Баяндама "Жолда жүру ережесі" (4 класс)

                   Жаңатұрмыс негізгі мектебі

     Жолда жүру ережесі           

Өткізген:Боканова.А.С

                            2016 жыл

                        Мақсаты: Көшеде жүру тәртібін және көше қатынас ережелерін қайталау. Оқушыларды сақтыққа тәрбиелеу.

Мұғалім: Бағдаршам - өміріміздің жазымнан сақтандыратын көмекшіміз. Оның сырын біліп, тілін алу баршамызға керек. Балалар, көшеде жүру ережесінбілу бізге не үшін керек? Әр оқушы көшеде жүру тәртібін өте жақсы білуі керек. Көшеде жүре білу машина астына түсуден, апаттан сақтайды. Көшеде жүру тәртібін орындамау көліктің жүріп – тұруына кедергі келтіреді.

Біздің қаламызда, сол сияқты біздің еліміздің басқа да қала, ауылдарында бәріне ортақ көше қатынас ережесі енгізілді. Бұл ережені оқушыларда,үлкендер де, яғни барлық көлік жүргізетін жүргізушілер де бұлжытпай орындауы керек.

Балалар, жолдар мен көшелерде күндіз де, түнде де, ыстықты да транспорт құралдары толассыз ағылып жатады. Көшелер мен жолдардағы жағдай барған сайын күрделене түсуде. Қауырт шақтарда ересектер жұмысқа асығып, балалар мектепке баратын таңертегілік және жұрттың бәрі жұмысынан, оқуынан үйге қайтадан кешкілік жүріс ерекше жиілейді. Осы кездерде жаяулар мен жүргізушілер ерекше мұқият және сақ болуы тиіс.

Бағдаршам жоқ көшелерден қалай өтеміз?

Оқушы: Егер өтетін жерде бағдаршам болмаса, көшеден өте бере әуелі сол жаққа қараймыз. Көшенің орта тұсына жеткенде, оң жағымызға көз саламыз. Егер де сол жақтан машина келе жатса, өтіп кеткенше сол орында күтіп тұрамыз.

Мұғалім: Балалар, келесі кезекті жұмбақ шешуге берелік.

1.    Бір тұлпар су ішпейді, жем жемейді,

Есіркеп ешбір адам жемдемейді.

Жүк емес жануарға жүз адам да,

Доғасын сымына сүйреп, жол жөнейді.

                                                    (Трамвай)

2.    Арқаным тым ұзын,

Ала алмайсын бір үзім.                (Жол)                            

3.    Қозғалмасаң құлайды,

Сүйемесең сұлайды.

Құймышықта ері бар,

Бұл не деген жануар?

                         (Велосипед)

4.    Бұйырмапты баста, ауыз да, құлақ та,

Бақырайған үш көзі бар бірақ та.

                               (Бағдаршам)

Мұғалім: Жолда жүру әліппесін,

Білген жөн бес саусақтай.

Сонда ғана жүре аласың,

Сен өзіңді сау сақта.

         Жыламасын аналар

         Жас ұландар өсе бер

Сақ болыңдар, балалар!

         Сақ жүріндер көшеде!