"Егеменді елімеің ертеңін қорғау әр азаматтың борышы"

       «Егеменді елімнің ертеңін қорғау әр азаматтың борышы»

                                    (әдеби-музыкалық монтаж)

1-жүргізуші.

   Армысыңдар, Отандастар!

Қайырлы күн, қымбатты қонақтар,

Ұстаздар оқушылар.

2- жүргізуші: Ұлы  Жеңістің 67 жылдық мерекесі құтты болсын.

1 –жүргізуші:

    Шығыста таң шапағы біліне бастаған кез. Еңбек адамдары қаперсіз ұйқыда болатын оқып жүрген тек шекарашылар еді. Кенет батыс жақтан  ұшақтар гүрілдеп ұшып келеді. Бұл 1941 жылдың 22 маусым күні еді.

2 –жүргізуші:

    Фашистік Германия қарақшылықпен Кеңес одағының шекарасына басып кірді. Неміс фашистері күшті арминге жинақтап халықты құлға айналдыру үшін майдан ашты.

1 – жүргізуші:

   Иә, содан бері 67 бейбіт жыл артта қалды. 1945 жылы 8 –мамырда Берлинде фашистік Германия жеңілгенін мойындап қол қойды. Ал, 9 мамыр күні 100 зеңбіректен бұрын-соңды болмаған 30 дүркін салют атылды. Міне, Жеңіс күні осылай келген еді.

1 – оқушы.

«Жеңіс» деген жақсылықтың сыңары,

Жігер менен құштарлықтың құралы,

Күрескердің арманы мен ұраны,

Қуаныш пен мерекенің бұлағы.

2 – оқушы.

Шынында бұл – оралған мыңнан бірің,

Бақ нұрына жүзіңді жуған күнің.

Жеңіс күні - өзіңдей көзі тірі

Майдангерлер бәріңнің туған күнің.

3 – оқушы.

Қара бұлтқа оранбасын күн көкте,

Барлық халық бейбіт өмір сүрмекте.

Отанының бақыты үшін мерт болған

Батырларды есіңде ұста, құрметте.

4- оқушы.

Сен құрметте оны,

Түсіндің бе, қарағым?

Ол ақшаға сатқан жоқ

Тізеден кесіп аяғын.

Еріккен ұстап жүрген жоқ

Қолтықтағы ұзын таяғын.

5- оқушы.

Денесін оқ  паршаласа да

Ел намысын қорғап қалды.

Сен құрметте оны

Түсіндің бе, қарағым?

Сенің келешегің үшін берді ол

Азаттық жолында аяғын.

6 – оқушы.

67 жыл бейбіт көктем таң атқалы,

67 жыл шуақты күн таратты әнін.

Елімде сонан бері 67 рет

Ашылды Жеңіс Күннің парақтары.

Талай құс содан бері қайта оралды,

Соғыста тек өлгендер оралмады.

1 – жүргізуші:

1941-1945  жылдары ерлікпен қаза тапқан жауынгерлер рухына тағызым етіп 1 минут үнсіз тұрып еске алайық.

7- оқушы.

Сен неткен, Отан – анам, ғажап едің,

Әсемдеп көркем тілмен жазар едім.

Болашақ ұрпағыңның бақыты үшін,

Жайнай бер, Ұлы Отаным – қазақ елім.

Ән:    Бейбітшілік

2 – жүргізуші:

  Жеңіс бізге атылған оқпен ғана келегн жоқ, әнмен де келді. Жауынгерлерді ән алға жетеледі, жігерленді. Жаңа ерліктерге көтеріп, үлкен ұрыстарға жеңіс дабылын қақты.

1 – жүргізуші:

Шығыстың қос шынары,

Әлия, Мәншүк – қайсар гүлі қазақтың,

Ерлігіне таң қаламын ғажап тым.

Ән;  Әлия.

1 – жүргізуші:

Ағалар саптан шықпасын,

Аналар қабақ шытпасын

Бақытқа жетіп бар адам,

Сәбилер жетім қалмасын.

   дей келе осымен ертеңгілігімізді аяқтаймыз.