"Ұстаз-халық анасы" тәрбие сағаты 2 класс

Мерекелік  шара

Тақырыбы:   «Ұстаз  - халық   анасы»

Мақсаты:  Оқушыларға  ұстазды  құрметтеуге,  сыйлауға,  түсіне  білуге    тәрбиелеу.

Ұстаз  мамандығының  қыры  мен  сырларын  түсіндіру. Ұстаз  еңбегін  қашан  да  бағалай  білуге    үйрету.

Көрнекіліктері:  мақал-мәтелдер,  нақыл  сөздер, ұстаз  туралы  суреттер,  гүлдер,  шарлар.

Барысы:   І.Ұйымдастыру

«Ұстазым»  әні  орындалып  тұрады.Оқушылар  басын  иеді.Әнұран  орындалады.

Мұғалім: Құрметті  ұстаз  аналар,  ұстаз  ағалар! Бүгінгі  төл  мерекелеріңіз  баршаңызға  құтты  болсын.  Қиындығы  мен  қызығы  мол   мамандықта әрқашан  еңбектеріңіз  жана  берсін!  Шәкірттеріңіз  ең  биік  белестерден  көріне  берсін!

2 класс  оқушыларының  «Ұстаз- халық  анасы»  атты  мерекелік   шарамызды  бастауға  рұқсат  етіңіздер.

                        Ұстаз  болу  -  жүректің  батырлығы,

                       Ұстаз  болу  -  сезімнің  ақындығы.

                       Ұстаз  болу – мінездің  күн  шуағы,

                      Азбайтұғын - адамның   алтындығы.

Бағдат:    Сәлем  бердік  ұстаздар  баршаңызға,

                 Сіздерменен  тола  берсін  ортамызда.

                  Бүгінгі  ел  басқарған  азаматтар,

Білім  алған  сіздердің  арқаңызда.

Нұрберген:Бүгінгі  күн   құшақтарын  гүлге  толсын,

                   Дендеріңнің  саулығы  мықты  болсын.

                   Білімменен  суарған   шәкірттерің,

Төл  мерекең   ұстаздар  құтты  болсын.

Бағдат:  Ақырын  жүріп,  анық  бас

                     Еңбегің  кетпес  далаға.

Ұстаздық  еткен  жалықпас,

Үйретуден    балаға  - деп  ұлы   Абай  атамыз  айтуында  терең  мән-  мағына  жатыр.Шынында  да,  ұстаз  еңбегі  -  ұлы  да,  ұлағатты  еңбек  емес  пе?

Нұрберген: Армысыздар,  ардақты  ұстаздар.Бүгін  мұғалімдер  күні.Баршамыздың   сауатымызды  ашып,  білім  нәрімен  сусындатып,  өмірге  қанат  қақтырған  ұлағатты  ұстаздар,  төл     мерекелеріңіз  құтты  болсын!

Ендігі   кезекті  ұстаз  туралы  өлеңдерін  жолдаушы  оқушыларға  берейік.

Әсет:   Ұстаз  болған  баршаға,

            Ардақты  жандар  қаншама.

            Шәкіртің  күнде  қуансын,

             Шаршама  ұстаз  шаршама.

Ержан:   Ұстаздарым  екінші  анам  аялаған,

                Біздерден  бар  білімін  аямаған.

                Оқысын,  білім  алсын,  үйренсін  деп,

                Таңертең  күнде  құшақ  жаяды  алдан.

Бақдаулет: Үйретіп  өмір  ұстазым,

                    Үлгілі  іске  нұсқадың.

                    Ақкөңіл  іскер  қашанда,

Ақылшым  менің  ұстазым.

Хор:  «Ұстазым»  әні  орындалады.

Бағдат:   Ұстаздар  ұлттың  тірегі,

                 Ұстаздар  мектеп  жүрегі.

                  Ұрпаққа  жетер  ұстазбен,

                 Халықтың  ұлы  тілегі.         

Нұрберген:  Ұстаз  нұры  күн  нұрына  пара-пар,

                      Шәкірт  оның  әр  сөзінен   нәр  алар.

            Ізгілік  пен  мейірімге  толы  ол,

             Шуақ  болып  жүректерге  таралар.

        Нұртілек:  Ұлы  өмірге  жетелеп,

                          Ашып  білім  есігін.

                          Құрметте  мәпеле,

                           Ұстаздың  есімін.

Гүлнұр:  Ұстаз  деген  қасиетті  адам  бар,

                Біле  білсең  сенің  екі  анаң  бар.

                Бірі  сенің  -  туған  анаң   болса  егер,

                 Екінші  анаң  - ұстаз  деген  панаң  бар.

               Ұстаз  - ана  болашақтың  анасы,

              Ұстаз -  ана    ақыл  білім   анасы.

               Жүзіндегі  мейірімді  көргенде,

             Әр  шәкірттің  оянады  санасы.         

Ұстаз  аналарға  арналған  «Анашым»  әнін  қабыл  алыңыздар.

Нұржан:  Ақыл  құйған  санама,

                  Жеткізер  ол  данаға.

                  Білім  берген   біздерге,

                  Алғыс   айтамыз  сіздерге.

Барлығы  бірге: Ұстаздарға  мың  алғыс.

                  Шәкірттерін  баптаған

                  Ұстазыма  мақтанам.

                    Тәрбие  берген   біздерге,

                   Көп  рахмет  сіздерге.

Барлығы  бірге:  Ұстаздарға  мың  алғыс.   

Алтай:  О,Ұстаздар  басымды  ием  сіздерге,

              Күллі   әлемнің  мұғалімдер  күнінде.

               Жүрегімнің  лүпілінен  шыққан  сөз.

               Құшақ   жайып  өз  мерекең  қарсы  алды.

                Қуанышты  жарқын  тілек  білдіріп,

                Құттықтаймыз   ұстаздарым   баршаңды.

Дулат: Ұстаз  болам  өзіңдей,

             Болсыншы  деп  бала  шат.

             Аянбай  еңбек  етемін,

             Үйретер  ақыл  парасат.      

Тілеймін  саған  мол  бақыт,

Еңбегің  болсын  жемісті.

Тіліңізді    алап  әр  уақыт,

Тындырамын   көп  істі.

Ән:  Қошақаным:  Орындайтындар:  Қазанғап   Гүлнұр

                                                                Айдосқызы  Бағдат

Бағдат:   Мектеп  үйім,  ұстаздарым  ата-анам,

                Сеннен  өсіп,  сеннен   ғана  нәр  алам.

                 Сен  ыстық,  сен  мәуелі  бәйтерек.

               Тамырланып  сап  тарапқа  тараған.

Ұлағатты

сабырлы

талантты

 ақылды

зейінді    

Ұстаздарға    мың  алғыс.!

Енді  көгілдір  экранға   назар  аударайық.

Құрметті  ұстаздар: Ұстаздар  баршаңызды  төл  мерекелеріңізбен  құттықтаймыз.Дендеріңіз    сау  болсын,  еңбектеріңіз   жемісті  болсын.

«Айгөлек»  биі

Нұрберген:  Мұғалім  бәрінен  де  қымбат,  өйткені   мұғалім-  мектептің   жүрегі.               

                                                              Ы.   Алтынсарин.

Әсет:  Адамның   адамшылығы  жақсы  ұстаздан  болады.

                                                             А.Құнанбаев.

Нұржан: Ұстазыңды  атаңдай  сыйла.

Нұрберген:  Сен   өскенде  кім  болғың  келеді?

Гұлнұр:  Мұғалім  болғым  келеді.

Гүлнұр:  Ал,  сен  ше?

Нұрберген:  Ал,  ман  директор  болғым  келеді.

Гүлнұр:  Патшалық  құру  рақат,  ал

Ұстаздық  ету  бейнет.

Нұрберген: Бейнеттің  де,  зейнеті  бар  құрметті  ұстаздар!

                    Ұлағатты  ұстаздар  сіздерге  құрметпен  бас  иеміз.

Бағдат:  Мұғалім  зор  тұлға. Ол  күннің  сәулесі  іспеттес.Мен  ұстаздарымды  күннің  құдіретті  сәулесіне  теңеймін.

Барлығы  бірге: Құрметті  ұстаздар!  Оқушылардың  дайындаған   сый  құрметін  қабыл  алыңыздар.Мұғалімдерге  сыйлықтар  тапсырылады.    

Қорыту: Ендеше   құрметті  ұстаздар    өмірлеріңіз  ұзақ,  дендеріңіз  сау  болсын.

Ән:   «Ұстазым»  Орындайтын:  2 класс  жетекшісі:Ж.Жолмұратова