Воспитательная работа "Осенний бал"

1-жүргізуші:

 Армысыздар, ағайын, Сәлеметсіздер ме, қадірлі қонақтар! Бүгінгі 3 «Ә»  сынып оқушылары дайындаған «Берекелі алтын күз» атты ертеңгілігіне қош келдіңіздер! Сіздерге әрқашан осы күз мезгіліндегідей молшылық тілейміз! Ал балалар, берекелі де ырысты алтын күз құрметіне арналған мерекемізді бастаймыз.

Көрініс.

Балалар әдемі сазды әуенмен саз залына кіріп орналасады.

2-Жүргізуші: Келді міне алтын күз,
Сары шашты жарқын жүз.
Мол өнімді ісімен,
Таңдандырып халқын күз.


Аспанды сұрғылт бұлт
Жан-жақтан жабады.
Күн бірте суытып
Жауын көп жауады.

Көрініп еліме

Күндері мереке

Келді ғой жеріме

Күз дейтін мереке.

Жүргізуші:

Көк майсалы көрікті
Алқаптағы көп егін
Бұл күндері киіпті,
Сары жібек көйлегін

Ағаштарды жамырап

Ұшты кенет жапырақ
Құстар қайтып барады
Көк аспанды қалықтап.

«Ән» «Алтын күз»
Орындайтын: Жасуланов Әмір, Қанатқызы Аиша

Жүргізуші: Жарайсыңдар, балалар! Балалар, тыңдаңдаршы, бұл не шу? (Осы кезде әдемі әуенмен Қыс ханшайымы келеді.
-Сәлеметсіңдер ме?! Менің сендерге дайындаған сыйлығым бар.

Жұмбақтар.

Қызыл, сары кемелер,
Су бетінде қалқиды.
Соқса егер салқын жел,
Ырғалады, толқиды. (Жапырақ)
Жаздай інге тығылып,
Жатқан қызыл түлкіні,
Құйрығынан суырып,
Әкелді әжем бір күні. (Сәбіз)
Үстіне тігіп көк шатыр,
Асытында қызыл дәу жатыр. (Қызылша)
Жайлы, жұмсақ төсегім,
Домаланып өсемін,
Қабат-қабат тоным бар,
Қалай оны шешемін? (Қырыққыбат)

Ән.

Жүргізуші: -Қыс ханшайымы, рахмет сізге, төрлетіңіз! Келесі ханшайымды қарсы алайық!

(Думандатып Көктем ханшайымы келеді)

Себеттен тапсырмалар алу.

Жандары жақсылыққа тұнып дәйім

Жол берсін қақ жарылып қырық қайың

Құрметпен ортаға шақырайық

Бір топ өнерлі бишілерді

Би. Флешмоб.

Жүргізуші: -Көктем ханшайымы, рахмет сізге, төрлетіңіз! Келесі ханшайымды қарсы алайық!

(Жадырап жаз келді)

Сәлеметсіңдер ме, балалар, ой қандай әдемі, сүйкімді балаларсыңдар! Менің тапсырмамды орындауға дайынсыңдар ма?

КТА.

Би. Қазақ биі

Жүргізуші:

-Тоңазып отырып

Көп жеміс піседі,

Сарғайып жапырақ

Судырап түседі.

Үстінде егін жай

Салқын жел соғады,

Гүл жапырақ шөптерде

Қурап, қурап салады

Айтыңдаршы балалар

Бұл қай мезгіл болады?

Ортаға күз ханзадасы мен ханшайымын шақырайық!

Күз ханзадасы:Амансыңдар ма?!

Уа, халайық, дархан далам армысын.
Табиғатым,жаны жайсаң тал мүсін.
Ханшайымы күздің бүгін келіп тұр,
Алмақшы боп бар халқымның алғысын.

Қазір біз сіздермен « Күз мезгілі неде?» деген ойын ойнаймыз. Мен күз мезгіліне қатысты сөздер айтамын, сіздер аяқтайсыздар.

- Күзде жапырақтар (сарғаяды)

- Күзде күн (суытып, жаңбыр жауады)

- Күзде құстар (жылы жаққа ұшып кетеді)

Күзде көкөністер мен жемістер ( піседі)

Күзгі вальс.

(Күз ханшайымы мұңайып, жылап тұрады. )

Ханзада : Ханшайым, не болды саған?

Ханшайым:

-Мен күзбін, өте еркемін, сәл нәрсеге ренжіп бұртиып, қабағымды түйе қаламын. Кейде болмашыға өкпелеп, көз жасымды аямай төгіп- төгіп жіберемін. Әйтсе де менің жомарттығым мен ақкөңілділігім үшін бәрі де ұнатады. Сендерге арналған тапсырмаларым бар. Орындауға дайынсыңдар ма?

Жұмбақтар:

Күннің нұрын сүйемін,
Күнге басымды иемін.
Моншағым жоқ мойнымда,
Үлкен қалпақ киемін. Күнбағыс

Үлкендігі алмадай,
Сырты жанған қызыл от,
Ішін жарып қарасаң-
Майда , майда қызыл шоқ . Анар

Өзі қызыл , өзі қызық ,
Ортасында бір сызық . Шабдалы

Азар, азар кетті,
Әкесі мазар кетті,
Баласы базар кетті. Жүзім

1-жүргізуші:

Ортаға Қыс, Көктем, Жаз ханшайымдарын шақырамыз

Би.Күзгі вальс

Күз:

- Рахмет, балалар өнерлеріңе

Уақыт өтпес бірліксіз

Бақыт келмес тірліксіз.

Талмай еңбек етіңдер

Қыстан аман өтіңдер!

2-жүргізуші:

 Табиғат әсемдіктің төркінісің

Ән саламыз бір сенің көркің үшін

Жан-жануар табынып бір өзіңе

Сенен алып тұрғандай бар тынысын

Алтын нұрдай тамшылап

Жапырақтар төгілді

Біздің өмір таң шуақ

Біздің өмір көңілді

Демеңіз біз өнерді аяп қалды,

Мезгіл де біраз жерге таяп қалды.

Қош болып тұрыңыздар көріскенше

Осымен концертіміз аяқталды.

 1.Жүргізуші: Күздің кереметі,байлығы өте көп. Біздің дастарханымыз дәнді дақылдарға, көкөністерге, жеміс-жидектерге толы болады,бірақ осы байлыққа жету үшін, көп енбек ету керек. Сондықтан сіздер енбекшіл, болуларыңыз қажет. Бүгінгі күз мерекесін жақсы тойладық.Әр отбасына бақ, береке әкелсін! Осымен «Берекелі алтын күз» атты ертеңгілігіміз аяқталды, сау болыңыздар

Конец формы