26.02.2015. 3- сынып Қазақ тілі
Тақырыбы: Етістік
Сабақтың мақсаты:
Оқушылардың етістік туралы білімдерін тиянақтау.
Ойлау ,есте сақтау қабілеттерін, ,сауатты да көркем жазу дағдыларын дамыту;
Елжандылыққа, еңбекке, табандылыққа , білімді сүюге тәрбиелеу.
Сабақтың әдіс-тәсілдері:сұрақ-жауап,ойын, іздену, жаттығу, талдау,жинақтау , С Т О ,таным белсенділіктерін арттыру.
Сабақтың көрнекіліктері: суреттер , электронды оқулық,қима қағаздар, топ атаулары , ойын атаулары т.б.
Сабақтың типі :білімді тиянақтау
Сабақтың түрі: дәстүрлі
Сабақты оқытудың формалары: ұжымдық, топтық, жеке
Сабақтың барысы:
І. Ұйымдастыру кезеңі: сабаққа даярлық:
Мұғалім:
Біз қандаймыз?
Оқушылар:
Біз сыпайымыз,әрдайым ізеттілікті сақтап жүреміз. Біз елімізге, жерімізге, қонақтарға ,туыстарға тек қана жақсылық тілейміз.
Мұғалім:
Қазір қай сабақ?
Оқушылар:
Қазақ т ілі.
Мұғалім:
Ендеше, «Қазақ тілі » туралы өлеңімізді оқып жіберейік.
Оқушылар:
Қазақ тілім,өз тілім ,ана тілім,
Абай , Мұхтар сөйлеген дана тілім.
Қастерлейді ұл-қызың мәңгі сені,
Болашағым, бақытым, дара тілім !
ІІ. Үй тапсырмасын тексеру 10-жаттығу, 165-бет.
ІІІ.Мақсат қою:
Қай сөз табын өттік?
Етістікті. Ендеше , бүгінгі сабақта етістік туралы білім алуды жалғастырамыз.
ІҮ.Жан-жақты білімдерін тексеру:
Ойын: «Көбелекті өз гүліне қондыр»
12-жаттығу.
Жыршы жыр айтты. Ақын өлең жазды. Дәрігер ауруларды емдеді. Мұғалім балаларды оқытты. Сауыншы сиыр сауды.
Ү. Өтілген материалмен жұмыс:
А) оқулықпен жұмыс, дәптермен жұмыс. Күн ретін жазу.
Көркем жазу.
Тт әрпі Тар Тор Тағала
Торғай тоғайды ұнатады,
Тоғай торғайды қуантады.
Ә ) 14-жаттығу.
Суретте не бейнеленген? Қарлығаш не істеп жүр? Балапандар қайда отыр? т.б. сұрақтар қойып, оқушыларға әңгіме құрастыруып жаздыру. Әңгімедегі етістіктерді тауып, астын сыздыру.
Б)15-жаттығу- ертегіні оқу, ары қарай жалғастыру, кестені толтыру:
Дара етістік
Күрделі етістік
кездестіреді, тұр
Ұстап алады, жүгіре жөнеледі, зымырап жетеді.
Сергіту сәті
В) Топпен жұмыс: 1,2,3,4 сандарына санату арқылы алдын-ала топтарға бөліп қоям:
1-топ: «Абылай хан »
2-топ: «Керей хан»
3-топ: «Тәуке хан»
4-топ: «Қасым хан»
Топ жетекшілері топтарын неге бұлай атағандықтары туралы түсінік береді:
1-топ жетекшісі:
Біз тобымызды «Абылай хан» тобы деп атадық. Өйткені биыл еліміз қазақ хандығының 550 жылдығын атап өтуде.
Абылай ханның шын аты – Әбілмансұр. Абылай хан 1771-1781 жылдары хандық құрды . Орта жүздің ханы.Қазақтың аса көрнекті мемлекет қайраткері,қолбасшысы, үш жүздің басын қосып, қазақ жерінің шекарасын қалпына келтірді.
2- топ жетекшісі:
Біз тобымызды Керей ханның атымен атадық.
Керей хан –қазақтың алғашқы ханы. 1457-1458 жылдары хан болған.
10 жылдай Шу бойында хандық құрған.
3-топ жетекшісі:
Біз тобымызды Тәуке хан тобы деп атадық.1680-1718 жылдары қазақ ханы Тәуке хан болды.Тәуке хан өзі билік еткен жылдары сыртқы және ішкі саясатты сәтті жүргізді. «Жеті Жарғы» деп аталатын заң жобасы осы жылдары жасалды.
4- топ жетекшісі:
Біздің тобымыздың аты – Қасым хан.Қасым хан билік еткен 16 ғасырдың 1- ширегінде қазақ хандығы үлкен күшке айналып, шекарасы батыста Жайық өзені алқабына дейін кеңейді.
Ойын: «Орныңды тап» Орны ауысқан сөздерді алған оқушылар қолдарындағы сөздердің орны бойынша сөйлем құрап тұруы керек:
1-топқа тапсырма:
Шашты, жем, Майра , тауыққа.
2-топқа тапсырма:
Көмектесті , балалар , бағуға , қой
3- топқа тапсырма:
Суретін , құстардың , жақсы , Сәуле , салады
4- топқа тапсырма:
Тоңбайды , қоян , аязда
Ойын «Кім шапшаң?»
Көп нүктенің орнына тиісті сөзді тез ойлап жазу.
1-топ:
... мияулайды.
2-топ:
...ызыңдайды.
3-топ:
... шақырады.
4- топ:
... шырылдайды.
4 топқа да суреттер таратылады, сурет бойынша сөйлем құрастырады,
Етістіктерді тауып астын сызады.
ҮІ. Қорытындылау,бағалау:
«Рефлексиялық эссе» сипаттау,талдау,бағалау(формативті түрде жүргізіледі)
Қандай әсер алдым? Не үйрендім? Нені әлі біле түсу керек?
Өздерінің пікірлерін қағаз бетіне жазады. Кейбіреуін ұжымда оқуға болады.
ҮІІІ. Үйге тапсырма:13-жаттығу,166-бет 16-жаттығу 167- бет.
Оставьте свой комментарий
Авторизуйтесь, чтобы задавать вопросы.