"Үй құстары" күнделікті сабақ жоспары

Сабақтың тақырыбы: Үй құстары

Сабақтың мақсаты: Үй құстарының тіршіліктері туралы түсініктерін кеңейту. Үй құстарының пайдасы туралы мағлұмат беру. Құстарға деген сүйіспеншілікке, қамқорлыққа тәрбиелеу.

Әдіс – тәсілдер: сұрақ – жауап, түсіндіру, көрнекілік, ойын.

Көрнекілік: айна, артикуляциялық  жаттығулардың суреті,тауық,балапан,әтеш,жұмыртқа,қаз,үйрек суреттері

Сабақ барысы.

I Ұйымдастыру бөлімі.

Шаттық шеңбері
Жақсылықты үйреніп,
Боламыз біз жақсы адам.
Жамандықтан жиреніп
Үлгі аламыз жақсыдан.

Логопедиялық массаж.

-          Бет, мойын, дене, қол, бұлшық еттерін босаңсытуға  арналған жаттығулар.

Артикуляциялық жаттығулар.

Сағат- күлімдеп тұрамыз,аузымызды ашамыз.«Бір-екі» деп санап тілімізді жоғары,төменгі тістерге кезек-кезек тигіземіз.Астыңғы иек қимылдамау керек.

Астыңғы тістерді тазалаймыз – күлімдеп тұрамыз,аузымызды ашамыз.Тілдің ұшымен тістердің арасын оңды солды тазалаймыз.Астыңғы иек қимылдамау керек.

Тәтті тосап – Езу тартып күліп,аузымызды ашамыз.Тостақша формасындағы тілмен ерінді сағат тілі бағытымен жалаймыз.Астыңғы иек қозғалмау керек.Қажет болған жағдайда иекті қолмен ұстап тұру керек.

Өткен тақырыпты қайталау.

-          Көліктер 3 түрге бөлінеді.

-          Құрлықта жүретін,әуеде,суда жүретін.

-          Мына 2 – 3 бөлікті көлік суреттерін құрастырып беріңіздер.

II Негізгі бөлім

- Балалар, тыңдаңдаршы, бір нәрсе тырсылдап жатыр. Қане, қайтадан тыңдайықшы. Мәссаған, мына жұмыртқаның үлкенін - ай, өзінің түсі аппақ екен, ал көлемі сопақшаға ұқсайды екен. (Балалар жұмыртқаға таңдана қарайды)

 - Балалар, жұмыртқа жарылып жатыр екен. Бұдан не шығатынын білесіңдер ме?

 - Балапан шығады

 - Балапан шығатынын білесіңдер.  Балапан не істеп тұр?

 - Жылап тұр.

- Балапан, сен неге жылап тұрсың? Біз саған көмектесеміз, айтшы балапан.

 - Мен мамамнан адасып кеттім. Сіздер соны тауып бере аласыңдар ма, балалар?

 - Әрине, балапан. Біз саған көмектесеміз. Балалар, бәріміз балапанның мамасын шақырайықшы.

 Қыт-қыт-қыт! Қыт-қыт-қыт!

 - Балалар, не болды, менің жұмыртқаларымды таптыңдар ма? Сендерге көп рахмет.

 - Тауық, біз балалар болып сіздің жұмыртқаңызды таптық. Оны ұстайын деп едік, ол жарылып жатыр екен. Біз оның жарылуын күттік. Содан міне, сіздің балаңызды аман-есен тапты балалар.

- Рахмет, балалар! Менің балапанымның қарны аш еді, сендер балапаныма жем, тары тауып беріңдерші.

 - Тауық бізде жем де, тары да бар. Бірақ менің тапсырмаларымды орындасаң ғана беремін.

1-тапсырма.Ермексазбен немесе сулы бояумен жұмыстанамыз.

                        

2 – тапсырма: Жаңылтпаш.

Үйір - үйір балапан,

Үйірге кім үйретті?

Үйір - үйір балапан,

Үйірге өзім үйреттім. 

IIIСергіту сәті

- Балалар, бәріміз орнымыздан тұрып бойымызды сергітейік.

Тауық тары жинапты,

Оны ешкімге қимапты.

Бөтекесін толтырып,

Қамбасына құймапты.

Қыста тауық қақылдап,

Тары іздеп жүр тақылдап.

IV Дидактикалық ойын: «Анасын тап»

Шарты: Балаларға үй құстарымен олардың балапандарының суретін үлестіріп беру. Балалар анасын балапанымен жұптастырады.

V Үй тапсырмасы

VIСабақтың қорытындысы