Логопедическое занятие - Қарама-қарсы сөздер.5сынып. Қайталау сабағы

Сабақтың тақырыбы: Қарама - қарсы мағыналы сөздер.
Мақсаты:
1. Оқушылардың сөз және оның мағынасы туралы білімдерін тереңдете түсу. Мағынасы қарама - қарсы сөздер туралы жалпы түсінік беру;
2. Ойлау, есте сақтау қабілеттерін дамытып, алған білімдерін қолдана білуге, өз оқу әрекетін саналы түрде ұйымдастыру дағдыларын қалыптастыру;
3. Шапшаңдыққа, ұйымшылдыққа, зейінділікке тәрбиелеу.
Түрі: Ойын аралас сабақ
Көрнекілігі:Суреттер,айна.
Пәнаралық байланыс: математика, тіл дамыту,
Әдісі: түсіндіру, жинақтау
                                                            Сабақ барысы:
І. Ұйымдастыру бөлімі
Психологиялық дайындық.

 Артикуляциялық  жаттығулар.

«Тәті тосап»  « Қақпаға доп сал» « Ат шауып  келеді»

Тыныс алу – шар үру, а-о-у-и-э созып бір тыныста айту.
ІІ. Үй тапсырмасын тексеру.
ІІІ: Жаңа сабақ.
Қ. МырзаӘлінің “Қырсық”өлеңімен сабақты ашу.
Сен оған:- Аласа - десең,
Ол саған:- биік,- дейді.
Сен оған:- Кіші ғой!- десең,
Ол саған:- Үлкен!- дейді...

       

Өлеңде қандай сөздер кездеседі?
Оқушылар өздері ереже шығарады.

ІҮ. Жаңа ақпарат
Тілімізде мағыналары бір - біріне қарама - қарсы сөздер болады. Ол сөздер қарама - қарсы мағыналы сөздер деп аталады.
Мыс: алыс - жақын, Ащы - тұщы т. б.

Ү. Дәптермен жұмыс.
Жаттығуларды орынадату. /Орындаған оқушыларды жетондармен бағалау/                                    1- тапсырма. Бірінші қатардағы сөздерге екінші қатардағы сөздерді тауып жазу. 
Тар            қону
Жас            Қатты
Қалың      Қысқа 
Кіру         Жұқа 
Көшу        кәрі 
Жұмсақ     кең 
Ұзын        шығу
Ауызша 1-2 сөйлем құру. Оны дәптерге жазу. 
2- Тапсырма.Сызба арқылы мағынасы қарама-қарсы сөздерді көрсет.
Алды              жаман
Жақсы            Төр
Есік                    Арты
Күн                    Қара 
Биік                     Түн 
Ақ                   Жаңа 
Ескі                Аласа 
(Сөйлем құрап жазу)
ҮІ. Сергіту сәті:
Қуанамын мен де,
Қуанасың сен де,
Қуанайық достарым
Арайлап атқан күнге.
ҮІІ. Бекіту:
1. Ойын: “Мұғалімдер мен оқушылар”
Шарты:
Екі топ кезектесіп мұғалім мен оқушы болып қарама - қарсы сөздер айтады.
2. Суретпен жұмыс:
Геомтриялық фигураларды орналастырып, қарама - қарсы сөздерді табу.
3. Анаграмма шешу.
Рісте, зутү, сыжақ.
4. Сонымен ,Нұрсултан, антоним сөздер деп қандай сөздерді айтамыз?
ҮІІІ. Үйге тапсырма. : Мақалдардан антонимдік қолданыстағы сөздерді табыңыз.

 Көз қорқақ, қол батыр. 

 Басы таудай, аяғы қылдай. 
Адам аласы ішінде, мал аласы сыртында. 

Ақ пен қараны ажырата біл.

Берген жомарт емес,алған жомарт

ІХ. Бағалау.Оқушыны  мадақтау.