"Ресей халық шығармашылығы" ашық сабағы

Бейнелеу өнері   4 сынып.

Сабақтың тақырыбы:Ресей халық шығармашылығы.

Сабақтың мақсаты:

Білімділік:Орыс халқының бай мәдени мұрасымен таныстыру.Мәдени тұрмыстық  дәстүрлеріне деген сүйіспеншілігін ояту.

Қауіпсіздік ережелерін сақтау.

Тәрбиелік:Еңбекті сүюге,жауапкершілікке,өз бетімен жұмыс жасауға эстетикалық талғамдылыққа тәрбиелеу.

Дамытушылық:Оқулылардың іске деген икемділігін,шығармашылық қабілетін қиялын және моторикасын дамыту.

Сабақ түрі:Ашық сабақ.

Сабақтың әдісі:Түсіндіру,сұрақ-жауап,топтық жұмыс,сергіту сәті.

Сабақтың көрнекілігі:Қолөнер шеберлерінің туындылары,суреттер,слайд.

Қажетті құралдар:Суретке керекті барлық құрал-жабдықтар.

Пәнаралық байланыс:Ана тілі,еңбекке баулу,тарих,ән саз.

Сабақтың барысы:I.ұйымдастыру кезеңі сәлемдесу,оқушылардың зейінін сабаққа аудару.

Психалогиялық дайындық.

-Балалар,бүгінгі сабақ көңілді өту үшін өлең шумағымен бастайық.

Сәттілік біздер тілейік,

Мен саған сен маған,

Күндей күліп жүрейік,

Күннің нұрын төгейік.

II.қызығушылықты ояту.

Алтын сандық ашылды,

Ішінен түстер шашылды.

Түстерді таңдап ала ғой,

Бірігіп топ құра ғой.

(Түстер арқылы топтасады)

-Бүгінгі сабағымызда үш топқа бөлінеміз.

І-топ.Қарындаш.

ІІ-топ.Субояқ.

ІІІ-топ.Ермексаз.

Енді әр топ өз топтарының аты нені білдіретінін айта кетсін.

ІІІ.Үй тапсырмасын тексеру.

Оқушылардың өткен тақырып бойынша үйден салып келген суреттерін тексеру,бағалау.

Өткен материалдарға шолу жасау.

1.Қазақ шеберлері ыдыстарды қандай материалдардан жасаған?

2.Қазақ ыдыс-аяқтарының атаулары?

Көрмедегі бұйымдарға қарап,бүгінгі тақырыбымызды ашамыз.

Сұрақ: Бұл жерде қай халықтың қолөнер туындылары тұр деп ойлайсыңдар?

Оқушылардан жауап алу.

Жаңа сабақтың тақырыбын жариялау.

Бүгінгі сабақтың тақырыбы:Ресей халық шығармашылығы.(Сабақтың мақсаты айтылады.)

IV.Жаңа сабақ.Теориялық бөлім.

Ресейдің ертеден халықтық қолөнермен аты шыққан.Айтулы ісмер –шеберлер өз туындыларын әр түрлі материалдардан-саз балшық пен металдан,ағаш пен жүнненжасаған.

Қолданбалы өнер шеберлерінің шығармаларымен жостова табақшасы,гжель палех қобдишасы,хохлома ыдыс-аяқтары,дымков,богород,ойыншықтары,матрёшкалары бар.Алайда ойыншықтардың ішіндегі ең әйгілі матрёшкалар.Матрёшка-өзіндік құрылысы бар қуыршақ.

Дымков ойыншықтары.Олардың өрнектері қарапайым,бірақ өте сәнді.Богород ойыншықтарының  ерекшелігі-олар қозғалып әр түрлі қимылдар жасайды.Ойыншық құстың жібінен тартсаң,қанаттарын қағады.

V.Практикалық жұмыс.

Үш топқа үш түрлі тапсырма тарату.

Мысалы:1-топқа карандашпен салу,2-топқа акварельмен салу,3-топқа ермексазбен салу тапсырылады.Олар сол суреттердің композициясы,пропорциясы,түс реңктері туралы пікір алмасып,салыстыру арқылы бағаланады.

VI.Сергіту сәті.

Шаршадым  «Уһ!» дедім,

Ренжідім «Туһ!»  дедім,

Таңырқап  «О!» дедім,

Кейідім «И!» дедім,

Біліп ап «Е!» дедім,

Қуанып  «Ха-ха-ха!» дедім.

VII.Адасқан әріптер ойыны.

І-топ

Лызық(қызыл)

Ырқоң(қоңыр)

Ырса(сары)

ІІ-топ

Ғылтқыз(қызғылт)

Рұс(сұр)

Діргілкө(көгілдір)

ІІІ-топ

Лысаж(жасыл)

Көксия(сиякөк)

Гінкүл(күлгін)

VIII.Қорытынды.

-Балалар,біз бүгін не үйрендік?

-Не білдік?

IX.Бағалау.

Сабаққа жақсы қатысқан топты атап,мадақтау арқылы бағалау.

X.Кері байланыс.

-Бүгінгі сабақ сіздерге ұнады ма?

-Өзіңе пайдалы мәлімет алдыңба?

-Не қиын болды?

Оқушылар өз пікірлерін стикерлерге жазып,білім ағашына іледі.

XІ.Үйге тапсырма:

Ермексазбен ойыншықтар жасау.

 

                                                       «Абай орта мектебі» ММ

Тақырыбы:  Ресей  халық шығармашылығы

                                                                                              Өткізген: Карасаева С.

Бейнелеу өнері пәні мұғалімі

Бейнеу селосы, 2016жыл