Пән: Қазақ тілі
Уақыт:2.09.2013 ж.
Сынып: 3 «б»
Пән мұғалімі: Мұхамбетова Ботагөз Жексенғалиқызы
Сабақтың тақырыбы: Сөз және оның мағынасы
Мақсаты: Сөз және
оның мағынасы туралы 2-сыныптағы алған білімін қайталау.
Міндеті:
1.Оқушылардың сөз мағынасы туралы 2-сыныпта алған білімдерін еске түсіре
отырып, жаттығулар орындау.
2.Тіл мен сөйлеу мәдениетін дамыту.Тақырыптар бойынша диалог
құрастырту.
3.Сыпайылыққа, әдептілікке тәрбиелеу.
Сабақ түрі: Жаңа сабақ
Сабақтың әдіс-тәсілдері: сұрақ-жауап, әңгімелесу, түсіндіру, көрнекілік,
ойын.
Сабақтың
көрнекіліктері: тірек сызбалар, мазмұнды суреттер
Сабақтың
барысы:
І. Ұйымдастыру
кезеңі: сабаққа даярлық.
ІІ Психологиялық
дайындық
Мақсат: Оқушылардың сабаққа деген ынта-ықыласын арттыру.
Қазақ тілім – өз тілім,
ана тілім,
Абай, Мұхтар сөйлеген дана
тілім.
Қастерлейді ұл-қызың мәңгі
сені
Болашағым, бақытым, дара
тілім.
(Ж. Молдағалиев)
ІІІ. Мақсат қою кезеңі: сабақтың тақырыбын,
мақсатын хабарлау.
ІҮ. Жаңа материалмен жұмыс:
Мақсат: Сөз және оның мағынасы туралы
2-сыныптағы алған білімін қайталау
а) өткенді еске түсіру. Сөз дегеніміз не?
Сөздің қандай мағыналарын білесің? ә) оқулықпен жұмыс. 1-жаттығу (тірек
сызба көмегімен сөз таптарын еске түсіру)
б)
дәптермен жұмыс. Күн ретін жазу.
Көркем жазу
Жақсы, жылы, түзу, бүлдіру, күлкілі.
• Осы сөздер қатарында қай сөз артық? Неліктен?
«Бүлдіру» сөзі артық, себебі ол қимылды білдіреді, яғни етістік. Ал қалғандары
сын есімдер.
• Осы сөздерге қарама - қарсы мағыналы сөздерді
тауып айт. Мысалы, жақсы - жаман, жылы - суық, түзу - қисық, бүлдіру - түзету,
күлкілі - қайғылы.
2. Бұл қандай сөздер?
• Мағынасы бір - біріне қарама - қарсы сөздер
(антонимдер)
• Мағынасы жуық сөздер ( синонимдер)
• Айтылуы да, жазылуы да бірдей, бірақ мағынасы
әртүрлі сөздер (омонимдер)
3. Оқулықпен жұмыс
2-жаттығу. Сөздерді оқу, ондағы ұқсастық пен
айырмашылықты бөліп көрсету, сөйлем құрау. Мысалы: Жазда аралар гүлдерден бал
жинайды. Айдостың ала сиыры жайылып жүр.
в) Сергіту
жаттығуы.
Мақсат: Оқушылардың ақыл-ой және дене белсенділігін арттыру.
Солға,солға түзу тұр,
Оңға,оңға түзу тұр.
Алға қарай бір адым,
Артқа қарай бір адым,
Жоғары,төмен қарайық,
Орнымызды табайық.
« Бір әріптің ізімен»
дидактикалық ойыны.
Ойынның шарты:
Берілген әріптермен және сөздермен сөйлем құрап айту
Жжж (жолдас), Ддд (дос), Ыыы (ылғалды), Сссс
(суық ), Ббб (бала), Ттт ( тоңу)
• Жолдасым желмен жарысты. Жарас жақсы жігіт.
• Досым допты домалатты.
• Суық сумен сүртіндім.
Өз бетімен жұмыс.
Сурет
бойынша сөйлем құрап жазу.
5-жаттығу Оқушылардың үстел жайында
білімдерін ауызша сұрау, суретпен жұмыс жүргізу.
ІҮ.Бекіту:
а)
6-жаттығудағы ақпаратты есте сақтап талдау.
ә)
Ойын «Кім тапқыр?»
Ойының шарты: оқушыларды 4 топқа бөліп, зат,
сын, сан есім, етістік бойынша сөздер айтқызу, сұрақ қою.
б) Жұмбақ
шешу
Жақыннан әкеп хабарды.
Ренжітер барлық адамды.
Алыстан әкеп хабарды,
Қуантар барлық адамды. ( жеделхат)
● Қарамен жазылған сөздерді қарама - қарсы
мағыналы сөздерді тап.
Жеңілдікпен аршылар,
Көзіңнен жас тамшылар.
Қиындықпен аршылар,
Көзіңнен жас тамшылар. ( пияз)
● Бес жолды өлең құрастыру
1. Пияз
2. Ащы, пайдалы.
3. Аршылады, ашытады, өседі.
4. Жуа
5. Аршыған кезде пияз көзді ашытады.
V. Қорытындылау. Дұрыс па, бұрыс па?
а) Дұрыс емес тұжырымды түзетіп айту, дұрыс
жауапты дәлелдеу
○ Мәндес сөздерді басқаша синоним деп атайды.
○ Қарама - қарсы мағыналы сөздер антоним деп
аталады.
• Жақсы, жаман - синоним сөздер
○ Сөздің мағыналық бөлігі түбір деп аталады.
○ Дауысты дыбыстар 2 - ге бөлінеді
-Балалар,
бүгін біз не үйрендік?
-Сөз
туралы не білеміз? Сөз мағынасына қарай қалай бөлінеді?
ҮІ. Үйге тапсырма: 3- жаттығу 5-бет.
ҮІІ. Оқушыларды бағалау
