Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Классному руководителю / Другие методич. материалы / Викторина "Сегіз қырлы, бір сырлы"

Викторина "Сегіз қырлы, бір сырлы"

  • Классному руководителю

Поделитесь материалом с коллегами:

Интеллектуалдық викторина

«Сегіз қырлы, бір сырлы»


Мақсаты :

1.Оқушылардың әр салада білімдерін кеңейту, білім деңгейін, шығармашылық ізденісін байқау. Жас ұрпақты тарихи-мәдени және рухани құндылықтарды бағалауға үйрету. Оқушыларға Қазақстан Республикасы әлемде ең алғашқы мемлекеттердің бірі болып сырттан келген басқа ұлт өкілдеріне алтын бесік болғандығын ұғындыру.

2. Басқа ұлт өкілдерінің мәдениетін, әдет-ғұрпын сыйлау,сұрақтарға толық жауап беру дағдысын қалыптастыру.Сөйлеу шеберлігін жетілдіру, белсенділігін арттыру.

3. Оқушыларды Қазақстандық патриотизмге, елін, жерін сүюге және халқын құрметтеуге тәрбиелеу. Оқушылардың бойына ұлттық рухты, патриоттық сезімдерді ұялату, ынтымақтыққа, достыққа, өз Отанын сүюге, қорғауға тәрбиелеу.

Көрнекі құралдар: суреттер, сұрақтар комьютер арқылы көрсетіледі.

Әдіс-тәсілдер: сұрақ-жауап.

Іс-шараның барысы.

І. Қатысушылармен танысу.

- Құрметті мұғалімдер, оқушылар! Бүгін біздің «Қазақстан халықтарының Ассамблеясына» арналған «Сегіз қырлы, бір сырлы» атты интеллектуалды викторинамызға қош келдіңіздер!

- Ең алдымен викторинаға қатысушылармен танысып өтейік.

(Викторинаға 6-7 «б» сынып оқушылары қатысады)

- Әділқазылар алқасымен таныстыру.

ІІ. Кіріспе сөз:

Еліміздің әрбір азаматы үшін ең қасиетті де, қастерлі мереке Қазақстан халқы Ассамблеясына 20 жыл толды. Аңсаған күнге қол жетіп, ақ түйенің қарны жарылған аса айтулы қуанышымыз құтты болсын! Бағасы теңдесіз достығымыз, татулығымыз мәңгі болсын!!!
Ғасырлар бойы азаттық аңсаған ата-бабалардың жолы азапты, тағдыры ауыр болғаны анық. Қазақ халқы талай зорлық, зобалаңды бастан кешірді. Ата-бабаларымыз «Азаттық ақ таңы атса екен, Тәуелсіздік келсе екен» деген армандары ХХ ғасырдың соңында келіп жетті. Ежелгі қазақ жерінде тәуелсіз Қазақстан мемлекеті бостандықтың көк туын желбіретті. Сол сәтте небір қиындықтарға қарамастан, бір шаңырақ астында өмір сүріп жатқан 140 ұлт өкілдерін бауырына басып, қанатының астына алды.
Қазақстан халқы Ассамблеясы – Қазақстан Республикасының Мемлекет басшысы жанындағы консультативті-кеңесші орган. Ассамблея қызметінің арқасында Қазақстанда этностық немесе діни ерекшелігіне қарамастан әрбір азаматтың Конституциямен кепілдік берілген азаматтық құқықтары мен еркіндігі толығымен қолданылатын келісімнің айрықша үлгісі қалыптасты. Қазақстанның көп этностық бай кеңістігінде сенім, келісім мен өзара түсіністік үлгісі орнады
Қазақстан – тарихи тағдыры ортақ этностардан құралған унитаралы мемлекет. Оларды ортақ құрылымның аясына біріктірудің сара жолы – Қазақстан халқы Ассамблеясын құру болды. Ассамблеяны құру идеясына Қазақстан қоғамының тарихи бастаулары алғышарт болды. Жаңа әрі теңдесі жоқ құрылымды іске асыру жұмыстары аймақтарда кіші ассамблеялар құрудан басталды. Қазақстан халқы Ассамблеясы қоғамды топтастырушы тетіктердің біріне айналды.

- Бүгінгі интеллектуалды викторина үш асудан тұрады

I асу – «Бәйге»

II асу – «Полиглот»

III асу – «Жорға»




ІІІ . Викторина барысы:

I асу – «Бәйге»

Дұрыс жауап берген әр оқушыға 5 ұпай беріледі.

Сұрақтар:

1) ҚР туының түсі? (көгілдір )

2) Қазақтың ұлттық сусыны? (қымыз )

3) Желтоқсан оқиғасы болған жыл? (1986 жылы)

4) Қазақ халқының тұрмыс үйі? (киіз үй)

5) Қазақстан Республикасы Тәуелсіздігін қашан жариялады? (1991 жылы 16 желтоқсанда)

6) «Дружба» сөзінің қазақшасы қалай? (достық)

7) ҚР ұлттық валютасы? (теңге)

8) Көктем мезгілінің екінші айы (сәуір)

9) Абайдың шын аты (Ибраһим)

10) Қазақтың ұлттық музыкалық аспабы (домбыра)



II асу – «Полиглот»

«Өнер алды – қызыл тіл». Мақал-мәтелдердің қалып қойған сөзін тауып, оны үш тілде айту.

1) Отанды сүю — …басталады. (отбасы-семья-family)

2) Отансыз адам — … бұлбұл. (ормансыз-лес-forest)

3) Ер қанаты — …(ат-лошадь-horse)

4) Ел көркі — …, өзен көркі – тал. (мал-животное-animal)

5) Ел құлағы …(елу-пятьдесят-fiffty)

6) Әкенің қадірін, балалы болғанда … (білесің-знать-to know)

7) Халық күші алып … (күш-сила-power)

8) Адал ұл ер боп туса … тілегі. (ел-страна-country)

9) Отан ... да ыстық. (от-огонь-fire)

10) Ер туса – елдің көркі,

Қыз туса — …көркі. (жер-земля-world)


I II асу – « Сөзжасам »
Қағаз бетіне берілген сөзден көп сөз құрау.

«Халықаралық »


Көрермендерге сұрақ:

1. Бала туғанда жасайтын той. (шілдехана)

2. «Тәуелсіз Қазақстан» сөз тіркесі қалай аударылады?

3. Қазіргі өмір талабына қойылатын үш тіл (қазақ, орыс, ағылщын)

4. Асар дегеніміз не?

5. Наурыз мерекесінің басты асы (наурыз көже)

6.Халқаралық тіл (ағылшын)

7. Үш байлық деген не?(денсаулық, ақ жаулық, он саулық)

8.Астана қаласының символы (Бәйтерек)

9.Наурыз көжеден ауыз тию қандай ұғымды білдіреді? (тоқшылық)

10. Қазақтың ішекті аспабы (домбыра)

11.Христиандардың ең басты мерекесі қалай аталады? (пасха)

12.Қазақ алфавитінде неше әріп бар? (42)

13.Қыран құсты баулып, аңға салатын адам? (құсбегі)

14.Үш арсыз (ұйқы, күлкі, тамақ)

15.Сүйекті пайдаланып ойнайтын ойын (ақсүйек)




Көрермендермен «Кім жылдам?» ойынын өткізу.

1. Табанынан тыз етіп
Жүрсе дағы сыз өтіп.
Күні - түні ерінбей
Үйді жүрер күзетіп. (Ит - собака)

2 Таңмен көзін ашады
Әлемге нұрын шашады (Күн - солнце)

3. Ат сабылтып алыстан
Борандатып жетеді,
Үш ай төрде қонақ боп
Аунап, қунап кетеді (Қыс - зима)

4. Менің үш көзім бар
Бір көзім: «Кідір!» дейді
Бір көзім: «Жүгір!» дейді
Бір көзім: «Абайла!» дейді
«Қарап ал, маңайға!» дейді (Бағдаршам - светофор)

5. Еркін самғап ұшсын деп
Мәпелейміз баптаймыз
Бейбітшілік құсы деп
Қайсы құсты мақтаймыз? (Көгершін - голуб)

6. Сөзі дана, үні жоқ,
Сөйлемейді тілі жоқ
Қолыңа алсаң шешен
Ақылы асқан көсем. (Кітап – книга)


- Әділқазылар алқасына сөз беріледі.


ІV. Қорытынды сөз:

Қазақстан Республикасында қазіргі таңда 140 ұлт пен ұлыс өкілі мекендейді. Тарих көшінің белгілі бір кезеңінде тағдыр тауқыметін арқалап, солақай саясаттың құрбанына айналып, елімізге келіп қоныстанған ұлттар мен ұлыстар үшін қазақ жері киелі алтын бесікке айналды.

Қазіргі заман тарихының жылнамасы Президент Н.Ә. Назарбаев өзінің күнделікті қызметінде Қазақстан халқы Ассамблеясына ерекше көңіл бөліп отыратындығын дәлелдейді. Күллі Қазақстан халқы мен еліміздегі әрбір этностың болашағы – Қазақстан халқы Ассамблеясы үшін зор жауапкершілік. Сондықтан да Еліміздің өркендеуіне өз үлесімізді қосайық.

Жұпар шашқан гүлімнің
Жаңа ашылған күні - бұл.
Менің ана тілімнің
Бағы ашылған күні - бұл.
Дүбірлетсін өңірді
Дүбірлесін дүлділі.
Қазақ деген елімнің
Құтты болсын бұл – күні!


Выберите курс повышения квалификации со скидкой 50%:

Автор
Дата добавления 21.11.2015
Раздел Классному руководителю
Подраздел Другие методич. материалы
Просмотров493
Номер материала ДВ-176534
Получить свидетельство о публикации

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх