Қазақ тілі "Түбір мен қосымша" 2 сынып

Сабақтың тақырыбы:           Түбір мен қосымша 

Сабақтың мақсаты: 1. Оқушыларға түбір сөз бен қосымшаны бір – бірінен ажырата білуге үйрете отырып, берілген тапсырмалар арқылы, алған білімдерін пысықтау;

              2.  Грамматикалық талдаулар жүргізе отырып,  оқушылардың ой-өрістерін кеңейту;

3. Сөздік қорларын молайту мақсатында көркемдеп, еретегі еліне саяхаттау, әдемі жазуға тәрбиелеу;

Сабақтың түрі:  саяхат сабақ

Сабақтың әдісі: түсіндірмелі,сұрақ-жауап, көрнекіліктік, жаңа технология: интерактивті тақта

Сабақтың барысы: 1. Ұйымдастыру кезеңі:  Балаларды сабаққа дайындау

2. Үй тапсырмасын тексеру: 3-4 оқушыға оқыта отырып тексеру;

3.  Мотивациялық – бағалау кезеңі: І слайд:

- Балалар, мынау ненің суреті? Үлкен, зәулім сарай- ертегілер елінің сарайы екен.

- Бүгін бізде ерекше сабақ. Біз ертегілер еліне саяхаттап қайтайық.

- Бұл сарайдың бөлмелері де өте көп екен. әр бөлмесінде ертегі кейіпкерлері  тұрып жатыр екен. Ол ертегілер жайлы білгіміз келсе,  сол бөлменің есігінде ілініп тұрған тапсырманы орындауымыз керек екен.

4. Операциялық – орындаушылық кезең: ІІ слайд – 1 есіктегі тапсырма: (1-жаттығу)

Мына берілген мәтінді оқып, түбір сөздерді тап:

 

-          Бұл бөлмедегі ертегінің суретіне қарап өзіміз анықтайық. Бұл қандай ертегі?

-          Иә, бұл бөлмеде «Алтын балық» тұрып жатыр екен. Ол ертегінің қысқаша мазмұны

қандай еді? (қысқаша мазмұнын айтып беру) Ал, егер сендерге алтын балық

кез болса, қандай тілек тілер едіңдер? (тілектерін тыңдау). Енді екінші бөлмеге барайық.

ІІІ слайд–2 есіктегі тапсырма: Мына мақалды оқып, жатқа жазып, қосымшалы сөздің астын сызыңдар

                                                                                                                              қосымшалы сөздерге

                                                                                                                               талдау жасату

-          Бұл бөлмедегі қандай ертегі кейіпкері бар екен?

-          Балалар, бұл кім? Иә «Қызыл телпек» екен ғой. Ал ол туралы не білеміз?

(өздері ертегі желісін қысқаша баяндайды)Жақсы, онда келесі бөлмеге барайық

ІV слайд – 3 есіктегі тапсырма: (2-жаттығу) Мына берілген сөздерге сөйлемдер құрап жаз:

                                                                          Берілген сөздерге сөйлем құратып, тақтаға жаздыру, сөздердің   

                                                                       түбірі мен қосымшасы анықтату;

Ал бұл бөлменің де тапсырмасын орындадық, бұл бөлмеде қандай кейіпкер бар екен?

- Балалар бұл не? «Сиқырлы керней» деген ертегі бар еді,бірақ күйсандық туралы ертегі бар ма?

- Бізге мүмкін күйсандық бір тамаша әуен ойнап бергелі тұрған шығар.

Сергіту сәті аясында  үнтаспадан күй тыңдату. – Міне әуен тыңдап бір сергіп қалдық. Бөлмелерді одан әрі аралайық:  V слайд – 4 есіктің тапсырмасы: мына берілген сөздерді оқып, бұлардың қандай сөз екенін  дәлелдеңдер:  (3-жаттығуды басшылыққа алу, сызба арқылы әр сөзді дәлелдету)

                                                           

Бұл төртінші бөлмеде қай кейіпкер бар екен:

-          Бұл бөлмеде «Арыстан мен тышқан» ұйықтап жатыр екен. Олар туралы қандай ертегі бар еді?

(ертегі желісін қысқаша баяндау) – Міне балалар, соңғы бөлмеге де келіп қалыппыз:

5. Рефлексиялық бағалау кезеңі:

VІ слайд – 5 есіктің тапсырмасы: Есіктің кілті ашылу үшін мына сұрақтарға жауап бер:

Міне есік ашылды. Бұлар не?

 

-          Бізге мына байлықтардың бірін алуды ұсынып отыр, сендер қайсысын аласыңдар? Неліктен?

-          Міне сарайдан шығу керектігі жайлы дабыл да қағылды. Тездетіп сарайдан шығып  үйге қайтайық

 - Балалар, сендерге ертегі елінің сарайы ұнады ма?Қай бөлмесі ұнады? Қай кейіпкердің тапсырмасы ұнады?

6. Үйге тапсырма: 4-жаттығу                                            

7. Бағалау: сабаққа жақсы қатысқан оқушыларды бағалау, белсенді оқушыға ертегі кейіпкер суретін сыйлау