Тақырыбы: «Ана тілім-айбыным» өлеңді мәнерлеп оқу сайысы.
Мақсаты:
а) Ана
тіліне деген сүйіспеншілігін арттыру, тілдің қоғамдық - әлеуметтік қызметін
таныстыру, тіл мерейін көтеру;
ә) Ойлау, шығармашылық қабілеттерін дамыту, шешендік сөздердің мән - мағынасын
түсіндіріп, бойларына сіңіру;
б) Ізденімпаздыққа, шешендікке, ізгілікке тәрбиелеу, ана тілін қастерлеуге
баулу
Жүргізуші: Құрметті
тәрбиешілер, ата - аналар. «Айгөлек» ясли бақшасында 22 қыркүйек Тіл
мерекесі апталығы ұйымдастырылған болатын. Сол апталықтың аясында өткелі
отырған бүгінгі жас мамандар арасында «Ана тілім-айбыным» өлеңді мәнерлеп оқу сайысына қош келдіңіздер.
Ұстаздық
жүрек қалауымен таңдап, жоғары және арнаулы оқу орындарын ойдағыдай
аяқтап, ортамызға келіп еңбек жолын жаңа ғана бастап жатқан жас
мамандарға қадамдарың құтты, еңбек жолдарың сәтті болсын деген тілек
білдіреміз.
Жүргізуші: «Жас
маман деген кім?»
Ж - жігерлі
А - алғыр
С - сұлу да
сымбатты
М - мақсаткер
А - айтқанды
екі етпейтін
М - мінезі
жайсаң
А - арманшыл
Н - насихатты
тез қабылдайтын жас мамандарды ортаға шақырамыз.
Жүргізуші: Сайысымызды
бастамас бұрын сайыскерлерге әділ төрелігін айтатын әділ қазылар алқасымен
танысайық.
1.
Құрманбекова Л.С
2.
Букенова Зоя
3.
Қартбаева К.Қ
Сайысымыз 3 кезеңнен тұрады
1.
Таныстыру,
2.
Мәнерлеп оқу
3. Өз
өнері
І
- кезең. Таныстыру
Бүгінде озық- дәстүр, салт-сананы
Берік ұстап, сүйетін от панасын.
Ұстаздар кетсін өзін таныстырып.
Қуантып жолдас-жора, құрдастарын - деп сайысымыздың бірінші шарты, ата салтымыздан қалыптастып
қалған «Сәлем- сөздің басы» дегендей сайыскерлереміз өздерін-өзі
таныстыруға кезек берейік.
ІІ
- кезең. Мәнерлеп
оқу
Кейінгі ұрпақ жырларын жаттап қанықты,
Үлгі тұтып бәйтеректей сан алыпты.
Көкірегі ояу, сезімді ұрпақ, қайдасың,
Өлеңдер оқып, өзіңді - өзің танытшы!- деп, келесі кезекте тіл туралы өлеңдерді
мәнерлеп оқу сайысына береміз.
ІІІ - кезең.
«Өнерлі тәрбиеші»
Қане достар пікірлесіп қарайық,
Қилы-қилы ойды ортаға салайық.
Сан-салалы асыл ойлар тоғысып,
Толғандырған жайды шешіп алайық.
Талас тусын жарқын ойлар жарқылдап,
Шағылыссын найзағайдай шартылдап.
Бойда қайрат, алда арман шақырған,
Қолдан әсем жалын атқан жастық шақ- дегендей сайысымыздың келесі турын
бастайық. Ол«Өнерлі тәрбиеші» деп аталады. Бұл турда тәрбиешілер өз өнерлерін көрсетеді. Оған ешқандай шек қойылып тақырып берілген
жоқ. Қандай өнер иесі екенін қазір білетін боламыз. Ендеше өнерге
кезек берейік.
Жүргізуші:
Ана
тілім-тірегім
Ана тілім
– жүрегім.
Қасиетті
елімнің
Тек өзің деп білемін.
Осымен құрметті қонақтар тіл
мерекесіне арналған сайысымызды аяқтаймыз.
Баршаңызға рахмет!
Оставьте свой комментарий
Авторизуйтесь, чтобы задавать вопросы.