Презентация "Родной язык в моей семье"

• 1 слайд

  Дорофеева Ирина Николаевна
  Муниципальное бюджетное общеобразовательное учреждение «Старочамзинская основная общеобразовательная школа» Большеигнатовского муниципального района Республики Мордовия
  8 класс
  431675, Республика Мордовия Большеигнатовский район
  село Старое Чамзино ул. Западная д. 10А
  e-mail : [e-mail]
  Руководитель: Наумова И.А., учитель
  

• 2 слайд

  Шумбрачи, вечкевикс оят!
  
  Мон кунсолан: гайги тиринь келесь... Зяро кеняркс совавты монь потс!
  Рузось эрзянь валонть евты пелезь- Те аволь сонзэ уцяскань ёнкс. Бути эрзят, мейс полавтнемс келеть? Зяро вий максы келесь эрзянь! Кортак эрзякс, валтнэ витьсызь мелеть. Сынь миненек-казнеть умонь шкань!
   
  

• 3 слайд

  Весемеде масторонть лангсо ламо эрьва кодат кельть. Ды эрьвата ломанентень эсензэ келезэ маряви сехте мазыекс, сехте гайгицякс, сехте парокс ды шождынекс. Монень жо сатотсь часия чачомс ды касомс эрзянь велесэ, эрзянь ломань ютксо, эрзянь семиясо. Мон содан, што монь келем кандови финно-угорской раськентень. Тозонь, эрзянь ды мокшонь кельтнеде башка, совить ламо лият кельть. А мон вана неть кельтнень ютксто содаса ды кортан эрзянь кельсэ. Ды алкукс, монень сон маряви сехте мазыекс.
  

• 4 слайд

  Мон эрян эрзянь а покш велинесэ. Те веленть лемезэ - Ташто Чамза. Сон ашти Игнатбуесэ. Минек велемек кезэрень ды пек мазый. Велень эрицятне весе кортыть эрзянь кельсэ. Эрить сынь весе ладнойстэ. Минь эсь семиясонок кортататанок ансяк эрзякс, ды те келесь монень пек вечкеви. Те кельсэнть кортасть сеть ломантне, конат нолдымизь минек, минек тетянок-аванок мастор лангс. Сынь казить тенек келенть мазычинзэ эрямонть васенце читнестэ саезь.
  

• 5 слайд

  Чамза велем.
   
  Тиринь велем!
  Чамза велем!
  Тонде морамс ули мелем.
  Мон вечксынь тонь келей ульцянт,
  Эрькенть, пиренть ды обуцянт,
  Мон вечкса тонь тундонь коштот,
  Ловонь шушмонт, вирень пусмонт.
  Кизна цецят перькат касыть,
  Ламо сюро паксянт максыть.
  Тонь эрицянт вадря ломанть,
  Мазый тейтерть, шумбра церат.
  Тон васолат покш оштнеде,
  Свал сюпават паро тевде.
  Вадря куля эйстэть моли,
  Зярдояк мелем а моли
  Тонде морамс, Чамза велем,
  Вечктян тонь ды эрзянь келем!
  
  

• 6 слайд

• 7 слайд

  
  Мон ещё тиринь келем вечкса сень кисэ, што монь авам, Галина Александровна, эрзянь келень тонавтыця. Сон тонавты весе эйкакштнесэ содамс ды вечкемс эсь тиринь келенек, чачома масторонок.
  
  

• 8 слайд

  Минек школасо эйкакштне пек сеедьстэ сёрмалить сочиненият, складить стихть, ёвкст, ёвтнемат эсест тиринь кельсэст, налксить сценкат, пьесат. Ды весе тень эйсэ тонавтыцятне теить покш мельспаросо. Монгак а аштян ве ёно. Пек вечкан тиринь кельсэнь ловномо, морамо.
  

• 9 слайд

  Мон арсян, што валтнэ, тиринь келем ды тиринь авам, пек малавикст. Кода вишка пингестэ саезь, эйкакшось а эряви тиринь кельтеме ды тиринь ававтомо. Ды, кода кортыть покш ломантне, косо бу ломанесь аволь эря, кодамо бу сюпав сон аволь уле, седеесь свал терди тов, косо сон чачсь, кайсь, косо сон кортась вишка пингестэ саезь эсензэ тиринь кельсэнзэ. Свал ули мелеть васодемс эйкакшпингень таркатнень марто, ялгатнень марто, чамдомс седеенть малавиксэнть туртов ды кортамс, кортамс эсь тиринь кельсэть. Пештямс ойменть валдочисэ , мельспаросо.
  

• 10 слайд

  Эряви ванстомс эрьва валонть, кона пачкодсь тенек пингетнень пачк, конань эйсэ невтезь туезетнень эрямост, мелест-арсемаст. Минек тевесь – пачтямс тиринь келемек, минденек мейле эрицятненень, теке питней казне.
  Юты шкась, кеверезь кевери. Тиринь авам, чачома велем, тиринь келем!
  Мон арсян, што покшсто касозьгак мон тынк зярдояк а стувттадызь. Эрядо весе куватьс-куватьс!
  
  

Краткое описание документа:

Язык народа — лучший, никогда не увядающий и вечно вновь распускающийся цвет всей его духовной жизни.К. Д. Ушинский

Данная презентация подготовлена на эрзянском языке. В ней использованы стихи, сочинения, фотографии наших учеников.

Чувство малой Родины со своим особым обликом, со своей, пусть самой скромной и непритязательной красотой, появляется у человека в детстве, в пору памятных на всю жизнь впечатлений ребяческой души. Свет отчего дома и тепло родного очага согревают человека и освещают его путь всю жизнь.

На Мордовских огромных просторах,

Есть зелёный затерянный рай.

Это светлый, уютный и скромный,

Мой любимый Игнатовский край.