Саҥа
дьыллааҕы сценарий
(
сылы көрсө)
(Оҕолор
саҥа дьылы көрсөөрү бэлэмнэнэ сылдьаллар. Таһырдьаттан Күтэр
(Крыса) киирэр.)
Оҕолор: - Күтэр, дорообо. Эн саҥа дьылы
илдьэ кэллин дуо? Кэл аас, биһиэхэ ыалдьыт буол.
К: - Дорооболорун доҕоттоор. Мин Тымныы
Кырдьаҕаска саҥа дьылы илдьэ баран истэхпинэ Дьэгэ Бааба саҥа дьыл аптаах
холбукатын былдьаан ылла. Холбуканы ылан аптаан кээстэ, ол иһин саҥа дьыл
үүммэт буолла. Тымныы Кырдьаҕас холбуката суох саҥа дьыл түүнүн сатаан
аптаабат.
Оҕолор: Оо, оччоҕо хайдах буолабыт? Аптаах
холбуканы быыһыахха наада.
К: Холбука Дьэгэ Баабаҕа баар.
Оҕолор: Оччоҕо баран былдьыахха.
(Дьэгэ Баабаҕа тиийэллэр)
ДЬБ: - Хайа, бу кимнээх кэллигит? Миигин
тоҕо аралдьыттыгыт?
Оҕолор: - Дьэгэ Бааба, дорообо. Биһиги
оҕолор кэллибит. Эн саҥа дьыл аптаах холбукатын Күтүртэн былдьаан ылбыт үһүгүн.
Ону төптөрү биэрэрин табыллар.
ДЬБ: - Көр эрэ маны, холбукаларын былдьаһа
кэлбиттэр эбит дии. Чэ оччоҕо биэрэр буоллаҕым дии.
СУ: - Махтал эйиэхэ, Дьэгэ Бааба.
ДЬБ: - Тохтоон. Бастаан мин холбукам
сорудахтарын толоруохтааххыт, дьэ ол кэннэ биирдэ саҥа дьыл холбукатын биэриэм.
(Оҕолорго холбука биэрэр. Бу хоруопкаҕа
хас да сорудах баар. Сорудахтары иккилии буолан арахсан баран толоруллар.
Бырааһынньык иннинэ хас биирдии хамаанда сорудах толкуйдуур уонна бу хоруопкаҕа
угар. Сорудахтар хоһоон ааҕыылаах, ырыа ыллааһыннаах, сценка көрдөрөөһүннээх
буолаллар. Хамаандалар туох сорудах кэлэрин эрдэттэн билиэ суохтаахтар, тута
оонньоон, ыллаан көрдөрөллөр. Хас биирдии сорудах хайдах толоруллубутун ДЬБ
сыаналыыр. Сорудах барыта толоруннаҕына Дьэгэ Бааба аптаах холбуканы биэрэр).
ДЬБ: - Чэ ылыҥ холбукаҕытын. Дьон барыта
бырааһынньыктыы барыаҕа (хомойбуттуу) миигин эмиэ ким да ыҥырбатах. Эмиэ
соҕотох бу түүн аптаах сүүрээнигэр кыттыспакка хаалар буоллаҕым дии.
К: - Доҕоттоор, Дьэгэ Баабаны бэйэбитигэр
ыалдьыттата ыҥырабыт дуо? Бу түүн ким даҕаны соҕотох халыа суохтаах.
СУ: саамай сөпкө этэҕин.
СУ: Дьэгэ Бааба, эн биһигини кытта барыс,
бу түүн биһиэхэ ыалдьыт буол.
(бары дьоллоохтук бырааһынньыктыы
бараллар. Тымныы кырдьаҕаһы ыҥыраллар).
Оставьте свой комментарий
Авторизуйтесь, чтобы задавать вопросы.