"Күн, ауа және су – біздің достарымыз "

6 – ұйымдастырылған оқу іс - әрекетінің технологиялық картасы

Білім беру саласы:  Денсаулық

Бөлімі: Валеология негіздері

Оқу іс-әрекетінің тақырыбы: Күн, ауа және су – біздің достарымыз.   (2 сағ)

Оқу іс-әрекетінің мақсаты: Денені шынықтырудың түрлі жолдарымен таныстыру және адам  денсаулығына тигізер әсері жөнінде мағлұмат беру.

Қостілділік компонент: күн – солнце, ауа – воздух, су – вода.

Іс-әрекет кезеңдері	Тәрбиеші әрекеті	Балалардың іс-әрекеті
Мотивациялық-қозғаушылық	1. Ұйымдастыру кезеңі: балаларды түгендеп, оқу іс - әрекетіне назарын аудару. 2. Шаттық шеңберін жасату. Күнге қарай қолдарын созып, төмендегі сөздерді айтады: - Құдіретті Күн, мен сені жақсы көремін!  - Құдіретті Күн, мен сенен өтінем!  - Құдіретті Күн, маған тыныштық пен қайырымдылық бере гөр!  - Құдіретті Күн, маған денсаулық пен жылылық бер!	Шаттық шеңберін жасайды.
Ұйымдастыру-іздестіру	3. Әңгімелесу. Жұмбақ жасыру: Үлкен алтын табақтан, Әлемге нұр таратқан.  (Күн)   Күн туралы тәрбиеші «Д» дәрумені туралы әңгімелейді. Күн – табиғи дәрі. 4. Әліппе – дәптермен жұмыс.   Әліппе – дәптердің 19 – 20 – 21 беттерімен жұмыс жасатамын. 5. Дәрігер Салауаттың кеңесі: - Күннің астында көп қыздырынуға болмайды, денең күйіп қалуы мүмкін. - Бас киімсіз күннің астында көп жүруге болмайды. - Күнде шынығуды судың жағасында, ертеңгілік уақытта қабылдау керек, күніне бір рет қана. 6. Релаксацияға арналған жаттығулар: кілемшенің үстінде денелерін босаңсытып, қолдарын төмен созып, көздерін жұмып жатуға нұсқау беріледі. Өздерін құмның үстінде, күн шуағына қыздырынып жатқандай сезінеді. Тәрбиеші балаларды парақшамен желпіп өтеді. Жел туралы сұрайды. 7. Тәжірибе: Әр балаға бір – бір шар беріледі, олар оны үрлеп, суға салып, ақырындап ауасын шығарады. 8. Әңгімелесу: Тәрбиеші балаларға адамның оттегімен тыныс алып, көмірқышқыл газын шығаратынын айтады. Өсімдіктер ауаның табиғи тазартқышы. 9. Дәрігер Салауаттың кеңесі: - Таза ауа – табиғат байлығы, оны қорғауың керек. Көбірек гүлдер мен ағаш отырғызу керек. 10. Глобусты көрсетіп, оның планетамыздың кішкентай үлгісі екенін айтады. Глобустағы көгілдір түстің су екенін айтады. Мұхиттар мен теңіздердің суы ащы, ішуге болмайды. 11. Тәжірибе: Іші суға толтырылған екі стақан- біреуінде тұзды су, екіншісінде тұзсыз су. Екі суды да ішкізіп көрсетіп дәмін ажыратып, тұзды суды ішуге болмайтынын түсіндіреді. 12. Дәрігер Салауаттың кеңесі: - Өзенде, жылғалардан ағып жатқан суды ішуге болмайды, оларда қауіпті ауру тудыратын микробтар бар. - Суды үнемдеп, таза сақтау керек. - Күн, ауа, су – адам ағзасының шынығуына тамаша көмекшілер. - Шынығу жұмыстарын күнделікті жүргізу қажет. - Жалаңаяқ жүру – денеңе күш – қуат беріп, денсаулығыңды нығайтады. - Суыққа шынығу – барлық ауруларды емдейтін дәрі.	Тәрбиешінің әңгімесін тыңдайды. Әліппе – дәптермен жұмыс жасайды. Салауаттың кеңестерін тыңдайды.
Рефлексивті-түзетушілік	Оқу іс-әрекетін қорыту. - Күн, ауа – табиғат сыйы, оларсыз тіршілік болуы мүмкін емес. - Күн, ауа – табиғи дәрі. - Өсімдіктерді күтіп – баптау керек. Олар ауаны тазартады. - Таза су – тіршілік өмірінің нәрі, табиғи құнды байлық..  - Күн, ауа, су – біздің тамаша достарымыз!

Күтілетін нәтиже:

Нені біледі: денені шынықтырудың түрлі жолдарымен таныстыру және адам  денсаулығына тигізер әсері жөнінде мағлұмат беру.

Қандай түсініктерді игерді: өсімдік пен жануарлар дүниесіне деген жауапкершілік және қорғау қарым – қатынасын қалыптастыру.

Меңгерген дағдылары мен іскерліктері: күн, ауа, су тіршілік иелерінің өмір нәрі екені жайлы мәлімет беру.