Менің бүгінгі сабағым
өзімнің көңіліме қонымды болды. Өйткені сабақ өзіме де, қатысушыларға да
ұнады.
Кіріспе бөлімі: Мен сабағымды
оқушылармен амандасудан бастадым. Оқушыларды топқа бөлерде өткен тақырыптарды
сұрай отырып, бір сергітіп алдым. Осы әдісім сәтті шықты деген ойдамын.
Өйткені топқа бөлу үшін оқушыларға қиылған қағаздарға тас дәуірі бойынша: синантроп,
питекантроп, микролит, керамика, епті адам, неандерталь сөздерді бердім.
Ал қола дәуіріне қатысты: мыс пен қалайы, Ә. Марғұлан, Беғазы –Дәндібай,
Ачинск, Атасу, сырғауыл сөздерін берген болатынмын. Оқушылар осы сөздерді
кезеңдеріне қарай топтастыру арқылы екі топқа бөлініп, берілген сөздердің
мағынасын ашып түсіндіруге тиісті болды. Және де оқушыларым бұл тапсырманы
өте жақсы орындап, екі топқа дұрыс бөлініп қана қоймай, барлығы да өз
тапсырмаларына дұрыс жауап берді. Мен оқушыларымды орындарына отырғызып, «Темір
дәуірі» деп аталатын сөзжұмбақ шешкіздім. Сөзжұмбақ шешкізу сәтім сәтсіз
шықты, өйткені оқушыларым 3 сұраққа жауап бере алмады.
Тұсаукесер бөлімі: «Ойлан, жұптас, талқыла» әдісімен ой қозғау
мақсатында «Сыма Цянь» деген сөзді интерактивті тақтадан көрсетіп, ол
туралы не білесіңдер? - деп, оқушыларыма ой салдым. Осы әдісім сәтті шықты.
Себебі, «Тас дәуірі» тобындағы оқушыларым Сыма цянь – тарихшы, елші деп жауап
берсе, «Қола дәуірі тобындағы оқушыларым: Сыма Цянь - тарихшы. Ол Үйсіндер туралы
өз еңбектерінде жазып қалдырған деп ұтымды жауап берді. Осы тұста мен :
-Олай болса, балалар,
бүгінгі сабағымыздың тақырыбы: «Үйсін мемлекеті,
шаруашылығы, әлеуметтік – саяси таралуы, мәдениеті» - деп интерактивті
тақтадан сабақтың тақырыбын ашып көрсеттім. Интерактивті тақтадан
үйсіндердің картасын көрсетіп өттім.
Негізгі
бөлімі: Жаңа тақырыпқа қатысты ресурпен танысуға
уақыт бердім. Уақыттары аяқталған соң әр топқа түрлі тапсырмалар тараттым. І.
Тапсырмалар: «Тас дәуірі» тобына «Терминдермен жұмыс».
«Қола дәуірі» тобына «Сандар сөйлейді». Хронологиялық кестені толтыру. Бұл тапсырманы орындауда «Тас
дәуірі» тобы алда болды, әрі барлығын дұрыс орындады. «Қола дәуірі» тобы
бір сұрақтың жауабын таба алмады.
ІІ тапсырма: «Тас дәуірі» тобына
«Сәйкестендіру кестесін», «Қола дәуірі» тобына «5 минуттық эссе жазу .
«Тас дәуірі» тобы өз тапсырмаларынан екі
қате жіберді. Ал, «Қола дәуірі» тобы өздеріне берілген тапсырманы орындап,
топ ішінен екі жақсы деп таңдаған эссені оқыды. Оқушым Айнұр өз эссесін былай
деп жазған:
Тақырыбы: «Жер жаннаты Жетісу жерін
мекендеген – үйсіндер»
Үйсіндер - киелі, жер жаннаты Жетісу жерін
мекендеді. Қытай тарихшысы Сыма Цяньның деректеріне сүйенсек Іле өзенінің
жағасын мекендеген. Үйсіндер ақсақалдардй құрмет тұтқан. Жалпы, ақсақал сөзі
ерте кезеңнен қазіргі кезеңге дейінгі ешқандай мәнін жоғалтпаған, қастерлі,
сый – құрметке ие сөз. Ақсақалдар -салт –дәстүрді сақтап, жаскелең ұрпақтарға
жеткізетін өкіл. Үйсіндерде де өздеріне тән салт –дәстүрлері, діни ұғымдары,
зерттеу барысында табылған құрал- саймандардан, зергерлік бұйымдардан көрініс
табады.
Негізгі бөлімде ұтымды шыққан
әдісім: ол оқушыларға берген «Бес минуттық эссе»
Қорытынды бөлім: Дарынды оқушымның
қабілетін ашу мақсатында мен өз сабағымда «Ыстық орындық» әдісін қолдандым.
Оқушыларға ортаға кімді шығырып, сұрақ қоямыз? Дегенімде барлығы бір ауыздан
Айнұрды деп жауап берген болатын. Айнұр сыныптастары қойған сұрақтарға
мүдірмей жауап берді. Бұл әдісті қолдануым да өте тиімді болды деп
есептеймін.
ІІ топқа сақтар мен
үйсіндерді салыстыруға «Венн диаграммасын» интерактивті тақтадан орындатуға
бердім. Екі топта белсенділік танытып, тапсырманы өте жақсы орындады.
Бағалау: мен бүгінгі сабағымда
бағалаудың екі түрін қолдандым. 1. Бармақпен бағалау эссе жазу барысында
қолдандым. 2. Блоб ағашымен бағалау. Бағалау барысында оқушылырым бір –бірін,
өздерін әділ бағалады.
Сабақтың соңында
оқушыларыма бүгінгі сабақтан алған әсерін анықтау үшін, кері байланыс парағын
тараттым. Оқушыларымның рефлексиясы:
Қуандық: «Сабақ
маған ұнады. Себебі, үйсіндер туралы көп мәлімет алдым. Сабақта қиындықтар
болмады».
Айнұр: «Сабақ
маған өте ұнады. Өйткені үйсіндер туралы көп мәлімет алдым және жарыс сабақ
түрінде өткені мені қатты қызықтырды. Сабақта маған қиындық туғызған сәт
немесе кедергі ол мұғалімдердің шамадан тыс көп болғаны. Бұл кедергіні мен
біртіндеп еңсердім».
Ақсұңқар: «Бүгінгі
сабақ өте жақсы өтті. Маған өте ұнады. Себебі, көп нәрселерді есімде
сақтадым. Топпен жұмыс жасадым. Маған қиындық тудырған сәт, ол –эссе жазу.
Мен бұл қиындықты топтың көмегімен еңсердім».
|
Оставьте свой комментарий
Авторизуйтесь, чтобы задавать вопросы.