Ортаңғы «Қуыршақ» тобындағы ұйымдастырылған оқу қызметінің
конспектісі
Білім беру
саласы: «Шығармашылық»
Пән:
Мүсіндеу
Өтпелі
тақырып: «Көктемгі ағаштар»
Тақырыбы: «Үй салатын
бөрене»
Мақсаты:
Тәрбиелік:Бір-біріне кедергі жасамай,
бірлесіп ұқыпты жұмыс жасауға тәрбиелеу.
Дамытушылық:Іс әрекетке деген
қызығушылықтарын дамыту.
Оқыту: Тұзды қамырдан езу тәсілі арқылы сопақша
пішінді жасауға үйрету.
Педагогикалық
технологиялар: Дамыту технологиясы
Ресустармен
қамтамасыз ету: Суреттер
Билингвалдық
компонент: Көктем – весна, су -
вода , ағаш – дерево, бүршік - почки
Ұйымдастырылған
оқу қызметінің барысы:
1.Ұйымдастырушылық кезеңі:
Шаттық шеңбері: Қане, қане тұрайық,
Үлкен шеңбер құрайық.
Тұрсақ енді шеңберге,
Алақанды ұрайық,
Оң жақтағы балаға,
Сол жақтағы балаға,
Шапалақта шапалақ,
Шапалақта шапалақ.
Бүгінгі мүсіндеу сабағымызда тұзды қамырдан
бөренені мүсіндейміз. Бөрене дегеніміз не? Ол қай жақтан келеді екен? Ол -
ағаш, орманда өседі. Артық бұтақтарын кесіп тастап үй салуға пайдалануға
құрылыс материалдарын дайындайды. Оны отын ретінде пайдаланамыз. Осы ағаштардан
қағаз жасалады екен. Орманда өсетін қандай ағаштарды білесіңдер?
- Қарағай, шырша, аққайың, емен.
- Емен деген ағаш, ол өте қатты ағаш екен.
Біздің осы отырған орындықтарымыз, киім салатын шкафтарымыз сол емен
ағаштарынан жасалады екен.
Балалар мына бөренелерге қарайықшы, мына бөрене
ағаштан алынған. Бұл бөрене ағашты өңдеп үй салуға дайындаған екен. Бүгін біз
мүсіндеу сабағымызда тұзды қамырдан бөрене мүсіндейміз.
2.Негізгі бөлім:
1. Тұзды қамырды оң қолымызбен алып,
екі алақанымызға салып, есу тәсілі
арқылы ұзынша етіп мүсіндейміз.
2. Оң қолымыздың сұқ саусағымен екі
басын тегістейміз.
Сергіту сәті: Ұзын құлақ сұр қоян,
Естіп қалып сыбдырды.
Ойлы - қырлы жерлермен,
Ытқып - ытқып секірді.
Қарап еді артына,
Қиығын сап көзінің.
Келе жатқан томпаңдап,
Көжегі екен өзінің.
Тосын сәт:
(Есік қағылып, почташы апай келді)
- Сәлеметсіздер ме балалар, қонақтар.
Балалар, бұл қандай топ? Маған «Балапан» тобы
керек еді. Сіздерге орманнан сәлемдеме келді. Сау саламат болыңдар.
Тәрбиеші: Қане, мына қорапты ашайық ішінде не
бар екен? (Қорапты ашқан кезде сыңғырлаған
музыка естіліп, ішінен қуыршақ театры қоян
шығады)
Қоянның сөзі: Саламатсыздар ма балалар! Мен
үйсіз қоянмын, менің үйім жоқ. Үйім болмаған
соң қораптарда тұрып жүрмін.
Тәрбиеші: Жарайды қоян, сен уайымдама, біз бүгін
мүсіндеу сабағында бөренелер мүсіндейміз.
Сен орманға барып осы бөренелерден достарыңмен
үй салып аласың. Қане, балалар қоянға көмектесеміз бе?
Қоян: Балалар бөренені жақсы мүсіндейді екен.
Дамирдің бөренесінен үйімнің қабырғасын саламын. Нұрайдың бөренесі қандай
әдемі, одан үйімнің еденін саламын.
Тәрбиеші: Қоян міне балалар көп бөрене
мүсіндеді.
Қоян: Алақай, қандай тамаша балалар!
Ойын: «Кімнің бөренесі әдемі?»
Тәрбиеші: Қоян біз енді бұл бөренелерді
кептіруіміз керек.
Қоян: Жарайды, мен бөренелер кепкенше осы
қорапта дем ала тұрайын. Сау болыңдар.
3.Қорытынды:
1. Балалар
бүгін не істедік?
2. Мүсіндеуде біз не мүсіндедік?
3. Бөренені қалай мүсіндедік?
4. Біз бөренелерді кімге береміз?
5. Қоян ол бөренелерді не істейді?
Оставьте свой комментарий
Авторизуйтесь, чтобы задавать вопросы.