Саб. тақырыбы:
Адамшылықтың шуағы сөнбесін
Саб. мақсаты:
оқушылардың бойына рухани- адамгершілік қасиеттерін ұялату. Адам бойындағы асыл
қасиеттерді бағалай білуге, адамгершілік қарым-қатынас дағдыларын баулу.
Міндеті:
оқушылардың бойына мейірімділік, қайырымдылық, ізеттілік, достық қасиеттерін
сіңіру.
Түрі:
ұжымдық жұмыс.
Көрнекілігі:
қанатты сөз, суреттер,
Әдіс-тәсілдері:
Ассоциация, өсиет әңгіме, болжау стратегиясы, ой тұжырым, топпен жұмыс,
тренинг-ойындар
1. Ұйымдастыру. Психологиялық
сәт. Музыка ойнап тұрады, оқушылар орындарынан тұрып билейді
2. Сандар
арқылы топқа бөліну
3. Бүгінгі
сабағымыздың тақырыбы – «Адамшылықтың шуағы сөнбесін». Бұл сабақ арқылы біз өз
бойымызға рухани-адамгершілік қасиеттерді ұялату үшін мейірбан, ақылды, шыншыл,
қайырымды, т.б. адамдық асыл қасиеттерді игеруге ықпал етуді үйренуіміз
керек.
-
Ал, адамгершілік дегеніміз не? (Әрине, адам бойындағы жақсы қасиеттерді айтамыз.
Ал, енді осы адам бойындағы асыл қасиеттерге ассоциация )
4.Ассоциация
/ақылды,
мейірімділік, шыншылдық, қайырымдылық, аяушылық, сыйластық, кішіпейілділік,
адалдық/
- Яғни, адам
бойында осы қасиеттер жоғары тұрса, ол адамның адамгершілігі жоғары болмақ.
Сондықтан, біз осы қасиеттерді кішкентай кезімізден бойымызға сіңіруіміз қажет.
- Ал, керісінше,
сөзі дөрекі, мінезі шайпау, менмен, мақтаншақ мінезден аулақ болуымыз керек.
5. Өсиет әңгіме
Бір адам
бір құлап, бір тұрып суда шыға алмай жатқан шаянды көреді. Оны адам құтқару
ниетімен қолын созғанда шаян оны шағып алады. Адам шаянды сонда да судан
құтқаруға тырысады, бірақ шаян қайта шағады. Мұны көрген біреу жақындап келеді
де, "Қайта-қайта шаққан шаянды несіне құтқарасың"- деп сұрайды.
Сонда адам не деп
жауап берді деп ойлайсыңдар?
"Болжау"
стратегиясы. Оқушылар өз ойларын айтады.
Сонда адам: Шағу
шаянның табиғатында бар нәрсе ал менің табиғатымда сүю бар. Шаянның табиғатында
шағу бар деп мен өзімнің адамдық қасиетімнен бас тарпаймын ғой - деген екен.
Сұрақ:
- Әңгімеде адам
шаянның жаман қасиетіне қандай жақсы қасиеттерімен жауап берді?
- Сонымен бұл адам
қандай адам болды?
- Осы әңгімеден
қандай қорытынды шығаруға болады, қандай ой түйдіңдер.
6. Суретпен жұмыс
(суреттегі кейіпкердің жағымды, жағымсыз қасиеттерін анықтау)
- Бұл көріністе
қандай баланы көрдіңдер?
-Қандай адамгершілік
қасиеттерін көрсетті? (үлкенге құрмет, көмек берді, кішіпейілділігін көрсете
білді.)
-Келесі суретте
ше?
-Не байқадыңдар?
- Біздер бұл
көріністер арқылы адам бойындағы жағымды, жағымсыз қасиеттерді ажырата білдік.
7. Мен қандаймын?
/тест/
Мұғалім оқушыларға
сөйлемді толықтыру тапсырмасын береді.
Менің ойымша
мен.............................
Мені
басқалар..................................ойлайды.
Мен................................болғым
келеді
Керекті сөздер:
сүйкімсіз, әлсіз, жағымды,оғаш, шыншыл, мақтаншақ, еңбекқор, іш пыстыратын,
ойшыл, батыл, қызғаншақ, қу, күлкілі, шыдамды, сенімді, жағымсыз, уайымшыл,
жақсы, дені сау, мейірімді, адал, ақымақ, әдемі, шапшаң, нәзік, күшті,
өтірікші, ұғымтал, досшыл .
8. Ой тұжырым.
2-сыныпта 5 жақсы
іспен 5 жаман іс туралы өлең оқығанбыз , есімізге түсірейікші
/өсек, өтірік,
мақтаншақ, еріншек , бекер мал шашпақ/
/талап,еңбек,
терең ой, қанағат, рақым ойлап қой/
- Өлеңді кім
жазды?
Топпен жұмыс
1-топ. Автордың
өмірбаянын жазады
2-топ. Бес жақсы
мен бес жаман іске байланысты мақал-мәтел жазады.
3-топ. Ғылым
таппай мақтанба өлеңін естеріне түсіреді.
9.
"Болады-болмайды" ойыны
- Қайырымды
болуға.................болады
-Мақтаншақ
болуға.................... болмайды
--кешірімді болуға......................болады
-әдепсіз
болуға........................болмайды
-шыншыл
болуға......................болады
жаман
болуға......................болмайды.
Сынып
жетекшісі:
Күн
ашылды.
Даламдай
кең пейілім,
Жүрегім
толы мейірім.
Мен
үшін жоқ уағың,
Бәріңе
ортақ шуағым.
Осы
жарқыраған күндей, мейірімді, жан шуақты, көңілдерің ақ, адамға тек жақсылық
жасай білетін, адамгершілігі мол азамат болыңдар. Бүгінгі сабақта аз болса да,
жақсылықтың нұрын, адамгершіліктің дәнін алдыңдар деп ойлай отырып, ашылған
күннің соңындағы әсем кемпірқосаққа көңіл аударайық.
1-ші
түсі. Әр күнді жақсы ойлар ойлаумен бастаңдар.
2-ші
түсі. Күні бойы өзіңді қоршаған адамдардың бәрі туралы тек сүйіспеншілікпен
және ізгілікпен ойлап жүр.
3-ші
түсі.Ұйықтар алдында бүгін қанша адамды қуантқаныңды, жұбатқаныңды еске түсіру
үшін бірнеше минут арнап көр.
4
- ші түсі. Әнді жиірек тыңдағаның дұрыс, бәрінен жақсысы жаныңды жадыратып,
рахатқа бөленесің.
5
- ші түсі. Басқалардың қажетіне жарай білуге талпын.
6-
шы түсі. Тыныштық сақтай білуге үйрен. Нәзік үнмен биязы сөйлеуге дағдылан.
7
- ші түсі. Жақсылыққа жақсылық – әр кісінің ісі, жамандыққа жақсылық – ер
кісінің ісі деген нақыл сөз жаныңда жүрсін.
Қымбатты, оқушылар, қазір барлықтарың жақсы бір сезім әсеріне берілесіңдер.
Тыныштық сақтайық. Дыбыссыз босаңсып отырыңдар. Бойларыңа бүгіннен бастап жаңа
шуақ енгізілді. Ол – адамгершілік шуағы. Ол жылу аяқтарыңның басынан бастап,
жоғарылап барады. Қызу шуақты, ыстық жылулықты сездіңдер, жүрекке келді. Жүректеріңе
жан шуағы орнады. Бүгіннен бастап жаман әдет пен қылықтардан тазарып, жаны
таза, көңілі ақ рухани сезімдерге бай адам болыңдар. Ықыластарыңызға рахмет.
Осымен тәрбие сағатымыз аяқталды.
Оставьте свой комментарий
Авторизуйтесь, чтобы задавать вопросы.