Презентация по начальных классы на тему "Математика кең өрісті ғылым"

Жамбыл облысы, Жуалы ауданы , Көлбастау ауылы

№13 Аркадий Гайдар атындағы орта мектебінің

2«Ә» сынып жетекшісі: Аюпова Тамара Сейтжанқызы

Сыныптан тыс ашық сабақ.

Сабақтың тақырыбы: Математика – кең өрісті ғылым.

Міндеттері:1. Оқушылардың білімдерін тексеру,тапсырмалар орындау арқылы логикалық ой - өрісін, есте сақтау қабілеттерін дамыту.

2. Шапшаңдыққа , бірлесіп жұмыс істеуге, алғырлыққа тәрбиелеу.

Сабақтың барысы:

Ұйымдастыру кезеңі:

Атом , молекула ойынын ойнау арқылы оқушылар жұптасып өз орындарына отырады. Сынып оқушылары екі топқа бөлініп отырады.

І – кезең. Өзін - өзі таныстыру.

Әр топ өздерін таныстырып, ұрандарын айтып қорғайды.

ІІ – кезең « Кім білімді?»

Топ басшылары « Білім ағашының » тапсырмаларына жауап береді.

Топ басшыларының дұрыс жауаптарын қарсылас топ мүшелері бағдаршам көздері арқылы бағалайды. Ең жоғарғы бал ( 5 ) балдық жүйемен бағаланады.

ІІІ – кезең « Көршілерін табайық» .

Екі топ мүшелеріне мұғалім кез келген санды жоғары көтеріп көрсеткенде топ мүшелері жылдам сол санның көршілерін атап шығулары керек . Топ мүшелері бірін - бірі бағдаршам көздерімен бағалайды.

IV - кезең Сергіту сәті.

Терезені ашайық,

Таза ауа жұтайық.

Алға қарай бір адым,

Артқа қарай бір адым,

Орнымызды табайық.

V - кезең « Кім жылдам?» Логикалық сұрақтар.

Көп қабатты үйден өз орныңды тап.

Әр қабаттың тапсырмасын алып сұрақтарға жауап жазады. Әрбір дұрыс жауап ( 1 ) балдық жүйемен бағаланады.

VI-- кезең «Мен саған , сен маған»

Әр топ дайындаған тапсырмаларын екінші топқа тапсырады да орындау үшін 5 минут уақыт белгіленіп беріледі. Топ басшылары жауаптарын тексереді , дұрыс жауапқа 1 бал беріледі.

Сабақты қорытындылау.

Әр топтың жинаған ұпайларын есептеп жеңімпаз топ анықталады.

Жеңімпаз топ мүшелерін қошеметтеп, құрмет көрсетеміз.