Экология сабағының конспектісі "Ағаштар,бұталар,өсімдіктер"

Білім беру саласы: Әлеуметтік орта

Ұйымдастырылған оқу іс-әрекет түрі: Экология.

Тақырыбы: «Ағаштар, бұталар, өсімдіктер»

 Мақсаты: Өзін қоршаған ортадағы өсімдіктерді үш  топқа (ағаштар, бұталар, шөптесін өсімдіктер) жіктей білуге үйрету.

Білімділік міндеті: Оларға тән сыртқы белгілерді атай білу. Өзінің туған өлкесінде өсетін өсімдіктермен таныстыру.

Дамытушылық міндеті: Табиғат туралы алған білімдерін дамыту. Сөілеу, ойлау, зейінін аудара білу қабілетін жетілдіру.

Тәрбиелік міндеті: Туған жерінің табиғатына деген сүйіспеншіліктерін арттыру.

Әдіс-тәсілдер: түсіндіру, әңгімелеу, сұрақ-жауаптар.

Көрнекі құралдар: карточкалар, өсімдіктер суреті.

Қостілділік компоненті: ағаштар-деревья, бұта-куст, шөптесін өсімдіктер-травянистные растения

Сөздік жұмыс: өсімдіктер, шөптер.

Іс-әрекет кезеңдері	Тәрбиешісінің іс-әрекеті	Балалардың іс-әрекеті
Мотивациялық-қозғаушылық	-Балалар, бүгін саббаққа қандай көңіл күймен келгендеріңді, бүгінгі оқу іс-әрекетінің қалай өтетінін ым-ишарамен көрсетіңдерші. -Сабақтың соңына дейін осындай көңіл күйде отыратын  болайық.	Балалар күлімсірейді, өз көніл күйін қалауыншы көрсетеді.
Ұйымдастыру-іздестіру	№1 слайд. Балаларға таныс қайың, терек, алма ағашы, итмұрын, қарақат бұталары, бақ-бақ, қызғалдақ суреттерін көрсету. -Осы суреттерді бір сөзбен қалай атауға болады? -өсімдіктер қандай табиғатқа жатады? -дәлелдеңдер. Балалар үш топқа бөлінеді. 1-топқа шөптесін өсімдіктің (м: қызғалдақтың) суреті беріледі. Тамыры, сабағы, жапырақтары, гүлі, тұқымы анық нөміріленіп көрсетіледі. 2-топқа алма ағашының суреті беріледі (тамыры, жуан діңі, бұтағы, жапырағы, жемісі, тұқымы нөмірленіп көрсетіледі) 2 слайд. Ағаш, бұта және шөптесін өсімдіктің мүшелері көрсетілген сурет. Осы суреттер бойынша балалар салыстыру жұмысын жүргізеді. Өсімдіктің қандай мүшелері барлығына тән екенін айтады. Содан соң айырмашылығын айтады. Ол үшін балалардың назарын ағаштың діңіне аударады. -Ағаштың діңі қандай? Діңінен не тарайды? Содан соң әртүрлі өсімдіктердің суреті бейнеленген карточкалар таратылады. Сергіту сәті. Тербеледі ағаштар, Алдымнан жел еседі. Кіп-кішкентай ағаштар Биік болып өседі. «Не екенін тап?» дидактикалық ойыны.	Балалар алдымен атауын жеке-жеке атайды. -өсімдіктер деп атайды. -өсімдіктер тірі табиғатқа жатады. -олар өседі, көбейеді, қоректенеді, тіршілігін тоқтатады. Анық көрсетілген өсімдік мүшелеріне назар аударып, сол туралы сөйлеуге дайындалады. Балалар толық зерттеу жұмысын жүргізіп болғаннан кейін, өсімдік мүшелерінің атауын, атқаратын қызыметін шамасы келгенше айтады. -өсімдіктің барлығында тамыры, жапыраға, гүлі, тұқымы болады. -ағаштың діңі жуан, мықты. Діңінен бұталар тарайды. Ағаштар: емен, терек, қарағаш, қайың, үйеңкі. Бұталар: итмұрын, қарақат, долана, қожақат. Шөптер: бақбақ, қызғалдақ, түймедағы, жолжелкен.
Рефлексивті-түзетушілік	Бір бет қағаз алыңдар. Сол жақ жоғарғы бұрышына күннің суретін салыңдар. Егер саған бүгінгі іс-әрекетіміз ұнаса, күннің суретін көңілді, егер шаршаған болсаң, көңілсіз түрді сал.	Тапсырманы орындайды.

Күтілетін нәтиже:

Нені біледі: өсімдіктерді өзіне тән белгілері бойынша үш топқа жіктейді; туған өлкесінде өсетін өсімдік түрлерін атайды;

Қандай түсініктерді игерді: өсімдіктердің әртүрлі болатынын, бір-бірінен айырмашылығы барын; өсімдік мүшелерінің атқаратын қызметі туралы қарапайым түсінікті;

Меңгерген дағдылар мен іскерліктері:өздеріне таныс өсімдік түрлерінің қай топқа жататынын анықтауды.