Статья "Бала - балқытылған алтын"

«БАЛА – БАЛҚЫТЫЛҒАН АЛТЫН»

21 ғасыр жаңа технология заманы болғандықтан, бұл жаңа технологияға сай білім беру әдісі де жаңарып, оқыту технологиясы да жылдан жылға өзгеруде. Қазір мұғалімдерді де қағазбастылықтан арылту мақсатында, барлығын электронды жүйеге енгізуде. Осы жөнінде өз пікірмен бөлісетін, білім беруде 20 жылдық тәжірибесі бар, мектеп қабырғасында қызмет етіп келе жатқан №19 орта мектептің бастауыш сынып мұғалімі  Жаңабаева Ләззат  апай.

-          Болашақта үлкен азамат, өз ісіне жауапты, танымал тұлға болып қа­лыптасуымызға ең алдымен ата-ана ықпал етеді десек, олардан кейінгі кезек ұстаздарға келіп тіреле­ді. Ол үшін ұстаз білімді де білікті, теориясы мен тәжірбиесі қатар ұштасқан  маман  болуы керек. Ал қазіргі жас ұстаздар сол та­лапқа  сай  ма, қалай ойлайсыз?

-                 Біріншіден, мұғалім – білім беруші. Ол үшін мұғалім өзі де білімді болуы қажет. Ұстаздың қабілеті мен білімі жоғары болса, ол мұғалімге сұраныс қашанда жоғары болмақ. Екіншіден, мұғалім – шәкірт тәрбиешісі. Жасыратыны жоқ, қазірде тәр­биелемек түгілі, өзінің қара басын­ алып жүре алмайтындары жетерлік. Мектепке аяқ басқанда, балалар мен ата-аналар өздерінің қай мұғалімге оқитынын өздері шешуі тиіс. Ал қазір мұғалімдер баланы таң­дай­ды, таңдағанда да талабы мықты.­ Өкініштісі сол, ата-анасының атқар­атын қызметіне, материалдық жағдайына қарайтындар да кезігеді. Одан кейінгі мәселе – болашақ  мұғалімдердің  сырттай оқуы немесе қолы жетіп тұрған мемлекеттік грантқа түсе салуы. Сырттай оқыған жас маман  ұлттың  болашағы саналатын өскелең ұрпақ  бойына тә­лім-тәрбиені қалай сіңіреді? Сабақ беру методикасын өзі де толықтай меңгермеген жас маманның біліміне көпшіліктің көңілі толмайтыны жиі айтылып жүр. «Білімді жетік меңгерте алады­  ма?» деген сауал кімді де болсын  ойландырары  сөзсіз.

-          Жалпы апай, 20 жылдық тәжірибеңізге сүйене отырып, оқу мен оқытудағы жаңа тәсілдер модулін қалай пайдаланасыз, қалай жүзеге асырасыз? Сол жайында айтсаңыз. Және қазіргі балаларға қандай тәсілдер тиімді, сіздің ойыңызша?

-          Енді балалардың мектеп қабырғасында алатын білімінің ең маңызды дерлік кезеңі осы бастауыш сыныптарында алар білімі. Яғни біздің берер білім, тәрбиеміз. Қазіргі заман талабына сай болашақ ұрпақтың оқып білім алуын еліміз бірінші орынға қойып отыр.  Білім беру мен білім алудағы атқарылатын қарқынды жұмыс ұстаздарың еншісінде екені айтпаса да белгілі.  Осы орайда ұлы педагог Ушинскийдің  «Бала – балқытылған алтын» деген қанатты сөз бірден ойға түседі. Балаға қалай бағыт берсең, солай өседі. Сондықтан баланың бойында жақсы қасиеттердің болуына,  олардың жан- жақты дамуын, рухани  бай тұлға қалыптастыра білуіміз керек. Оқытудағы жаңа тәсілдерді пайдалана отырып, оқушы бойында өзіне деген сенімділік пен жауапкершіліктерді дамыту болып табылады

Оқыту мен оқудағы жаңа тәсілдер жекелеген құбылыс немесе дағды емес.  Осы іске тартылатын тетіктер мыналар: оқыту әдісін таңдау: жүйелі ойлауға үйрету; оқушының талантын зерттеу және анықтау;  сандық технологиялар саласындағы жоғары құзыреттілікті дамыту болып табылады.

Осы жаңа тәсілдерді қолдануда «диалогтік оқытудың маңызы» және «қалай оқу керектігін үйретуді» басшылыққа алдым. Оқыту мен оқудағы оқушы мен мұғалімнің арасындағы байланыс ол диалог арқылы болары сөзсіз. Осы диалогтік оқыту сабақ барысында тиімді қолданылғанда оқушылар өз ойларын, көзқарастарын білдіріп, еркін сөйлеуіне, дамуына көмектеседі

-          Ләззат апай, қазір осы заман талабына сай мектепте де «Е-Learning» яғни элетрондық журналмен жұмыс жасайтын көрінесіздер. Осы жайында бір-екі ауыз сөзіңіз

-          Иә, жалпы E - learning  бұл оқу және оқыту форматы, білім беру контенттерінің электрондық формасына электрондық құралдарды, компьютерді, ұялы телефонды, коммуникаторларды қолданып, білімді басқару жүйесі  және интерактивтік оқыту платформасына негізделген сабақ беру формаларының бірі дейді ғой, бірақ бұған қазір біз толықтай көше қойған жоқпыз. Дегенмен, болашақта барлығы бірте-бірте іске асатынына сенеміз.

-          Әрине. Айтып өткен электрондық жүйе бойынша оқушылардың бағаларын, сабақ жоспарларыңызды да осы порталға енгізіп отырады екенсіз, алайда сынып журналын, яғни қағаз түріндегі журналды да бірге қатар алып жүресіздер. Бұл сіздерге қиындық тудырмай ма?

-          Ия, дұрыс айтасың. Қағазды да, компьютерді де бірге алып жүреміз. Барлығын бірдей толтырамыз. Бастапқыда қиынға түсті әрине. Үлгермей деген сияқты. Бірақ кейіннен қалыпты жағдай болып кетті. Негізінде барлығы электронды түрге көшкенімен, қағаз жұмысы әлі де қалар емес.

-          Осы «E - learning » жүйесінің сізге қандай пайдасы тиіп жатыр? Қандай жақсы мүмкіндіктерін атап айта аласыз?

-          Енді, интернеттің аты интернет.  Баланың бағалары туралы ата - аналарға деректер беру; ата - аналарға баласының сабақта жоқтығы туралы мәлімдеме беру; сабақ кестесінің өзгерісі туралы деректер бере аласың; ата - аналар жиналысы туралы хабарландыру; мектепке ата - аналарын шақыру туралы хабарландыру; үйге берілген тапсырмаларды ата - ананың немесе оқушының электрондық поштасына жіберу деген сияқты; алдағы бақылау жұмыстары және емтихан туралы деректер беру; сосын жалпы хабарламаларды жіберу (мысалы, сабақтың болмауы); мәдени іс - шаралар туралы деректер беру. Жалпы осылар негізінен.

-          Сұхбатыңызға рахмет апай!

Сұхбаттасқан: Айтолқын Мендібева.