‹‹Ата-баба дәстүрі ұрпаққа үлгі››

                          ‹‹Ата-баба  дәстүрі ұрпаққа үлгі ››

Мақсаты: Балаларды әжесін сыйлауға, аналарды құрметтеуге тәрбиелеу.

Балалардың бойына адамгершілік, мейірімділік қасиеттерін сіңіру.

Ересектер «Балдәурен» топ тәрбиеленушілерінің орындауында «Әжетай» әні.

- Құрметті мерекеге қатысушы халайық!  Осы мереке аясында өткізіліп отырған «Ата-баба дәстүрі ұрпаққа үлгі » атты сайысымызға қош келдіңіздер!

- «Балдәурен»тобының  өткізілгелі отырған «Тәтті немерелерімен келген әжелер сайысын» бастауға рұқсат етіңіздер.

Құрметті әжелер, армысыздар,

Бәріңізде есен - саумысыздар.

Жиналыппыз сәтті күні бәрімізде.

Үлкен кіші, жасыңыз, кәрімізде.

Төрлетіңіз қадірменді әжелер

Гүл - гүл жайнап біздің мынау төрімізге.

(әжелер ортаға шығады, әуен ойналады)

Әжемнің саясында ер жеттім мен

Аялы ақ бесікте тербетілген

Әжемдей ақ ниетті абзал жанды

Таппаймын айналсам да жер бетінен - деп

- Енді сіздерді бүгінгі сайысымызға қатысқалы отырған топ бүлдіршіндері мен әжелерімізді таныстыруға рұқсат етіңіздер.

1 әже немересі

2. әже немересі

3. әже немересі

4. әже немересі

- Сайыстың аты сайыс болғандықтан бүгінгі біздің ардақты әжелеріміздің әділ бағасын беру үшін әділ қазылар алқасымен таныс  болып алуымыз керек. Әділ қазылар алқасының төрайымы:

 (Біздің сайысымыз V кезеңнен тұрады.)

І кезең. «Сәлем сөздің анасы». (таныстыру).

ІІ кезең. «Өнерлі өрге жүзеді» Өз өнерлерін ортаға салады.

ІІІ кезең. «Халық тәлім - тәрбие бастауы» сұрақтар мен тапсырмалар.

ІV кезең. «Әжелердің таңсық тағамы - ай» деп аталады. (қазақтың ұлттық тағамдары).

V кезең. «Өнерлінің қолы алтын,

Өлеңшінің сөзі алтын» (әжелер қол өнерден, немерелері сурет салудан өнер көрсетпек).

VІ кезең. «Әжемнің ақыл қоржыны» деп аталады.( әжелер ырымдар, тиым сөздер, бата түрлері және баланың жеті жасқа дейінгі рәсімдерін айту).

 «Апатай» әнімен «Балдәурен»тобының тәрбиеленушілерінің  орындауында қабыл алыңыздар.

Тойды тойлаңдар, жараңдар!

Келген мына мерекеге қараңдар.

Шашу шашып ақ жаулықты әжелер,

Тойда бүгін ойнап - күліп тараңдар!

І кезең. «Сәлем сөздің анасы» дегендей сөз кезегі өздеріңізге беріледі. (Әжелер мен немересі өздерін таныстырады.)

Аңыз болған жоғалмай сан ғасырға

Салт - дәстүрі халқымның жалғасуда

Қол өнері әдемі сәнділікпен

Көз тартып ұрпақтарға алмасуда - дегендей біздің

ІІ кезең. «Өнерлі өрге жүзеді» (Өз өнерлерін ортаға салады.)

Жарасады міне, енді,

Нағыз тойдан қашпасақ.

Таласады кімде - кім,

Өлең жырдан бастасақ.

Қайғы - мұңды дәл бүгін,

Ысырып кейін тастасақ.

Салт дәстүрмен жарыса,

Қайта құрып жаңаша.

Жарыса өнер көрсетіп,

Той тойлайық тамаша!

ІІІ кезең. «Халық тәлім - тәрбие бастауы» сұрақтар мен тапсырмалар.(Слайт)

Алдарыңызда суретті сұрақтар мен тапсырмалар берілген, барлық әжелер мен немерелеріне бірдей тапсырма. Таныстырып өтейін:

Дайын болғанша  орындауында «Анамызға көмек » әні қабыл алыңыздар.

ІV кезеңіміз «Әжелердің таңсық тағамы - ай» деп аталады.

Тентек болсам, ашылып,

Жақсы іс қылсам, асырып,

Маған сақтап жүреді,

Тәттісінде жасырып.

«Жуанның жіңішкеріп, жіңішкенің үзілетін шағы» деп аталатын көктем мезгілінде адам бойында әлсіздік, шаршау пайда болатыны белгілі. Өйткені адамдар бойында күзде жиналған дәрумендер қоры азаяды. Бойдағы әлсіздікті жеңу мақсатында ертеде әжелеріміз денеге сіңімді, жұғымды тағамдарды дайындайтын болған. Бүгінгі әжелеріміз қандай дәм түрлерін дайындап әкелді екен?

Ендеше, әжелеріміз өздерінің дайындап әкелген қазақтың ұлттық тағам түрлерін таныстырып, қажеттілігі туралы айтып өтсе.

V кезең. «Өнерлінің қолы алтын,

Өлеңшінің сөзі алтын» деп аталады.

Бұл кезеңде әжелер қол шеберлігінен өнерлерін көрсетпекші болса, немерелері әжесіне қандай сыйлық бергісі келетінін сурет арқылы көрсетпек.

Ортаңғы «Бәйтерек» тобының тәрбиеленуші  қыздарыңыздың орындауындағы «Көмекшілер» әнін қабыл алыңыздар.

VІ кезең. Қазақ халқының үлгі, тәрбие құралдарының бірі – тиым сөздер, ырымдар және баталар мен әдет - ғұрып, салт - дәстүрлер. Бұл сөздер есі кірген балаларды жаман әдеттен, жат пиғылдан орынсыз қылық, теріс мінездерден сақтандырады. Олай болса біздің келесі кезеңіміз.

«Әжемнің ақыл қоржынына» кезек берсек.. Сандықшаның ішінде қоржындар бар, қалаған қоржынды алып жауап беруіңізге болады.

- Ана жанын әже болсаң ұғарсың,

Алдыңдағы ол биік құзар шың.

Немере үшін кеуде керіп мақтанып,

Немере үшін биіктен де құларсың.

– дей отырып, бүгінгі сайысқа қатысқан барша әжелеріміз өздерінің үлгі - өнегелерін отырған ұрпақтарға көрсетті деп есептеймін. Енді сайыс қорытындысы шыққанша «Балдәурен» тобының тәрбиеленушілерінің орындауында  «Наурыз » әнін  қабыл алыңыздар.

Сайыс қортындысын тыңдау. (Әділқазыларға)

Өнерменен көрсетейік біздер қызмет,

Әділқазы сіздерге де көп - көп рахмет!

Көрсетпесін өмір - өзен ешбір тауқымет,

Ризамыз ата - анаға жүрген демеп!(қатысушы әжелер тілегіне беру)

- Немере үшін ең мейірімді жан – әже. Ақ сүт берген аналардың анасы – әже. «Жан жүрегім, жарығым» деп немересін, шөбересін жүрегіне теңейтін де әже. Олай болса қадірменді қауым әжелердің ақ тілегі көпшілік үшін тәбәрік деп ойлаймын. Сол әжелердің жолын біздерге берсе екен деп әжелеріміздің бүлдіршіндерге арналған лебізін тыңдайық (1 әжеге тілек айтқызу).

- Әжелерді марапаттау.

Әже мерейі күн көзімен пара - пар,

Тұла бойға қуат беріп таралар.

Өмірімізге шуақ шашып әрқашан,

Көп жасаңыз, ақ ниетті аналар, – дей отырып бүгінгі сайысымызға

қатысқан аяулы асыл әжелерімізге, апаларымызға көп рахмет айтамыз. Сіздердің үлгі - өнегелеріңізді өскелең ұрпақ жалғастырады деп айтуға болады.

Қартаймай балаларыңыздың ортасында жүре беріңіздер!

Сіздерге көп - көп рахмет!