“Тілден артық қазына жоқ”.
1-4 сынып оқушылары аралығында ертеңгілік.
Мақсаты:
Білімділік: Қазақстан Республикасының
мемлекеттік тілі – қазақ тілі. Қазақстанның әр азаматы мемлекеттік тілде таза
сөйлеуі тиіс. Осы міндетті жас шәкірттер де сезініп, мемлекеттік тілді дамыту
үшін өз үлестерін қосуы тиіс.
Дамытушылық: Мемлекеттік тіл туралы алған
білімдерін дамыту, өлеңді мәнерлеп және жатқа мүдірмей оқи білу,
мақал-мәтелдерді көп білуге, ұтымды пайдалана білуге баулу.
Тәрбиелік: Қазақ тілінде таза сөйлеуге
үйрету. Оқушыларды адамгер-шілікке, имандылыққа, әділдікке тәрбиелеу. Отанды
сүюге, туған жердің қасиетін түсіне білуге баулу.
“Тілден артық қазына жоқ” атты поэзиялық
және музыкалық ертеңгіліктің бағдарламасы:
1.
Қазақстан
Республикасының Әнұранын орындату.
2.
Мұғалімнің
сөзі.
3.
Оқушылар
шумақтап өлең оқиды.
жүргізуші: Сәлеметсіздер ме, қымбатты
ұстаздар мен оқушылар!
1-оқушы: Забузи Л.
Қуан халқым!
Қуанатын күн бүгін!
Тіл Заңының
Күшіне енген күн бүгін.
Қазақ тілі – Атаң, анаң
Қуат алар Отан да одан.
Дүниеде ешбір асыл
Тең келмейді қатар оған.
2-оқушы: Ережеп К.
Қазақ тілі – қасиеті бабамның,
Қыр-сыры көп кеңдігіндей даламның.
Тіл – мәртебе, ұлт мерейі, сәніміз,
Мәңгі бақи шырқалатын әніміз. –
дей келе бүгінгі поэзиялық және музыкалық ертеңгілігімізді
ашық деп жариялаймыз.
3-оқушы: Майданова М.
Ана тілім – ардағым мәртебелім,
Сен ғайып боп кеткенде қайтер едім?
Қадірін де халқымның біле алмай
Қалар ма еді айтылмай айтар әнім.
4-оқушы: Мамазов Р.
Аттары мәлім емес баршаңызға,
Қасиет болу керек барша қызда
Көрсетсін өнерлерін ару қыздар
Мың бұралып, би билеп ортамызда.
жүргізуші: 4-сынып Қыздардың орындауында
қазақ биі «Қамажай »
Поэзия!
Менімен егіз бе едің?
Сен мені сезесің бе, неге іздедім!
Алауратқан таңдардан сені іздедім.
Қарауытқан таулардан сені іздедім.
1-жүргізуші:
Сені іздедім сезімге у шараптан да,
Минуттардан іздедім, сағаттан да.
Сені іздедім.
Іздеймін, тағат бар ма?
Сені маған егіз ғып жаратқан ба?!
жүргізуші: Ортаға 2-сынып оқушысы Арбуду
Фарухты шақырамыз.
Ана тілі туралы.
Сенің арқаң дүниеден сыр ұқсам,
Сенің арқаң қанып ішсем тұнықтан.
Өз анамды ұмытқаным емес пе,
Туған тілім, егер сені ұмытсам.
Сенің арқаң Өмір сырын түсінсем,
Ақыл-ойым, ар-намысым, күшім сен.
Қойсын маған күннің нұры төкпей-ақ,
Ана тілім, атыңа дақ түсірсем.
1-жүргізуші:
Артық емес шат заман десем бүгін,
Өтіп жатыр өмірде әсем күнім.
Ал, қанеки, байқайық сұрақ қойып,
Көрерменнің қаншалық шешендігін.
жүргізуші: - Кезекті викториналық сұрақтарға
береміз.
1.
Тіл мерекесі
қашан тойланады?
2.
Республика
күні қашан тойланады?
3.
Мемлекетімізде
қанша ұлт өкілдері тұрады?
4.
Мемлекеттік
тіл қай тіл?
5.
Тәуелсіздік
күнін қашан тойлаймыз?
6.
Қазақстанның
астанасы қай қала?
7.
Ресми тіл қай
тіл?
8.
Әнұранның
авторы кім?
1-жүргізуші:
Бүгін бізде, халайық, дүбірлі той,
Ден қойып тыңдаңыздар, көңілді қой.
Жырдан шашу шашылсын, күй күмбірлеп,
арулар ән айтқанда, сергісін бой, -
деп, келесі кезекті әсем әнге береміз.
жүргізуші: Ортаға 4- сынып .қыздарының орындауында «Туған жер»
әні
5-оқушы: Жантакова А.
Ежелден-ақ еліміз ірі, іргелі,
шежіреміз, тарихымыз ілгері.
Менің тілім – қаз дауысты Қазыбек,
Әйтеке мен Төле бидің тілдері.
6-оқушы: Машанло Н.
Алғаш рет ана сүтін жұтқам-ды,
Алғаш рет ана тілін ұққам-ды.
Өз анамды “мама” демей, “апа” деп
Алғаш рет тілім менің шыққан-ды.
7-оқушы: Цеахунов С.
Тегін білмеу жетесіздік – жоймаған.
Тілім арым, ол арымнан аттаман.
Дүние есігін сол тілменен ашқанмын
Келмеске де сол тілменен аттанам.
1-жүргізуші:
Әуездісің әсем тілі елімнің,
Әуенісің ұлан байтақ жерімнің.
отан, Ана, Ана тілің үш анық
Самғай берсін шартарапқа әр үнің! –
деген ізгі тілекпен “Тілден артық қазына жоқ”
атты поэзиялық және музыкалық ертеңгілікті аяқтаймыз.
“Тілден артық қазына жоқ”.
1-4 сынып оқушылары аралығында ертеңгілік.
Дайындаған: Молдахмет Г.Н.
Оставьте свой комментарий
Авторизуйтесь, чтобы задавать вопросы.