Әлифба бәйрәме
Алып баручы:
Кадерле укучылар! Хөрмәтле әти әниләр һәм
килгән кунаклар! Без сезнең белән бүген зур бәйрәмгә җыелдык. Бүген 1 класс
укучылары кадерле китаплары – Әлифба белән саубуллашалар.
Әйе , әлифба бар кеше өчен дә кадерле
китап. Ул безгә иксез чиксез белем иленә тәүге адымнарыбызны ясарга ярдәм итә.
Кадерле укучылар! Әлифба сезне бик күп
нәрсәгә өйрәтте. Сез 39 хәреф белән таныштыгыз, сүзләр төзергә , матур
хикәяләр укырга өйрәндегез. Хәзер сез белем иленең очсыз кырыйсыз
сукмакларыннан кыю атлап бара аласыз. Әлифба китабы сезнең күңелләрдә бары
якты хисләр генә калдырсын, авырлыкларга очраганда киңәшчегез, якын дустыгыз
булсын.
Хәрмәтле әти –әниләр! Әлифба бәйрәме
–сезнең өчен дә зур бәйрәм ул Балаларыгызның ирешкән уңышларында сезнең дә
өлешегез зур.
Бәйрәм котлы булсын !
Ә хәзер укучылар , кадерле әти
–әниләребезгә, кунакларга нәрсәләргә өйрәнүебез турында сөйләп күрсәтик.
1 Бәйрәм бүген ,
бәйрәм бездә
Көттек ярты
ел буе
Котлы булсын
, котлы булсын
Әлифба сабан
туе
2 Күч безнең
күнелгә
Җыр яме, җир
яме
Рәхим ит ,
түрдән уз
Әлифба
бәйрәме
3 Әлифбабыз
тәмам булды
Без җыелдык
бәйрәмгә
Шатлыгыбыз
эчкә сыймый
Ничек сезгә
сөйләргә
“ Бәйрәм бүген”
җыр
4 Белдек без
Әлифба- телебез ачкычы
Ул белем
иленең иң тәүге баскычы
Баскычка
басып югары менәбез
Фән
нигезенең серләрен беләбез
5 Әлифбабыз
Әлиф бабай
Әлифбабыз
Әлиф бикә
Кадерле
китап ул бик тә
Якын ул безгә
бик тә
6 Әнкәйне дә
укыткан ул
Әткәйнне дә
укыткан
Дәү әнине дә
укыткан
Дәү әтине дә
укыткан
Менә кем ул
Әлифба
7 Китап
язучыларны да
Укыткан ул-
белеп тор
Әлифбадан
башлаган ди –
Хәтта безнең
директор
Менә кем ул
Әлифба
8 “Ә” ӘНИ дип
телем ачылган
Әни
сөйгән назлаган
Кайсыбыз соң дәфтәренә
“ Ә”
хәрефен язмаган
9 “ Л” Өйрәндем
мин хәрефләр
Тырышып , тирләр түгеп
Мин
яратам “ л” хәрефен
10 “И” “ И”
хәрефе ипидә бар
Бар ул “ил” һәм “иректә”
“И” хәрефе 2легә
Укымаска өйрәтә
11”Ф” Мәктәбебез
түбәсендә
Флаг
балкый бәйрәмдә
Кыяфәтем шуңа горур
Узмый
вакытым әрәмгә
12 “Б” Бәр
барабан ,уйна быргы
Бар
кешеләр ишетсен
“Б”
дан башка бәйрәм югын
Барчасы күреп китсен
13 “А”
А-хәрефе- алмада
А-хәрефе- агачта
А-хәрефен –яратабыз
Өйрәнәбез иң башта
БАРЫСЫ Һәммәбезнең
үз урыны
Барыбыз да кирәкле
Безне Әлифба китабы
Дус булырга өйрәтте
(Әлифба җыры)
14 Нигә бүген
куанмаска
Без бит инде
зур үстек
Әлифбаны
тәмамлап
“Туган телгә “дә
күчтек
Укытучы : Дөрес
, укучылар Әлифба сезне бик күп нәрсәләргә өйрәтте. Әйдәгез Әлифбаны бәйрәмгә
чакырыйк.
Бергә : Кадерле
Әлифба ! Безнең бәйрәмгә рәхим ит.
Әлифба: Исәнмесез
минем нәни дусларым , хөрмәтле кунаклар!
Бергә: Исәнме
Әлифба!
15 Әлифба
тормышта
Иң тәүге
баскычым
Син
белем дөньясын
Ачучы
ачкычым
16 Өйрәттең
син безне
Хәрефләр
тезәргә
Тылсымлы
хәрефләр
Әйләнде
сүзләргә
17 Әлифба ,
Әлифба
Син минем
юл башым
Дәфтәргә
төшердең
Күктәге
кояшым.
18 Каләмем
йөгерә
Мин бер сүз
әйтүгә
Дәфтәрдә бар
хәзер
Әни дә, әти
дә.
19 Өйрәттең син
безгә
Ватанны
сөяргә
Рөхсәт ит ,
зур рәхмәт
Мең рәхмәт
дияргә
Әлифба:
Нәни дусларым
Рәхмәт сезгә дә
Әлифбаны нык
Үзләштергәнгә
Белем сараен
Керергә ачып
Сезнең кулларда
Бар хәзер ачкыч
Сезнең һәрберегез
Бик күп укысын
Китап иң якын
Дустыгыз булсын
Нәни дусларым
Шуны белегез
Фәкать
Әлифба
Белемгә нигез
Зур доктормы
ул
Укытучымы
Агроном яисә
Гади эшчеме
Үтәргә эшнең
Кечесен ,
зурын
Әлифбадан ул
башлаган юлын.
20 Әлифба , син
алып кердең
Безне белем
иленә
Тырышлык та
, ялкаулык та
Шушы илдә
беленә.
21 “А” дан
башлап “Һ” га чаклы
Аһ итсәк тә
өйрәндек
Әлифбадан
туган телнең
Моңнарына
көйләндек
22 Әти- әнием дә
әле
Әлифбаны
сагына
Кызыгып
торалар иде
Мин укыган
чагында
23 Кадерләп
йөрттек без сине
Буямадык ,
ертмадык
Өф итеп
кенә сакладык
Төштә
күреп йокладык
24 Һәр
хәрефең белән синең
Таныштык
берәм- берәм ,
Инде
барлык китапларның
Сер
ачкычларын беләм
Әлифба:
Кем кайсы
хәрефне
Бигрәк
ошатты,
Я әйтеп
бирегез
Ачмыйча
китапны.
25 “А”
тора Әлифбаның
“А” Иң
мактаулы җирендә
Ансыз әйтеп булмый
“Ата
– ана” сүзен дә
26
“А” ны бик мактыйсыз
“У”
Әллә “У” ямьсезме
“Укы” ди ул безгә
“Уйла “ ди –һәр сүзне
27 “Э”
белән “Ш” ны кушып
“ЭШ” Укыйсың
син эшне
Эш
белән дус булсаң
Мул бирер җимешне.
28
Я кайсыгыз әйтә ала
“Д”
“Д”дан нәрсә башлана ,
Мәктәпләрдә
һәр көн саен
“Д”дан дәрес башлана.
29 “К”
“К” хәрефен кем күрде
“К” кайда бар , кем
белде
К карда да бар икән
К кырда да бар икән
30 “О” Бер хәреф бар бик кызык
Әйтәләр аны сузып
Ирен була түгәрәк
Шуңа күрә бу хәреф
Үзе дә түм –түгәрәк
31 Калындыр минем тавышым
Катыдыр минем сөйләм
Күп сөйләмим, мин
ахрысы,
Батырлар нәселеннән.
Бергә: Без хәзер беләбез
Һәр хәреф кирәкле
Әлифба аларны
Безгә син өйрәттең.
(Алфавит җыры)
32 Әлифба, әлифба беренче
битеңне
Ачкан көн хәтердә- зур
бәйрәм шикелле
Иң якын дустыбыз булдың
син гел безнең
Һәр хәреф елмаеп әйтте үз
исемен
Әлифба, әлифба, китәсең
бит инде
Җыр итеп җырлыйбыз иң
соңгы битеңне.
33 Зур белем иленә
Бик озак барасы
Куркытмый авыр юл
Тау- ташлар арасы
34 Әлифба синдә бит
Чыныкты канатлар
Чакыра әкиятләр
Канатлы пар атлар
35 Әлифба, күңелләр ,
Гел сиңа ялгансын
Син безгә хәерле ,
Юл теләп каласың.
36 Киңәшең истә, әлифба,
Берсен дә онытмыйбыз.
Укырга өйрәткән өчен.
Сиңа рәхмәт укыйбыз.
37 Беренче китап син булдың
Әлифба дус , хуш инде
Юк ла, хуш димик, исән
бул
Син аерылмас дус инде.
38 Әлифба китәсең
Килмәссең моннан соң.
Әмма син гомергә
Күңелдә каласың.
Почталион :
Дуслар, телеграмма сезгә , телеграмма!
Бергә: Кемнән?
Почталион : Туган телдән . Юлга чыктым,
тиздән килеп җитәм дигән.
Әлифба:Беләсез алмашка
Туган тел киләчәк
Ул сезгә бигрәк күп
Бүләкләр бирәчәк
39 Туган тел ул иң изге тел
Шуны беләбез
Ишек ачык кил рәхим ит
Туган телебез.
Туган тел: Исәнмесез минем нәни
дуслар,хөрмәтле кунаклар!
Бергә: Исәнме ,Туган тел!
Әлифба: Урынымны , Туган тел
Хәзер сиңа тапшырам
Өйрәт нәни дусларымны
Син бары тик яхшыга
Кадерле балалар!
Мин китәм хушыгыз
Акыллы булыгыз
Гел 5кә укыгыз
Барысы : Рәхмәт сиңа әлифба
Сау бул инде әлифба
Туган тел: Көттем мин бергәләп
Укыр көн җиткәнен
Мин әле өр яңа
Бер тапсыз
битләрем
Килдем мин хикәя
Җыр , шигырь
күтәреп
Май ае беткәнче
Укырга җитәрлек
Тап кына җавабын
Табышмак ничаклы
Тик менә үкенеч
–
Таплама китапны
40 Туган тел , туган тел
Боларны беләбез
Өйрәндек күп нәрсә
Әлифба белән без
Туган тел: Сез Тукай абыйны
Беләсез һәммәгез
Ул язган бер җырны
Җырлыйбыз, әйдәгез.
(“Туган тел “ җыры)
Туган тел: Бүгеннән без фән иленә
Бергә барабыз,
Ләкин башта ни беләсез
Әйтеп карагыз.
Табышмаклар әйтә
-Җир астында җиз бүкән
Әйтегез , нәрсә икән.
-Утыра бер ак чүлмәк
Өстенә кигән йөз күлмәк.
-Армый талмый
Ат артыннан калмый.
Хәзер дуслар ,әлифбада өйрәнгән
шигырләрне дә сөйләп күрсәтегез инде.
Сез җырлар да беләсездер я җырлап
күрсәтегез әле.
(“Бу җырыбыз булсын әле”) җыры
Балалар бик булдырасыз икән әлифба белән
дус булгансыз, күп нәрсәләргә өйрәнгәнсез.
Дусларым , мин сезгә бүләккә туган тел
китабын бирәм . Аны кадерләп тотыгыз, ул сезнең чын дустыгызга әйләнсен.
(Китап өләшәләр)
41 И Туган телем , и Туган тел
Сүзең алтын сүзле тел
Син татар баласы диеп
Сайрап торган изге тел.
42 Йөрәгемә иң якын тел
Туган телем , үз телем.
Ярдәмең белән өйрәнәм
Иң бөек тел – рус телен.
43 Татарча да яхшы бел
Русча да яхшы бел
Барысы да безнең өчен
Иң кирәкле затлы тел.
44 Туган телем газиз телем
Бик тиз үсеп җитәрбез
Тукай кебек , Туфан кебек
Сиңа хезмәт итәрбез.
Бергә: Туган тел , вәгдә бирәбез
Ялкауланмаска ,
2 ле алмаска
Тырыш булырга
5 кә укырга.
“Бәйрәм
бүген “ җыры
1 Таң җилләре алып килде
Шатлык хәбәре
Бүген бездә олы бәйрәм
Әлифба бәйрәме
Кушымта
Бүген бәйрәм –безнең бәйрәм
Уйныйк гөрләшик ,
Бүген бәйрәм – бик зур бәйрәм
Шатлык өләшик
2 Ак болытлар сөенешеп
Йөзеп йөриләр
Алар безгә бик күңелле
Хәбәр сөйлиләр.
Оставьте свой комментарий
Авторизуйтесь, чтобы задавать вопросы.