Көркем әдебиеттен "Өкпелеме" тақырыбына технологиялық карта

ІІ кіші топқа  ұйымдастырылған  оқу қызметінің

                                                        технологиялық  картасы

Мерзімі: 06. 04. 2016 ж.

Білім беру саласы: «Коммуникация»

Бөлімі: «Көркем әдебиет»

Тақырыбы:  М. Әлімбаев «Өкпелеме» (өлең)

Мақсаты: балаларды М. Әлімбаевтың  өлеңімен таныстыру

Міндеттері:

Білімділік: балаларды  шығарма мағынасын түсінуге, кейіпкерлердің қарапайым іс – әрекетін бағалауға, олар жайлы айтуға, кейбір адамгершілік қасиеттерге сипаттама бере білуге үйрету;

Дамытушылық: өзінің өмірімен шығарма мазмұнын салыстыра білу іскерліктерін  қалыптастыру.

Тәрбиелік: Отансүйгіштікке  тәрбиелеу .

Сөздік жұмыс:  түрсіз, тыжырынба, шинель, өңсіз, бөз көйлек, ақбас ақын

Үштілдік компоненет: өкпелеме – не обижайся - no offense

Қажетті құрал – жабдықтар:  суреттер

Әрекет Кезеңдері	Тәрбиешінің әрекеті	Балалардың әрекеті
Мотивациялық- Қозғаушылық	Балаларды шеңбер бойымен тұрғызып, Е. Өтетілеуұлының өлеңін оқиды. Шаттық шеңбер: Білер қазақ баласы, Сәлем – сөздің анасы. Алдымыздан кезіккен Көп танысты көреміз. Бәріне де ізетпен Біздер сәлем береміз. Қонаққа қуыршақ Жанар келеді. Ол бір өлең жазылған кітапша алып келеді, қанша оқыса да түкте түсінбегенін айтып, балалардан түсіндіріп берулерін өтінеді. -         Онда, бізбен бірге қалып ұғып ал	Жарты шеңберде тұрады  Жарты шеңберге кілем үстіне отырады. Қызыға, мұқият тындайды. Таңқалып, қонақты қарсы алады. Амандасады. Көмек көрсетуге ниет білдіреді.
Ұйымдастыру– іздестіру	Суреттерді көрсетеді. Әңгімелеу. -         Осыдан көп  жыл бұрын елімізге  жау басып кіріп, соғыс бастады. Міне сол кезде біздің аталарымыз бен әжелеріміз қолдарына қару алып  Отанымызды қорғап қалу үшін майданға аттанды. Барлық адамдар көп қиындықтар көрді, бірақ Отандарын сүйгендіктен барлық күштерін жинап жауды жеңіп шықты. Сол соғыстан көп ата – апаларымыз қайтып оралған жоқ, олар Отан үшін өмірлерін құрбан етті. Қазір біз ашық аспан астында, тыныш өмір сүріп жатқандарымыз адамдардың ұлы жеңістерінің арқасында. Биыл Ұлы  Отан соғысының жеңісіне 71 жыл толды . Сергіту сәті: «Мы летим в ракете, Посмотреть на луну. Мы здоровые дети, В нашем детском саду. Всё – закончился полет, «Отдыхает» звездолет» -         Бүгін біз сендермен Мұзафар Әлімбаев  деген ақын ағаларыңның «Өкпелеме» өлеңімен танысатын боламыз.   -         Мұзафар Әлімбаев 1923 жылы 29 қазанда Павлодар облысы Шарбақты ауданындағы Маралды ауылында дүниеге келген. -         Бірінші кітабы – «Қарағанды жырлары» деп аталады. -         ҚР еңбек сіңірген мәдениет қызметкері, Қазақстанның Халық жазушысы, Жамбыл атындағы Халықаралық сыйлықтың иегері. Қазақстан Республикасының Әнұраны авторларының бірі. Өлеңді мәнерлеп оқиды. "Түрсіз ғой" деп, түсіне тыжырынба, ардақтым! Сұр шинелдің ішінде Жүрегі бар солдаттың. "Өңсіз ғой" деп, түсіне өкпелеме, ақылдым! Бөз көйлектің ішінде Жүрегі бар батырдың. Бор жаққандай шашына өкпелеме, ақылдым Табары бар асылдан Мынау ақбас ақынның. Сөздік жұмысы: -         Өлеңде айтылған «түрсіз, өңсіз» деген сөздер әдемі емес, сүйкімсіз деген мағынаны білдіреді. -         «Тыжырынба» деген сөз қашпа, теріс айналма деген мағынаны білдіреді. -         «Бөз көйлек» деген түсі кетіп қалған, ескі көйлек деген сөз. -         Ал сарбаздардың киген сырт киімін «шинель» дейді. -         «Ақбас ақын» деп шаштары ағарып кеткен, көп қиыншылық көрген ақын деген сөзді білдіреді. Сұрақ – жауап арқылы балалармен әңгімелесу. -         Бұл өлеңді кім жазды дедім? -         Өлеңде не туралы айтылған? -          «Өкпелеме» сөзін қалай түсінесіңдер? -         Өкпелеме деген орысша «не обижайся» , ал ағылшынша «no offense» болады.	Суреттерді тамашалап отырып, мұқият тыңдайды. Қызыққан , ұқпай қалған жерлерінде сұрақтар қойып, айқындап отырады. Сергіту сәтін қимылдарын келтіре отырып  бірге орындайды. Мұқият тыңдайды. Түсінбей қалған сөздерін өздері қосымша сұрайды. Мағынасы түсініксіз сөздердің мағынасын түсінуге, есте сақтауға тырысады. -         Мұзафар Әлімбаев жазған. Балалардың дербес жауаптары.
Рефлексивті– түзетушілік	Қорытынды: «Жақсы, жаман» сөздік ойын. Шарты:  тәрбиеші түрлі жағдаяттар келтіріп отырады, балалар жақсы қылықтарды естігенде қолдарын шапалақтап, теріс қылықтарды естігенде тып – тыныш отырады. -         Ендеше, Жанар қуыршаққа рахмет айтайық, біз оның арқасында көп нәрсені біліп алдық. Рахмет саған Жанар.  Балаларды мақтап – мадақтайды.	Ойынға белсене қатысады. Естіген түрлі жағдаяттардың ішінен жақсы қылықтарды естігенде қолдарын шапалақтап, теріс қылықтарды естігенде тып – тыныш отырады. Қуыршаққа ризашылықтарын білдіреді.

Күтілетін нәтиже:

Білу керек: кейіпкерлердің қарапайым іс – әрекетін бағалайды, олар жайлы айтады, кейбір адамгершілік қасиеттерге сипаттама бере біледі.

Болу керек: өзінің өмірімен шығарма мазмұны туралы салыстырмалы түрде қалыптасқан  ұғым;

Істей білу керек: өлең мазмұнын есте сақтай алуды .

Тәрбиеші:  А. Т. Тусипжанова - Шагирова

Тексерілді: _______________