Тақырыбы: «Асығың
алшысынан түссін!»
Мақсаты :
1. Ойын сабығын
әр сабақтың пысықтау, бекіту кезеңінде қолдану арқылы оқушылардың білімін
тиянақтау.
2. Осы ойын
сабағы арқылы оқушылардың әр сабақта қызығушылығын арттыру, өз беттерінше
талдау жасай білуге үйрету.
3. Ұлттық
құндылықтарды оқушы санасына сіңіріп, олардың ойы мен қиялын, тілін, логикасын
дамыту. Өз бетінше дұрыс қортынды мен шешім шығара білуге және шапшаңдыққа тәрбиелеу.
Қолдану жолдары:
Бастауыш сынып
оқушыларына сабақты көбінде ойын сабағын молынан керектенген ұстаз толағай
табыстарға жететіндігін өмір өзі көрсетіп берді. Осы сабағымды оқушылар
қызығатындай өз бетімен білім алуға алғы шарты боларлықтай етіп ойластырдым. Ұсақ
малдың /қой, ешкі/ асығын әр оқушыға беріп олардағы формаларды түсіндірдім.
Асық ойындары: «Ханталапай», «Бәйге», «Асық ату» т.б сабағымда қолданып жүремін.
Бұл ойын
сабағын бірнеше пәнге қолданып көрдім. Солардың бірнешеуін ұсынамын. «Асығың
алшысынан түссін!» тұрақты сөз тіркесі, яғни «Жолы болды», «Табысқа жетті»
деген мағынаны береді.
Асық 6/алты/ түрлі
формада жерге түседі .
1. Алшы, 2. Тәйке,
3. Бүк, 4. Шік, 5. Омпы, 6. Томпы
Бұл сабақ
элементін құлақпен естіп, ой-санамен қабылдап, қолымен денелей жасау арқылы
адам баласының мүмкіндіктерін қалыптастырады, білімге деген құштарлығын
дамытады. Ойындағы ережені түсіндіру барысында салт –дәстүрлерді, ырым мен
тыйым сөздерді де жиі қолдана отырып ұлттық рухта тәрбиелейді.Тез шешім
қабылдауға, жылдам ойлауға пайдасы мол екендігін көрдім.
Мәселен 2-сыныптағы
әдебиеттік оқу пәніндегі «Қарлығаштың қасиеті»
тақырыбының бекіту
кезеңінде /Ой толғаныс/ қолдандым. Бірінші әрпі /дыбысы/ сабақтың тақырыбының
мәнін ашатын сөз таптарын ойлап жазу
/Зат есім, сын
есім, сан есім, етістік/. Мағыналы сөйлем болса құба-құп.
1. Алшы –адал
2. Тәйкі -төзімді
3. Бүк-балажан
4. Шік-ширақ
5. Омпы-оңды
6. Томпы-таза
тіршілік иесі- деп жазып шықты.
2-сыныптағы
дүниетану пәніндегі «Каспийдің тірі- алтыны»
тақырыбының бекіту
кезеңінде /Ой толғаныс/ қолдандым. Бірінші әрпі /дыбысы/ сабақтың тақырыбының
мәнін ашатын сөз таптарын ойлап
жазу/ Зат есім,
сын есім, сан есім, етістік/. Мағыналы сөйлем болса құба-құп.
1. Алшы –Атырау
2. Тәйкі -теңіз
3. Бүк- бекіре,
байлық
4. Шік-шаруа
қожалығы
5. Омпы- Оғлан
6. Томпы -
Түркіменстан -деп үш оқушы жазып келді.
2-сыныптағы математика
пәніндегі «Тіктөртбұрыш» тақырыбының бекіту кезеңінде /Ой толғаныс/ қолдандым.
Бірінші әрпі /дыбысы/ сабақтың тақырыбының мәнін ашатын сөз таптарын ойлап жазу
/Зат есім, сын есім , сан есім, етістік/. Мағыналы сөйлем болса өз ойыңның
ұшқырлығын көрсетесің деп оқушыларды демеп отырдым..
1. Алшы –Ақ,алды,арты.
2. Тәйкі -тік
3. Бүк- бұрыш
4. Шік-шаршыға
ұқсас, шама.
5. Омпы- Оң
жағы
6. Томпы -
төбесі
Нәтижесі:
Өткен
сабақтарды есте сақтап, әр оқушы өз деңгейіне қарай толық білім алады. Оқыған, түсінген,
жазғандарын ұзақ уақыт ұмытпайды.
Қысқасы оқушы
теориялық білімін барлық сабақта тиянақтайды.
Ақмола облысы
Аршалы ауданы
Сарыоба орта
мектебі.
Тақырыбы: «Асығың
алшысынан түссін!»
Бастауыш сынып
мұғалімі: Силам Досжан
2014 ж.
Оставьте свой комментарий
Авторизуйтесь, чтобы задавать вопросы.