«Менің отбасым» «Өзін-өзі тану»
ашық сабақ.
Сабақтың тақырыбы:"Менің отбасым"
Сабақтың мақсаты: балаларға отбасы туралы түсінік беру, өз жанұясы
туралы әңгімелеуге үйрету. Ойын арқылы есте сақтау қабілетін, қарым қатынас
дағдыларын дамыту. Отбасына деген сүйіспеншілікке тәрбиелеу.
Әдістер: Әңгімелеу, жұмбақ, тақпақ айту, ойын, сұрақ - жауап, сергіту
сәті өткізу
Сәлеметсіздер ме құрметті оқушылар. Сіздерді көргеніме
қуаныштымын. Барлығымыз ортаға шығып, «шаттық шеңберін» құрайық.
Шаттық шеңбері.
Бір біріне
жүрекше беріп жақсы тілек айту.
Бүгінгі біздің тақырыбымыз өз отбасымыз туралы болмақ.
Балалар, айналамызға қарасақ, көптеген үйлерді көреміз.
Ол үйлерде кімдер тұрады деп ойлайсыңдар?
- Иә, балалар, барлық үйдің өз отбасы болады олар бір - бірімен тату - тәтті
тұрады.
- Қане, балалар мен сендерге бір жұмбақ жасырайын, шешуін тауып көрейік.
Жұмбақ
Онсыз қызық жоқ маған, онсыз бақыт жоқ
маған.
Ол әр баланың
панасы, ол не екен, балалар? (отбасы)
- Міне балалар, бұл жұмбақтың шешуі отбасы екен
- Олай болса бәріміз тақтаға назар аударайықшы.
Бұл суретте кімдердің суретін көріп тұрсыңдар?
- Иә, бұл суретте сүйіспеншілігі мол, бір - біріне ыстық ықыласпен, аялы
сезіммен қарап отырған дастархан басындағы отбасы мүшелерін көріп отырмыз.
Отбасы туралы әңгімелеу.
Ойын " Көңілді доп"
- Отбасы мүшесін
ата.
- Отбасында кімді жақсы көресің?
- Отбасында кімге сыйлық жасайсың?
- Анаңа қалай көмектесесің?
- Үйге қонақ келгенді ұнатасың ба?
- Дастархан басында өзіңді қалай ұстайсың?
- Үйдегі ініңе, қарындасыңа қалай көмектесесің?
- Жарайсыңдар, балалар, өте жақсы.
Мұғалімнің сыйы
Балалар мен сендерге сый дайындап қойдым.Ендеше сол
сыйымызды орындап көрейік.
Балаларға әр түсті дөңгелек пішінді қағаздар таратып
беремін.Қолдарындағы конверттерді ашып ішіндегі суреттер бойынша әңгіме
құрастырады.Жасырынған конверттің ішінде отбасы туралы суреттер шығады.Балалар
бұл суреттер бойынша әңгіме құрастырып береді.Балалардың жауаптары тыңдалып
қортындыланды.
Тамаша балалар!Адамға өмірде ең қымбат-отбасы.Отбасына
кімдер жатады ?Күннің шағына мына сөздерді іліп қояйық.
Ата,ана,әке,әже,аға,апа,іні қарындастарымыз және өзіміз
жатамыз.
Өзіммен өзім.Ал енді Жайланып отырып, көзімізді
жұмып,өздеріңе ең жақын,сүйікті отбасы мүшелерін,өз үйлерін көз алдарына
елестетеді.Өз отбасылары туралы ең қымбат,ғажап сөздерді айтып,өз ойларын
бөліседі.
«Отбасы»туралы қандай тақпақтар естеріңе түсті.Ана,әке,әже
туралы тақпақтар айтқызу.
1 бала Мен гүлдерді жұлмаймын
Торғайларды қумаймын
Айтқан сқзді тыңдаймын
Анашымды сыйлаймын
2 бала Әкемізге еркелеп,
Анамызды тыңдаймыз.
Әжем айтар ертек көп,
Атамызға сыйлаймыз
3 Мені жақсы көреді,
Күндей күліп келеді.
Көп ертегі біледі,
Маған айтып береді.
4 Әке – асқар тау,
Ана – ағып жатқан бұлақ.
Бала – жағасындағы құрақ.
Сергіту сәті: «Қара жорға» әнін қосып отбасында қанша адам
ойынын ойнату.
Дәйек сөз «Отан отбасынан басталады»
Отбасы –ол үлкен қуаныш,шаттық,мейірімділік,
қамқорлық,сүйіспеншіліктің ортасы
Ойын: «Неге теңеймін». Балаларға күннің, айдың, бұлттың, алманың,
гүлдің суреттері таратылып беріледі. Оқушыларға «анаңды кімге теңейсің» деп
сұрағанда қолдарындағы суреттің біреуін көтереді. Сол сияқты атасын, әкесін,
ағасын т.б. айтылады.Балалар, енді ән орындап көңіл-күйімізді көтереміз.
Хор Бал балалық әнін
Аналарың сендерді қалай
еркелетеді.(Балапаным,еркетайым,ақылдым,жаным)
Қорытынды: Біз бүгін өзімізге ең жақын, ең қымбат
отбасымыз туралы әңгімеледік. Біз оларды жақсы көруді, сыйлауды, көмектесуді
үйрендік. Отбасы ең жақын адамдардың ошағы екенін білдік. Ойындар ойнадық.
Бүгінгі сабаққа өте жақсы қатысып, сұрақтарға жауап бере білдіңдер. Бәріміз бірге отбасымызға тілек
сөздер айтып, бүгінгі сабағымызды аяқтаймыз!
Оставьте свой комментарий
Авторизуйтесь, чтобы задавать вопросы.