Ашық сабақ "Дыбыс пен әріп"

«Двуречный орта мектебі»ММ

Ашық сабақ

(Дыбыс пен әріп)

Дайындаған және өткізген: Байназарова А.М

2015-2016 оқу жылы

Сынып: 1 «А»                                                           Ана тілі

Күні: 29.01.16

Сабақ № 21

Сабақтың тақырыбы: «Дыбыс пен  әріп»
Сабақтың мақсаты:

1. Дыбыстар және әріптер туралы  алған білімін еске түсіру, қайталау дауысты және дауыссыз дыбыстар айтылу ерекшелігіне қарай пысықтау;
2. Әр түрлі тапсырмалар орындату арқылы оқушылардың шығармашылығын дамыту;
3. Топпен жұмыстар арқылы ұйымшылдыққа, бірін - бірі тыңдай білуге тәрбиелеу.

Қоданылған әдіс-тәсілдер:қызығшылықты ояту,синквейн,сұрақ-жауап.
Көрнекілігі:тапсырмалар,жемістер суреті, СТО семантикалық карта,фишкалар.

Сабақ түрі:қайталау сабақ
Оқу нәтижесі:

Топ арасындағы ынтымақтастыққа үйренеді

Пән  аралық байланыс:әдебиет,дүниетану.

Сабақ барысы:

І.Ұйымдастыру кезеңі

Амандасу

ІІ.Психологиялық ахуал орнату:

Шеңбер болып тұрайық жылы жүзбен,

Бізге келсін қуаныш нұр іздеген.

Шуақталған жанымыз,жүрегіміз,

Үлгі алсын көрген жан мына бізден.

Оқушыларды шеңберге тұрғызып  қолдарындағы күнді бір-біріне беріп жылы ілебіздерін айтқызу.

ІІІ.Үй тапсырмасын тексеру: (7 минут)

-Үйге «Темірағаш» мәтіні берілген. Мәтіннің мазмұнын сұрау.

-СТО семантикалық карта.

Мәтін желісі Аты	Тіршілік ортасы		Өседі		Жергілікті атауы		Сипаты
	жер	өзен	Қазақ-станда	Кав- казда	Демир- ағаш	Қара- ағаш	Тастай қатты	жұмсақ
Темірағаш

ІҮ.Қызығушылықты ояту (3 минут)

-Балалар мен сендермен жаңа сабақ бастамас бұрын қолымыздағы алған түрлі –түсті фишкамыздың бет жағында әріптер жазылған. Сендер сол әріптерден сөз құрауларың керек.

-Балалар қане қандай сөз құрадыңдар,көрейік (дыбыс пен әріп). Демек бүгінгі біздің өтетін тақырыбымыз «Дыбыс пен әріп» тақырыбын қайталайды екенбіз.

Ү.Танымдық-операционалдық кезең:

Сабақтың мақсатын хабарлау. Бізге бұл тақырып таныс. Олай болса алған білімдерімізді еске түсірейік. Мына тақтада жемістер салынған себет тұр. Осы жемістердегі сұрақтарға жауап берелік.

1.Дыбыстар мен әріп жайлы не білесің?

2.Сөйлеу не үшін керек?

3.Дыбыстар нешеге бөлінеді? Ата                    

4.Жуан және жіңішке айтылатын сөздер дегеніміз не?

5.Сөйлеудің қандай түрлері бар?

6.Сөз және сөйлем неден құралады?

ҮІ.Дәптермен жұмыс:

-Бүгін сабақта әр түрлі тапсырмалар орындау арқылы білімімізді одан әрі жетілдіреміз. Енді бәріміз дәптерлеріңді ашып,бүгінгі күн ретін жазыңдар. Бүгінгі кезекші әрпіміз-И и.

Кім жылдам? Жұппен жұмыс.

Отан,ар,ана,ақыл,дана,ұят,намыс,ес,жер,қоян,ою,шахтёр сөздері беріледі.

Шарты: осы сөздерді алдарындағы бағандарға дыбыс санына қарай топтау ұсынылады.

ҮІІ.Сергіту сәті:

Би қимылдарын жасау «Ұлытау Жұмыр қылыш»

Ізденіс:

1.Берілген буындардан сөздер құрап оқыңдар.

Са-бақ, қа-лам, кі-тап, дәп-тер, су-рет,тақ-та.

-Әр сөзде неше дыбыс,неше әріп бар?

2.Дыбыстық талдау жасаңдар.

Боран               қырау                         шана

3.Сөздерді Әліпби ретімен жазыңдар.

Түлкі, сүт, ұя, ыдыс, дәптер, нан, көбелек, ине, теңге, ою.
Сергіту сәті

(Саусақтарға жаттығу)

Оң қолымда бес саусақ,

Сол қолымда бес саусақ

Бесті беске қосқанда

Болады сонда он саусақ

ҮІІІ.Сабақты бекіту:

Дыбыс сөзіне синквейн жазу тапсырылады.

Зат есім:Дыбыс

Сын есім:Жағымды,әуезді

Етістік:Жаңғырады,сыңғырлайды,естіледі

Сөйлем:Дыбыс өкпеден кедергісіз шығады.

Синоним:Дауыс

Рефлексия: «Бес саусақ» қағазға алақандарын басып салып,әр саусаққа сабақтағы жасаған жұмыстарды жазу тапсырылады.

ІХ.Бағалау:  Сабақтың алдында тақтаға бағалау парағын іліп қою. Әр оқушыға орындаған тапсырмасына бір-бірден сызық қойып отырып сабақ соңында санау.

Аты-жөні	Үй жұмысы	Сұрақ-жауап	Кім жылдам?	Ізденіс	Синквейн	Бағалау
Алпысов Б
Бурткумбай М
Бурткумбаев Н

Х.Үйге тапсырма: Ережелерді қайталау