Математика пәнінен "Көпбұрыштың периметрі" ашық сабақ жоспарының үлгісі (2-сынып)

Пәні:  Математика. 2-сынып.

Сабақтың тақырыбы: Көпбұрыштың периметрі.

Оқытудың негізгі мақсаттары:

Білімділік:  Оқушыларға периметр туралы түсінік беріп, көпбұрыштың периметрін табу ережесімен таныстыру;

Дамытушылық: Оқушылардың ойлау қабілетін арттыру, жылдам, тез есептеуге баулу, топпен жұмыс арқылы сөйлеу дағдысын дамыту;

Тәрбиелік: Оқушыларды есеп шығару барысында шапшаңдыққа, жылдамдыққа, еңбексүйгіштікке тәрбиелеу.

Белсенді оқытуда қолданылатын əдіс-тəсілдер: ОмОЖТ, СТОү, ОүБжОБ, ОЖЕСОжО, АКТ, ОБжК, Диалогтік  оқыту.

Оқу нəтижелері: Периметр туралы түсінік алып, оны табудың жолын меңгеріп, сөйлеу дағдысы қалыптасады, бірлесіп жұмыс істейді.

Бағалау: Өзін – өзі бағалау “Бағдаршам”, бірін-бірі.

Жұмыс формасы: Жеке, жұптық, топтық, күрделі тапсырма

Негізгі дереккөздер: АКТ, маркерлер, қарындаш, өшіргіш .                                                                                                                                                                                                                                                                        

Сабақ кезеңдері	Уа- қыты	Мұғалімнің іс-әрекеті	Оқушылардың іс-әрекеті
Ұйымдастыру кезеңі	2 мин	Сабақта психологиялық көңіл күй орнату. Оқушылар шаттық шеңберін құрады. (Флипчарт №3) Онда, әрқашанда  талаптанып, берілген тапсырмаларды  жауапкершілікпен  орындауға  дайын болып, сабағымызды бастаймыз.	Оқушылар шеңберге тұрып,  тақпақты айтып, бір-біріне сәттілік тілейді. Мейірімді жүрекпен, Бөлісемін бақытты. Әрбір іске жауапты, Бала болам талапты.
функцационалдық-орындаушылық кезең	3 мин	-Балалар,  бүгін біз «Пішіндер әлеміне» саяхатқа шығамыз. «А» аялдамасы  - Алдарында жатқан , өздеріне ұнаған пішінді алып, өз топтарынды табыңдар. 1-топ: Үшбұрыш 2-топ: Төртбұрыш 3-топ: Шаршы 4-топ: Бесбұрыш -Енді балалармен постерге  топтарынның атына сай пішінді салып, оның қандай қасиеттерін айта аласыңдар? Соны ақ қағазға топпен ақылдасып жазыңдар. -Үй жұмысын тексеру №5 -95 бет	Оқушылар өздеріне ұнаған фигураны таңдап алған соң, топтасып отырады. -Әр топтағы балалар, фигуралардың қасиеттерін қағаз бетіне түсіріп, спикер дәлелдейді. - Басқа балалар үй жұмысымен қандай байланысы бар екенін айтады. Бұрыш түрлерін ажыратады.
	6 мин	«Білу» «В» аялдамасы Бағбан  бақшасын қоршауы керек. Бақтың  ұзындығы -5м, Ені – 4 м. Бағбанға неше метр дуал керек?  (Дуал – жерді қоршауға арналған ағаш) - Демек дуалдың ұзындығын табу үшін қабарғалардың ұзындығын қостыңдар. Бұл қосындыны периметр деп атаймыз. -Математика нақты пән болғандықтан, онда ұзын сөздер болмайды. Сондықтан ғалымдар периметр деген сөзді Р деп белгілеуге келіскен.  Р=а+b+а+b  Р=а+b+с  Р=а+b+с+d   Р=а+а +а+а	Оқушылар тапсырманы оқып, бағбанға қалай көмектесуге болатынын өз ойларын айтады. - Бақтың ұзындығы – 5 м Ені – 4 м Неше метр дуал керек -? Шешуі: Р=5 м+4м+5м+4м=18 м Жауабы: 18 м дуал керек. -Көпбұрыштың периметрі – оның қабырғалары ұзындықтарының қосындысы. Флипчартпен жұмыс. Р-?
	4 мин	«Түсіну» «С» аялдамасы Оқулықтағы №1 орындату. А)Үшбұрыштың қабырғаларын өлше. Оның барлық қабырғаларының ұзындықтарының қосындысын жаз. Ә)Төртбұрыштың қабырғаларын өлше. Оның барлық қабырғалары ұзындықтарының қосындысын жаз. Б) Қабырғаларының ұзындықтары: 8 см, 3 см, 4 см,5 см, 2 см көпбұрыштың периметрін тап.	Оқушылар №1 тапсырманы оқып, дәптерге орындайды. А) Р=2 см+2 см+3 см=7 cм Р=7 cм Ә) Р=3 см+3 см+4 см+ 2см=12 cм Р=12 cм Б) Р=8 см+3 см+4 см+5 см+2 см=22cм Р=22 cм
	7 мин	«Қолдану» Электронды оқулықпен жұмыс. 1-тапсырма: Көпбұрыштың периметрін табу. 2-тапсырма: Тік төртбұрыштың периметрін табу. Сергіту сәті (геометриялық конструктор) Оқулықпен жұмыс. №5 есеп құрастырып, шығару.	Оқушылар тапсырманы оқып, дәптерге орындайды. Р=1 см+4см+3см+3см+2см=13 см Р=13 см Р=4 см+1см+4см+1см=10 см Р=10 см Оқушылар геометриялық фигураларды қолданып, пішін құрастырады. Қандай фигураларды қолданғандарын айтады. Қалам- 50 теңге                            ? теңге Дәптер - ?, 40 теңге арзан Шешуі: 50+ (50+40)=140 теңге. Жауабы: Барлығы 140 теңге.
	2 мин	«Талдау» «Д» аялдамасы  №4 Теңдеуді шешу.	Оқушылар теңдеудің шешуін тауып, математикалық тілде шешуін табу жолын түсіндіреді. 60+а=65          49-а=43    97-а=7      а-5=90
	5 мин	«Жинақтау» «Е» аялдамасы. Сабақ басында берілген фигуралардың периметрін табу. Сыныптың бөлмесінің ұзындығын метрмен өлшетіп, Р тапқызу. Өмірмен байланыстыру: құрылысшылар еденнің жиегіне қағатын ернеулікті сатып алу үшін, еңбек сабағында аппликациялық жұмыстар орындау үшін, ...	Оқушылар  қолдарындағы фигуралардың қабырғаларын өлшеп, периметрін табады.
	3 мин	«Бағалау» -Сонымен бүгінгі сабақта қайда саяхат жасадық? -Біздің жүрген жолымыз қандай фигураға ұқсайды екен? - Егерде жүріп өткен жолымыз әр аялдамада 1 м  артып отырса. Бүгін біз қанша м жол журген екенбіз?	Оқушылар сұрақтарға жауап бере отырып, логикалық тапсырманың шешуін табады. Р=3+ (3+1)+(4+1)+(5+1)+(6+1)=25 м
Рефлексия	3 мин	Бүгін сабақта не білдік? Не қиын болды? Сабақта не ұнады?                                                                   Үй жұмысы: Өзін-өзі бағалау: Бағалау парағына оқушылар үш түрлі смайликті жапсырады. «Жасыл» - түсіндім, «сары» - түсіндім, бірақ сұрақтарым бар, «қызыл»- түсінбедім. Топ басшысы: Тобындағы белсенді қатысқан оқушыларды атап өтеді. Мұғалім: жақсы меңгерген топтың бағалау парағын  кеменің  жоғары желкеніне орналастырады, ризашылығын білдіреді.	Оқушылар ойларын ортаға салып айтады. 96 беттегі №3, және 1 көпбұрыш сызып Р-? Оқушылар бағалау парағына смайликтерді жабыстырады.