4-сыныптарға арналған "Әдебиеттік оқу" пәні

Педагогтің аты-жөні
Қала/ Мектеп
Пән		Әдебиеттік оқу
Сынып:		4
Сабақтың тақырыбы		Атакәсіп
Оқу бағдарламасына сәйкес оқыту мақсаттары		4.2.6.1 кейіпкердің, кейіпкерлердің іс-әрекеті, мінезқұлқының өзгеру себептерін мәтіннен тауып, салыстырып бағалау
Сабақтың мақсаты		мәтіннен кейіпкерлердің іс-әрекеті мен мінез-құлқының өзгеру себептерін тауып, баға беру;
Сабақтың барысы.
Сабақтың кезең уақыт	Педагогтің әрекеті		Оқушының әрекеті		Бағалау	Ресурстар
Басы	Сабақтың тақырыбы мен мақсаты атылады. Анықта Оқып, бұл кәсіптер қандай мамандыққа айналғанын анықтаңдар. Адам қажеттіліктен еңбек етеді, отбасын, өзін асырайды. Соқамен жер жыртады, егін егеді. Малды көлік ретінде, өнімдерін киім, тағам үшін өңдеп тұтынады. Қайық, кеме жасайды, балық аулайды. Ағаштан баспана салып, тастан, кірпіштен сәнді сарайлар тұрғызады. Осы кәсіптер мамандыққа негіз болады.		Жаңа сабаққа назар аудару. Оқушылар сұраққа жауап береді, жұмысты берілген түріне қарай орындайды.		Жарайсың!	1-слайд
Ортасы	Қаламгермен таныс бол! Сөздікпен жұмыс Атакәсіп –үйреншікті шаруа, бұрыннан білетін іс		Жұмыс дәптеріндегі жазылым тапсырмаларын орындау			2-слайд
	Күріш туралы сыр Үзіндіні оқы. Ақ күріштің атасы кім? Ақ күріштің атасы – Ыбырай Жақаевтың ізбасар інілері де бар. Соның бірі – Мақсұт Нұрылдаев. Ол бала кезінде әкесінің аузынан мынандай бір аңыз естіген екен.         Баяғыда Сыр өңірі ырысты өлке болыпты. Ақ күріш жайқала өсіп, қамба астыққа толыпты. Халықтың қуанышы Сырдария өзеніндей тасыған кез екен. Ауылдағы күріш егетін жалғыз қарт кәрілік жеңіп, төсек тартып жатып қалыпты.  Сөздікпен жұмыс Ырысты өлке – астықтан мол өнім беретін өлке		Сұраққа жауап береді. Ж: Ыбырай Жақаев		Тамаша!	3-4-слайд
	Үзіндіні оқы. Ақсақалды қарияның неліктен назаланды? Сонда әлгі ақсақал ауылдастарын жиып алып: –Жарандар, асарымды асап, жасарымды жасадым. «Ас – адамның арқауы» деген ғой, ол еңбекпен табылады. Арқауы бос арқан үзілгіш келетінін ұмытпаңдар. Көктем болса, мынау, келіп қалды. Егін егу қажет. Кетпен ұстар кім бар? Көзімнің тірісінде қасиетті кетпенімді өз қолыммен табыс етейін. Елін асырар ер қайда, қайсың барсың?-депті.      Жиылған жұрт үн-түнсіз. Қарттар жастарға, жастар ақсақалдарға қарайды. - «Сыр өңірі қамысты келеді, Сыр перзенті намысты келеді», – деуші еді аталарымыз. Намыссыздар ғана қалғаны ма, түге? Бұларың қалай? Кім бар менің қолымнан кетпенді алар?		Дұрыс жауапты айтады.  Ж: Жиылған жұрт қолдарына кетпен алып, еңбек етуге тырыспады.		Өте жақсы жауап!	5-6-слайд
	Шығармадағы кейіпкерлердің әрекетіне сенің көзқарасың қандай? Тіс жарып сөйлеген тірі жан болмайды. Қарт диқан теріс қарай аунап түседі де мәңгілікке көз жұмады.     Көктем өтеді, жаз өтеді. Қыс қаһарына мінген шақта қамбадағы ақ күріш те таусылады. Ала жаздай атқа мініп, көкпар шапқанына мәз боп жүрген көпшілік не істерін білмей, қатты күйзеледі.         «Ақымақтың ақылы түстен кейін енеді» дегендей, бәрі де бармағын тістеп, диқан атаның тілін алмағанына өкінеді. «Енді жаз шықса, бәріміз де күріш егейік», – деп келіседі.		Өз ойын, сезімін, көзқарасын,пікір білдіреді. Берілген тапсырмаларды орындайды. Сұрақтарға жауап беріп, өз пікірін дәлелдейді.		Тамаша!	7-8-слайд
	Үзіндіні оқы. Мақсұттың мамандық таңдауына не әсер етуі мүмкін?   Әкесі осы жерге келгенде Мақсұт: -Әке, мен де күрішші боламын!-деді алысқа қарап. Содан бері көп жыл өтті. Баяғы ертегінің әсері ме, өзінің таңдағаны ма, -әйтеуір, Мақсұт агрономдық білім алып шықты. Талай жыл диқандардың күріштен мол өнім алуына көмектесіп, тапқырлығымен, еңбекқорлығымен елін сүйсіндірді. Сөздікпен жұмыс Агроном –ауылшаруашылық маманы		Дұрыс жауапты таңдайды. Ж: Әкесінен естіген аңыз әсер етті.		Жарайсың балақай!	9-10-слайд
Соңы	Жаңа білім мен тәжірибені қолдану. Басты кейіпкер туралы ақпарат: Білгенге маржан.		Жұмыс дәптеріндегі жазылым тапсырмаларын орындау			11-12-слайд
Кері байланыс	Бүгінгі сабақта: •      кейіпкерлердің іс-әрекетін, мінез-құлқының өзгеру себептерін мәтіннен тауып,  салыстырып бағаладың; •      өз ойыңды, пікіріңді, көзқарасыңды білдірдің.		Не білдім? Не үйрендім?			13-слайд