Алгебрадан ашық сабақ "Арифметикалық және геометриялық прогрессияға берілген есептер"

Тақырыбы:      Арифметикалық және геометриялық прогрессияға берілген есептер

       Ұйымдастыру кезеңі:

 жеке жұмыс (сабақтың тақырыбына байланысты өз ойын жеткізе білу)

• топтық жұмыс (сабақта жұмыс тобымен жұмыс істеу)
• оқушыларды компьютермен таныстыру жұмыстары (сабақ барысында)

Сабақты жабдықтау және дайындау:

-       оқушылардың  «Арифметикалық және геометриялық прогрессияға берілген есептер» тақырыбы бойынша (өткен сабақ) білімдерін тексеру.

-         Оқушыларды білімге  ынталандыру барысында  интерактивті тақтаны қолдана отырып тапсырмаларды дайындау. 

Дайындық кезеңі:

1)                              Оқушылармен жаңа тақырып бойынша таныстыру жұмысын жүргізу    

-         Білімін тексеру  үшін оқушылар жеке тапсырма алады.

-         Оқушылардың өз бетінше жұмыстары үйде орындалады, мультимедиалық кабинеттегі жұмыстар мұғалімнің бақылауында болады. 

2)                              Өткен материалдар бойынша оқушылардың  математикалық тіл сауаттылығы мен қабілеттері бақыланады.

Сабақ мақсаты:

Білімділік – оқушылардың   ақпаратты талдау және салыстыру біліктілігін қалыптастыра отырып, арифметикалық және геометриялық прогрессияға берілген есептерді

 шешу тәсілдерін  үйрену;

Дамытушылық – алған теориялық білімдерін іс  жүзінде қолдана білу бейімділігін қалыптастыру. Салыстыру, талдау, жинақтау арқылы  есте сақтау, байқампаздық, сезімталдық және  есептеу жылдамдығын дамыту.

Тәрбиелік – өзара көмек беруге, жұмыла істі атқарушылық пен жауапкершілікке тәрбиелеу.

 Сабақ типі: пысықтау

 Сабақ түрі: аралас сабақ

 Басымды технологиялары –саралап-деңгейлеп оқыту

№	Кезеңдер	Уақыт
1	Ұйымдастыру кезеңі	1 мин
2	Актуализация	3  мин
3	Миға шабуыл	2  мин
4	Мақсат қою және мотивация	4  мин
5	Білімді бекіту	15  мин
6	Үй тапсырмасы	1 мин
7	Рефлексия	2  мин
8	Бағалау	2  мин

Жалпы сабақ уақыты: 45 мин

Сабақ жоспары

Кезең	уақыт	мұғалім	оқушылар	Әдістемелік дәйектеме
1.  Ұйымдастыру кезеңі	1 мин	1. Сәлемдесу, сабаққа дайындығын тексеру	1. Сәлемдеседі, мұғалімнің талаптарын орындайды	мақсаты: сынып оқушыларын танымдық жұмысқа белсендендіру
2. Актуализация	3 мин	1. Прогрессия есептері өте ертедегі вавилондықтар мен египеттік жазбалардан кездестіруге болатынын және олардың 4 мың жылдық тарихы бар екенін айтады. Тарихи мысал келтіреді.	1. сабақты тыңдау, оқытушыға түсінбеген мағлұматтары бойынша  сұрақтар береді.	мақсаты: арифметикалық және геометриялық прогрессия тақырыбында білімдерін кеңейту.
3. Миға шабуыл	2 мин	1. Арифметикалық және геометриялық прогрессия бойынша теориялық сұрақтар: а)Арифметикалық прогрессияның анықтамасы ә) Геометриялық прогрессияның анықтамасы б) Арифметикалық прогрессияның п-ші мүшесінің формуласы, қасиеттері е) Геометриялық прогрессияның  п-ші мүшесінің формуласы, қасиеттері д) Арифметикалық прогрессияның алғашқы п мүшесінің қосындысының формулалары ж) Геометриялық прогрессияның алғашқы п мүшесінің қосындысының формулалары и) Шексіз кемімелі гемертиялық прогрессия және оның қосындысы	1. Қойылған сұрақтарға жауап береді, өткен тақырыптардан теориялық мағлұмат береді.	мақсаты: өткен тақырыптарға  шолу жасау, оқушылардың сабаққа зейінділігін артыру, үй тақырыптарына дайындығын тексеру.
4. Мақсат қою және мотивация	4 мин	1.Алдыңғы өткен тақырыптарды қорытындылау үшін, оқушылардың зейінділігін арттыру үшін  тест есептері беріледі.	1. Арифметикалық және геометриялық прогрессия тақырыбында алған білімдерін жинақтай отырып, тесттік есептер шығарады.	мақсаты: өткен тақырыпты қайталау үшін
5.Білімді бекіту	15 мин	1.Деңгейлік есептерді шығартуға басшылық жасау, тақтада есеп қате шықса оқушылардың өздеріне сұрау салып тексерту.	1. сабақ бойынша берілген тапсырмаларды тақтада және дәптерде өз бетінше орындайды.	мақсаты:  сабақты  толық  игерту мақсатында өз бетінше есептер шығаруға дағдыландыру
6. Үй тапсырмасы	1 мин	1.Оқытушы үй тапсырмаларын береді.	үй тапсырмаларының нөмірлерін дәптерлеріне жазады.	мақсаты: оқушылардың  есінде тақырып қалу  үшін, өздігінше жұмыс істету үшін,  жауапкершілігін арттыру үшін.
7. Рефлексия	2 мин	Екі оқушыны шығарып, Венн диаграммасы арқылы арифметикалық және геометриялық прогрессияның ұқсастығын, айырмашылығын жаздырады.	тақырыпты қорытындылап, оқытушының сұрақтарына жауап береді.	мақсаты: сабақта игерген тақырыпты қорытындылау үшін, меңгеру деңгейін анықтау үшін.
8. Бағалау	2 мин	1.Оқытушы баға қою үшін оқушылардың өздеріне өзара бағалауды басшылыққа алады.	1.өзара баға қояды.	мақсаты: әділ бағалау, оқушылардың талпынысын күшейту үшін.