Ана тілі ашық сабақ "Бала Мәншүк"

Сабақтың тақырыбы: М.Хакімжанова . «Бала Мәншүк»

Сабақтың мақсаты:   

1.Білімдік -  Оқушылар қазақтың қаһарманы қызы, Кеңес Одағыны батыры Мәншүк Мәметованың балалық шағымен таныстыру, оның ерлігі туралы түсініктерін тереңдету

                     2.Дамытушылық – Оқушылар өз ойларын анық жеткізуге, ой өрісін дамыта отырып, қорытынды шығаруға машықтандыру.Тіл байлығын, шығармашылық қабілетін дамытады, сөздік қорын молайту.

3.Тәрбиелік - Жас ұрпақ елін, жерін халқын қорғай білуге, азаматтық пен адамгершілікке, ержүректілікке тәрбиелеу.

Сабақтың типі:Жаңа білім беру.

Сабақтың әдісі: СТО технологиясының  стратегиялары: «Топтастыру», «ББҰ», «Бес жолды өлең»

Сабақтың көрнекілігі: Мәншүк Мәметова , Әлия  Молдағұлова, Мариям Хакімжанованың суреттері, тірек сызбалар, интерактивті тақта.

Сабақтың барысы:

  І. Ұйымдастыру кезеңі

 а) Психологиялық дайындық:

-Бал-бұл жанған гүл шағында,

 Біз Отанның ұланымыз.

 Бақытты елдің құшағында

 Білім алу – ұранымыз.

ІІ. Үй тапсырмасын сұрау.

а) «Шығыс шынары» мәтінінің мазмұнын сұрау.

ә) «Кім мерген?» ойыны:(Сұрақ-жауап)

--ҰОС-ы қай жылдары болды?

--Биыл жеңіске неше жыл толады?

--Жеңіс күні қандай жолиен келді?

--Әлия Молдағұловадан басқа ҰОС да ерлік көрсеткен тағы қандай

батырларды білесіңдер?

--ҰОС-на Қазақстан тарапынан қандай көмектер көрсетілді?

--Әлияның бойында қандай қасиеттер бар?

ІІІ.Үй жұмысын қорыту

 1.«Әлия қандай?» деген сұраққа топтастыру әдісі арқылы теңеу сөздер жазып көрейік.

 

2.Ерлік,батырлық туралы мақалдар айтқызу.

ІV. Жаңа сабақ.

1.Кіріспе бөлім:

--Әлиямен аты қатар айтылып жүрген қазақтың батыр қызы кім?

--Мәншүк туралы не білесіңдер?М.Мәметова кім?

--Өткен сыныптарда Мәншүк туралы жаттаған өлеңдерін бар ма?

2.Бейне көрініс көрсету(Мәншүктің өмірбаяны туралы):

М.Мәметова 1922 жылы Батыс Қазақстан облысы, Орда ауданында дүниеге келген.Мәншүктің шын есімі –Мәнсия. Анасы еркелетіпМоншақ деп атап кеткен. Мәншүктің әкесі Ахмет дәрігер болған. Ол кішкентай кезінен «дәрігер боламын» деп әкесіне еліктер өскен.Мәншүк соғысқа аттанғанда 19 жасқа толған талдырмаш, пысық, жігерлі қыз еді.Ол Невель қаласын азат ету майданында қаза табады.

3.Автормен таныстыру.

М.Хакімжанова 1906 жылы Қостанай облысы, Қ, Қобыланды ауылында дүниеге келген қазақтың ақыны.ҚР халық жазушысы.Ол соғыс жылдары КОБ М.Маметованың өшпес ерлігін жырға қосып, «Мәншүк» поэмасын жазды. «Ата мейірімі» өлеңдер жинағы бар.Жақында қандай шығармасымен таныстық?Тамаша ақын, әзиз жүректі, аяулы жан Мариям апамыздың асыл бейнесі халық жадында әрқашан сақталады.Бүгінгі сабағымызда осы М. Хакімжанова апамыздың жазған «Бала Мәншүк»атты әңгімесіне тоқталамыз.
Естелік-әдеби шығарма,мемуар жанрының бір түрі.Естелік – өмірде шынайы болған ірі тұлғалар мен ел тарихында өткен елеулі оқиғалар жайында көзбен көріп,куәгер болған адамдардың сол өткенді еске түсіріп,өз атынан баяндап беруі.

     4. Оқулықпен жұмыс.

Мәтінді оөқып беру.

 5.Сөздік жұмыс «Түртіп алу»әдісімен:

Тез ширап- тез өсу,есею

Домбығу-үсіп қалу,тоңу

Жанама аты-қосымша аты

6.Сергіту сәті:

--Сарбаздар әнімен

7.Мәтінді тізбектей оқыту.

8.Мазмұны бойынша сұрақ-жауап алу

9.Мәтінді бөліктерге бөлу.( дәптерге жазу)

І бөлім. «Ауылдан келген қазақ қызы»

ІІ бөлім. «Мәнсияның байсалдылығы»

ІІІ  бөлім. «Мәнсияның жанама аты»

10.Мәтін бойынша әр топқа тапсырмалар беріледі.

І топқа: Мәтін бойынша Мәншүкке мінездеме бер

ІІ топқа:Венн диаграммасы.Мәншүк пен Әлия туралы білетіндері.

ІІІ топқа: Бес жолды өлең құрастыру.

...    ...   қыздары      Қазақтың батыр қыздары

...    ...  қайратты.     Ержүрек,батыл,қайратты.

...    ... көрсетіп,        Майданда ерлік көрсетіп,

...   ...   қиратты.       Фашистерді қиратты.

11.Мәтіннің негізгі ойын анықтату:

 «Батырлықтың бастауы балалық шақта» деген М. Әлімбаев атамыздың ұлағатты сөзі бар.

Ү.Қорытынды

    Сұрақ-жауап:

-Мәншүктің балалық шағы туралы не білдік?

-Оның бойында қандай қасиеттер болды?

-Халқымыздың қаһарман қыздары Әлия мен Мәншүк ерліктің, батырлықтың, отансүйгіштіктің тамаша үлгісін көрсетті. Қазақтың қаһарман қыздарының ерліктері жоғары бағаланып, Кеңес Одағының Батыры атағы берілді.

-ҰОС-на қатысқан тағы кімдерді білесіңдер?

Слайдтан Б.момышұлы,Т.Бигелдинов,Р.Қошқарбаев т. б. суреттерін көрсету.

-Н.Назарбаев:Ерлік пен бірлік жеңіске жеткізеді.Қайсарлық пен қаһармандық,Отанға деген сүйіспеншілік  аса қатыгез сұрапыл соғыста жеңіске жол ашты.

ҮІ.Үйге тапсырма:

1. «Бала Мәншүк» мәтінін оқу,мазмұнын айту.
2. Мәншүк Маметова туралы қосымша мәліметтер жинау.

ҮІІ.Бағалау