Зат есім қазақ тілі 2-сынып

Зат есім

    Тотиева  Х.С бастауыш  мұғалімі

      Шығыс  Қазақстан   облысы,     Бородулиха ауданы 

                 «Андроновка бастауыш мектебі »КММ

Сабақтың тақырыбы: Зат есім.
Сабақтың мақсаты:
1. Оқушыларға зат есім жайлы түсінік бере отырып, сұрақтар қоя білуге үйрету.
2. Жаңа технология элементтерін пайдалана отырып шығармашылық қабілеттерін дамыту.
3. Сауатты, көркем жазуға, өзара ынтымақтастыққа, шапшаң ойлай білуге баулу.
Көрнекі- құралдар: Компьютер, Microsoft PowerPoint презентациясы, дидактикалық материалдар, тест, шығармашылық тапсырмалар.
Сабақтың түрі: жаңа сабақ.
Сабақтың әдісі: жұптық әдіс, өз бетімен жұмыс.
 Сабақтың барысы:
I. Ұйымдастыру кезеңі.
1) Психологиялық дайындық
Қазақ тілі – бал тілім.
Өзің барда шалқыдым.
Тілімнен нәр табармын,
Тіліме кім тағар мін.-деп,қазақ тілі сабағын бастаймыз.
Үй жұмысын тексеру:
- Оқушылар үйге қандай тапсырма берілді?
- Қане, кім айтады?
Үй жұмысын бекіту:
- Егіншілер сөзінің түбірін тап?
- Түбір сөздерге қосымша жалғанғанда көбінесе сөздің түбірі не істейді?
- Балалар сөзіндегі – лар жұрнақ па?
әлде жалғау ма?
- Қазақ тілінде қанша сөз табы бар?


Жаңа сабақ
Сөз таптары
Зат есім Сын есім
Етістік Сан есім
Зат есім дегеніміз - заттың атын білдіретін сөзді айтамыз.
Сұрақтары: Кім?Кімдер?Не?Нелер?
Мысалы: Айдос ойнады
Оқулықпен жұмыс:
1- жаттығу Сөзжұмбақ

2-жаттығу
Құмырадағы су
Қарғаның су ішкісі келді. Қорада су құйылған құмыра тұр еді. Құмырадағы су орта болатын. Қарғаның суға тұмсығы жетпеді.
Ол енді тұмсығымен құмыраға ұсақ тастар тастай бастады. Бір кезде су көтеріліп, ішуге жарады.
Суретпен жұмыс

3-жаттығу
Адамдар: кім? Нағашы, ақын, ата, ана
Өсімдіктер: не? Түймедағы, жусан, қызғалдақ
Құстар: не? Бүркіт, аққу, сауысқан

Балықтар: не? Сазан, жайын,
Аңдар: не? Жолбарыс, қасқыр, түлкі
Еңбек құралдары: не? егеу, балта, балға
Көлік: не? Автобус, трамвай, машина
Тез ойла
Сөздерге -ші жұрнағын жалғап жаз. Сонда қандай сұрақ қойылады?

4-жаттығу
Кім? Кімдер?
Балалар,іні,әпке,аға
Не? Нелер?
Ойыншықтар,машина, арба,шана,тақта,ат,тақпақ
Семантикалық картамен жұмыс
Заттың атын білдіретін сөздер Кім? Не?
Дәрігер
Дала
Оқушы
Кеме
Биші
Өзен
Зейнеткер

Венн диаграмма:
Зат есім Ұқсастығы Бастауыш
Сөз табы сұрақтары бірдей сөйлем мүшесі
Сабақты бекіту:
Қысқаша тест
1.Зат есім дегеніміз не?
А)Заттың атын білдіреді
ә)заттың сынын білдіреді
2. Зат есімнің сұрақтары?
А)Кім? Кімдер?
ә)кімнің? Ненің
3. Асан ойнады .Сөйлемнен зат есімді тап
а)ойнады
ә)Асан
Қорытынды:

 - Балалар , бүгінгі сабағымызды қорыта келгенде, нәтижесінде оған бәрің де өз үлестеріңді қостыңдар.
Балалар сабағымызды Мұзафар Әлімбаевтың өлеңімен аяқтайыншы.
Кіршіксіз қардай сақтаңдар,
Қазақтың тілін ғаламат.
Ана тіл- арым ,иманым,
Аманат, саған аманат

Үй жұмысы; 5- жаттығу

Бағалау; мадақтау