Открытый урок на тему "Ата заңым-елдігім"

Әуезов орта мектебі

Баяндама

«Ата заңым-елдігім»

Шарипбаева Д.Қ.

2013-2014 оқу жылы

Қайырлы күн, құрметті қонақтар, қадірменді ұстаздар мен оқушылар!

ҚР Конституциясы – қазақ елінің басты саяси құқықтық құжаты болып есептеледі. Қабылданғанына 18 жыл толған ҚР Ата заңы өзінің өміршеңдігін дәлелдеп отыр. Ата заңда бекітілген ҚР Конституциялық құрылымының негізі – ол азаматтардың құқықтары мен бостандықтары, меншік түрлері мен ұзақ мерзімді қажеттіліктері.

«Конституция» - латын тілінен аударғанда «құрылым» деген мағынаны білдіреді. Еліміздің негізгі заңы – тәуелсіз, экономикалық жағынан дамыған, әлемдік ынтымақтастыққа бағыт алған, мемлекеттің үздіксіз алға жылжуын реттейтін негізгі құжат болды және алдағы уақытта да солай бола береді. Конституция дегеніміз қоғамның даму деңгейіне сәйкес келетін әділетті заң жиынтығы.

Конституция тарихы:

Алғашқы КСРО Конституциясы 1924 жылы дайындалып, қабылданды. 1936 жылғы Конституция Автономиялық Республикадан Одақтық Республикаға өткен кезімізде қабылданды. 1978 жылғы Конституция кемелденген социализм сатысын орнату деп аталды.

1991 жылғы Конституция КСРО – ның таратылуы дағдарыстан шығудың ең тиімді жолы болды. Сол себепті әр республика өздерінше өмір сүре бастады.

1990 жылғы 25 қазанда - егеменді ел болдық. 1993 жылы 28 қаңтарда қабылданған Конституция негізінде Кеңестік Қазақстанның дәуірі аяқталды. Елімізде Президент басқару қажет болды. Сонымен қатар 1995 жылы жаңа заң қабылданып Президенттік басқару жүйесі орнатылды. Содан бері 18 жыл өтті.

Қазақ халқы 30 – тамызда өздерінің егемендік еріктерін пайдалана отырып, бүкіл халықтық референдумда ҚР ның жаңа Конституциясына дауыс берді, сөйтіп азаматтардың құқықтары мен бостандықтарын нақты қамтамасыз етудің жаңа мүмкіндіктері ашылды. Қазақстан тарихында халық алғаш рет негізгі принциптерге сүйене отырып, өз еріктерімен ел өмірінің, Конституциялық құрылымдар негізінің жеке адамның құқықтық мәртебесін анықтады.

Жаңа Конституция 9 бөлім, 98 баптан тұрады. Мемлекет басшысы Президент болып табылады.

Бүгінгі таңда ҚР мемлекетті рәміздері Әнұран, Елтаңба және Ту көп ұлтты Қазақстан халқының бірігіуінің бастамасы болып табылады.

18 жыл бойы біз өзіміздің қабылдаған Конституция заңдарымен өмір сүріп келеміз және республиканың жедел дамуының куәсі болдық. Конституцияның және оның негізгі кепілі – ҚР Президенті

Н.Ә. Назарбаевтың қызметінің арқасында біздің елімізде саяси тұрақтылық пен көп ұлтты қоғамымызда бейбітшілік пен келісім сақталуда.

«Білім туралы» заңда әрбір адамның тегін орта білім және байқау негізінде жоғары білім алуына құқығы бар екендігі айқын көрсетілген.

Біздің Отанымыз – Қазақстан Республикасы нығайып, биік белестерге көтеріле берсін!