"Өзін - өзі тану " пәні бойынша сабақ жоспары 8 сынып

 

                                                  Қарақия ауданы. Қарақұдық орта мектебінің

 «Өзін – өзі тану» пәнінің мұғалімі

 Жакупова Асел Нурболатовна

 « Өзін - өзі тану » сабағының жоспары

Мектеп :   Қарақұдық  орта  мектебі  

Мұғалiм:  Жакупова А.Н

Сынып: 8   Оқушылар саны :  20

№ 5 тақырып:  «Мақсат – жетістік желкені»

Құндылық :  Дұрыс әрекет

Қасиеттер:    Жауапкершілік, еңбекқорлық,  сенімділік.

Сабақ мақсаты:Оқушыларға мақсат қоюдың маңыздылығын ұғындыра отырып,  дұрыс әрекет  құндылығының  мәнін  ашу. Міндеттері: Білімділігі:Оқушыларға өмірлік мақсаттарын нақты белгілей білуге, өз мұраттарына жету жолдарының мәнін түсіндіре  отырып,  жауапкершілік қасиеті туралы түсінік беру; . Дамытушылығы:Өзін – өзі жетілдіру арқылы болашаққа дағдылындыра отырып,   адам бойындағы еңбекбекқорлық  қасиеттерге  баулу; Тәрбиелілігі:    Оқушыларды жауапкершілік, еңбекқорлық,  сенімділіккетәрбиелеу.	Ресурстар: (құралдар, мәлiметтер) Белсендіргіш тақта, түрлі  түсті  бояулар, маркерлер, ватман,  ақ қағаз.
Сабақ барысы:   Ұйымдастыру кезеңi. (2 мин) 5Т ережесін еске түсіру Тәртіп Талап Тыныштық Тазалық Татулық 1.   Тыныштық сәтi. «Нұрға  бөлену» (4 мин) Нұрға бөлену Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдерге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын… Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын… Нұр менің ішімде… Мен Нұрмын». Осындай Нұр, Махаббат және Тыныштық күйінде  отыра тұрыңыз… Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. 2.   Үй тапсырмасын тексеру (7 мин) Үш ағайынды жігіт аңыз әңгімесі 1. Сіз қайсысының пікірімен келісесіз? Неліктен? 2. Қалай ойлайсыздар, адам өмірінің өткені, қазіргісі, әлде болашағы маңызды ма? 3. «Өткен бақытты ойлау – жаныңды жабырқатады, болашақ бақыт туралы ой жаныңды жегідей жейді» деген пікірді қалай түсінесіздер?	Ескерту
3.   Дәйексөз. (5 мин ) «Мақсатсыз жанталасып жүрген адамнан өз мақсатын көзден таса етпеген сылбыр адам әлдеқайда артық » Э.М. Фортсер 1.Хормен оқыту 2.Қыздарға бөлек, ұлдарға бөлек оқыту 3.Оқушыларға дәптерге жазғызу -Дәйексөздің мағынасын қалай түсінесіңдер? 4. Балалардың жауаптары негізінде дәйексөзді                қорытындылау	Ағылшын жазушысы, әдебиет сыншысы.
4.Мұғалім сыйы (10 минут уақыт беріледі) Мақсатыңа жет! Шағын видео ролик. Оқушыларға  жетістікке жеткен, алдына  мақсат қоя білген адамдар туралы мысал келтіру. 1. Жетістікке жету жолындағы ұстанымдарың қандай? 2.  «Жетістіктіңтоқсанпайызы – тер, он пайызы – шабыт» дегенді қалай түсінеміз? 3. Өздеріңіздің көздеген мақсаттарыңыз бар ма?
5.Шығармашылық іс-әрекет, топтық жұмыс (10 минут уақыт беріледі) 1-4            ке дейін санату арқылы топтарға бөліп алу. 1-Топ: Мақсат, арман, жетістік, сенім сөздерін пайдалана отырып 2 шумақ өлең құрастыру. 2-Топ: «Мақсат жетістік желкені» тақырына сурет салу, талдау 3-Топ: Берілген мозаиканы құрастырып әңгіме құрау. 4- Топ: «Жетістік» сөзін пайдалана отырып сөзжұмбақ құрастыру.
Топпен ән айту. Армансыз күнім болмайды Сөзі Т. Толқынқызынікі Әні Ш. Ахметованікі Бақытты жанмын, Сонда да бірақ, көңілім кейде толмайды. Алаңсыз күліп, жүрген кезде де, Армансыз күнім болмайды. Арманда күнде, Айнала түнде. Арманың өлсе сол қайғы. Бақытқа сенемін, армандай беремін, Армансыз күнім болмайды. Армандап ғұмыр, кешемін күнде, Бір үміт қалсын ішімде. Арманмен бірге өсемін мен де, Адам боп қалу үшін де.
Үй тапсырмасы Қадыр Мырзалиевтың «Мақсат»атты өлеңін жаттау.
8.  Сабақтың соңғы тыныштық сәтi. Балалар, бүгінгі сабақта айтылған жақсы қасиеттерді жүректеріңе  сақтап алыңдар.  Сабақ аяқталды. Сау болыңдар!