Бастауышпен қоштасу тәрбие сағаты

Қош бол, сүйікті бастауыш!

    Мақсаты: білімнің сара жолы мектептен басталатынын, кең дүниеге есік ашатынын сезіндіру, білімге деген құштарлығын арттырып, оқуға, білімді болуға шақыру. Мектепті, ұстаздарды құрметтеп, еңбекті бағалай білуге тәрбиелеу.

    Көрнекілігі: «Қош бол, сүйікті бастауыш !» плакаты, нақыл сөздер, гүлдер мен шарлар.

І жүргізуші:

-Қымбатты  ата-аналар, ұстаздар мен бастауыш бітіруші түлектер.

  Бүгін елдігіміз ескеріліп, егеменді ел болып, атымыз алысқа жетіп жатқан шақта, сіздер үшін тағы бір той қосылмақ.

   Тойларыңыз тойға ұлассын!

ІІ жүргізуші:

Міне, қызығы мен қиыншылығы мол 4 сынып оқушыларының «Қош бол,  сүйікті бастауыш!»- атты бастауышпен қоштасу тойына, келіп отырсыздар.

Бастауышпен қоштасуға көмегін аямаған ата-аналарға мың алғыс!

Тойларыңыз құтты болсын, ағайын!

Аяулы ұстаз өлшемі жоқ бағаңның

Айтыңдаршы таласады оған кім?

Еленуде  елге  істеген еңбегіңіз,-

дей келе, сөз кезегін мектеп директоры Ахмедиев Асқарбек Қалижанұлына  сөз кезегін береміз.

І жүргізуші:

Армысыздар, жиналған ата-ана, ұстаз,

Той- жиынсыз өмірдің мәні болмас.

Арамыздан талпынып қақты қанат,

4 жыл бойы оң- солын таныған жас.

Хор. «Жан досым» әні орындалады.

ІІ жүргізуші:

Ау, аман ба, жарандар!

Алтын таңға қараңдар!

Ерте жайлап атты таң,

Естіліп тұр, шаттық ән.

Тұрмыз  біздер мінеки

Бастауышпен қоштасып.

Хор. «Қазақстан жалауы» әні орындалады.

І жүргізуші:

Ұстазсыз шәкірттерге бақ берген бе?

Бапкерсіз тұлпарларға  бап келген бе?- дей келе

Хор. «Ұстазым» әні орындалады

ІІ жүргізуші:

-Иә, бүгін бізде қуаныш, бүгін бізде үлкен той. Өйткені, 4 жыл бойы білім беріп, ой- санамызды дамытқан, адалдыққа тәрбиелеп, білімнің соқпағынан ғылымға жол ашқан бастауыш сыныппен қоштаспақпыз

   Келесі сөз той иелеріне беріледі. Оқушыларды ортаға шақырамыз.

І жүргізуші:

Теңіздей тербетіліп көл бетінде,

Бишілер билеп кетті тербетіле ,

Аққудай қалықтаған теңіздегі

Бишілер өнерлерін көрсетеді,- дей келе 4 сынып түлектерінің вальсін тамашалаңыздер.

ІІ жүргізуші:

Құлақтан кіріп бойды алар,

Әсем ән мен тәтті күй.

Көңілге түрлі ой салар

Әнді сүйсең, менше сүй,- дегендей, ортада «Ертегілер  әлемі» әнімен қыздар тобы.

І жүргізуші:

Оқытты ұстаз анамыз

Өсті білім санамыз.

Білгір ер боп өсетін

Біз бақытты баламыз – дей келе өзбек биін қабыл алыңыздар.

ІІ жүргізуші:

Алдыңа келіп ұстазым,

Тұңғыш қалам ұстадым.

Күлімдеген көзіңнен

Мейірімі сезілген – дей келе қыздар биін қабыл алыңыздар.

І жүргізуші:

Түзеттіріп шалалықты,

Есейттіңіз балалықты

Ойсыз кейбір еркені

Түзеп жөнге салдыңыз- келесі кезекте «Бала тілегі» әнімен қыздар тобын тамашалаңыздар.

ІІ жүргізуші:

Сөз сөйлесе жарқын-ақ,

Күлімдейді жарқылдап

Қызық өтіп сабағы

Сырымызды біледі

Қасымызда жүреді - дей келе Қылышбек Бекзат пен Карманова Марьямның әнін қабыл алыңыздар.

І жүргізуші:

Құрметті ата-аналар, ұстаздар,

Жақсы шәкірт азамат атанады.

Халқынан, ата-анадан бата алады

Ұрпағына айтсын деп ақ тілегін –деп осымен  қош бол, сүйікті бастауыш !» атты сынып сағатымыз аяқталды. Қош, сау болыңыздар!