тұрып.

Дымбілмес: Балалар рахмет сендерге сендер менің қатемді жөндедіңдер, мен мұнда келмесем нан ағашта өседі деп қателесіп жүрер едім. Рахмет сендерге көп көп. Ал ендеше мені анам күтіп қалған болар. Қош сау болыңдар балалар.

Балалар: Сау бол Дымбілмес, бізге қонаққа келіп тұр.

Тәрбиеші сұрақтар қою арқылы қортындылайды.