Урок удмуртского языка во 2 классе по теме "Предложение"

Тема: Предложение.

Пуктэм азьмугъёс: предложениосты веран мугзыя пӧртэм луэменызы тодматоно; предложение пумын  шонер знакъёс пуктылыны но соосын предложениос гожъяны дышетоно; вераськон удмурт кылэз волятоно.

Ужъемышъёс:

Личностной: урокъя мылкыдзэс шараяло.

Метапредметъем:

Регулятивной УУД: дышетисен ӵош уроклы азьмуг пукто; асьсэлы но ог-огзылы ужамзылы дунъет сётыны тыршо.

Познавательной УУД: ӧтён, ивортон но юан предложениосты шедьто но предложениос   пуме  пусъёсты  шонер пукто.

Коммуникативной УУД: ог-огзылэсь верамзэс кылзо, кузэн кенешыса ужаны дышетско.

Предметъя: ӧтён, ивортон, юан предложениос сярысь тодо, соос пумын пус пуктыны но шонер гожъяны дышетско.

Уроклэн мынэмез.

Ӟеч мылкыд кылдытон.

Д. Ӟечбуресь пиналъёс.

Чингыли жингыртэ,

Уроке дыртытэ.

Выль тодонлык ми басьтом,

Валантэмзэ юалом.

Д. Кыӵе мылкыдын  лыктӥды уроке? Оскисько, тӥляд ваньмыз пӧрмоз!

Чылкыт гожъяськон дыр.

Д. Али гожтӥськом тетрадямы число, классын уж. Кыӵе удмурт букваосты ми ӧм гожъялэ на? Туннэ гожъялом Ӟ букваез. Кыӵе ӟуч букваен соос одӥг кадь гожтӥсько? Тодамы ваем гожтӥськемзэ. (Дышетӥсь доска вылын гожъя, нылпиос соин ӵош)

Д .Али гожтэ та букваез тетрадяды одӥг чур.

Д. Тужгес но чебер буквадэс пусъе. (Д. учке гожъямзэс)

Азьмуг пуктон люкет.

Д. Кыӵе кылъёс тодӥськоды ӟ букваен?

Д. Табере учке доска шоры. Кыӵе чебер ӟичы мон тӥледлы дасяй! Кельше-а? Д. Али нош лыдӟе доска вылысь гожтэмез. Кин кызьы валаз? Берыктэ ӟуч кылэ. Кыӵе со сыӵе «кескич»? Мар татын гожъямын? 

Д. Кызьы тодӥды та предложение шуыса? (Предложение пӧрме одӥг яке тросгес кылъёслэсь, валамон верамез возьматэ) Маиз уг тырмы татын? 

Д. Точка сяна луоз-а мукет пус пуктыны предложениын? Кыӵе?

Д. Нош кызьы тодом кыӵе пус пуктоно?

Д. Вот  та ик луоз туннэ милям темамы. Кин шара сое вералоз?

Д. Кызьы малпаськоды, малы дышетском туннэ урокын? (Предложениос пуме шонер пус пуктыны. Предложениосты шонер гожъяны.)

Утчаськон-эскерон люкет.

Д. Азьмугмес  быдэстон понна али ужалом кузэн (парами). Конвертъёсысь поттэ листокъёсты.  Ӵош ужаса, шедьтэ но висъялэ отысь предложениосты. Д. Шедьтӥды-а предложениосты? Ваньмыз-а со предложение? Нош кудӥз мултэс? (Один ученик выходит и задевает лишние слова)

Д. Кызьы валады та предложениос шуыса? (Предложение порме 1 яке тросгес кылъёслэсь, валмон верамез возьматэ)

Д.Кин лыдӟоз нырысетӥзэ? Валамон-а мар сярысь вераське? (Дети читают и переводят слова)

Д. Кыӵе пӧртэм пусъёс пуктӥсько предложение пумын?

Д. Кинлэн доска вылын кадь ик пӧрмиз?

Д. Табере пусъе ог-огдылэсь кузэн ужамдэс сигнальной  пусъёсын.

Д. Одӥг кельшем предложениез гожтэ тетрадяды. Кызьы гожъяны кутскиды, кызьы йылпумъяды?

Д. Азинтӥськом ужмес. Учебникысь шедьтӥськом  46 ужез. Ужлэсь пуштроссэ лыдӟо но валэкто мар лэсьтоно.

(Одӥген предложениосты лыдӟо но валэкто ма муген гожтэмын предложение)(Когда, для чего с какой целью говорят такие предложения)

Юан предл. юамез возьматэ (спрашивают)

Ивортон предл. маке сярысь ивортэмез, верамез возьматэ (сообщают о чём-либо)

Ӧтён предл. ӧтемез, косэмез, куремез возьматэ (выражает просьбу, приказ)

Д. Работа с электронной доской по видам предложения

Д. Озьыен, предложениос кыӵе мугъёсын кылдо? (юан, ивортон, ӧтён)

Д. Шонер-а ми верамы, ойдолэ правилоез учебникысь учком. (С.33, дышетӥсь лыдӟе правилоез)

Шутэтскон вис.

Д. Ужмез азьланьтом. 4 предложениез кин лыдӟоз? Шонер-а лыдӟиз? Кыӵе та предложение веран мугезъя?

Быдэн одӥг предложение тетрадяды гожтэ. Но сётӥсько тӥледлы 3 мин.,  кин кӧня вуттоз.

Гожъямдэс эскере. Чебер, ошибкатэк ке гожъямын «+» пуктэ, оибкаосыз но тупатъянъёсыз ке вань «+ -»   пуктэ.

Дунъян.

Д. Табере учкомы кызьы валамы уроклэсь темазэ. Али мон тӥледлы лыдӟо предложениос, нош тӥ листокъёсын знакъёс пуктылоды, интонациез кылзыса. Учке доска шоры. Лыдӟе критериосты, мар понна кыӵе оценка басьтоды.

Д. Дышетӥсь предложениосты лыдӟе.

1Машилэн кучапиез вань?

 2.Нюлэс дурын веськрес кызьпу будэ.

3.Кызьпуос сӥзьыл зарни дӥськут дӥсяло.

4.Нылпиос, утелэ инкуазез!

5.Кин улэ Арктикаын?

6.Урокын шыпыт пук!

Д.  Табере листокъёсыныды воштӥське но дунъялэ ог-огдылэсь ужъёстэс. Доска вылысь учкыса эскере уждэс. (Ужзэс  дунъяло) Критериос.

Рефлексия.

Д. Табере нош ик выжом уроклэн кутсконаз. Кыӵе ужпумъёс пуктылӥм урок азьын? Ваньзэ-а быдэстӥм?

Д.  Мар выльзэ тодӥды урокын?

Урокын туж умой ужады. Ӟечокъёс.

Д. Урокын ужамдэс дунъялэ сигнальной карточкаосын.

Урокмы быриз, кельшиз-а тӥледлы урок? Кыӵе мылкыдын кошкиськоды урокысь? (Дӥсялом писпуэз куаръёсын, учком кыӵе тӥляд мылкыдды урок бере)

Доре уж.

47 уж, предложениос пуме кулэпусъёс пуктылыса гожъялэ. Нош кин ке быгатоз ке луоз лэсьтыны  49 ужез, суредъя 3 предложение малпано.

Куча, куча, кучапи,

Мон тыныд корка пуктӥ.

Вож липето, укнотэм,

Эн тӥя тон, укылтэм!