Әдебиеттік оқу пәнінен "Киелі жеті саны" 4 сынып

Келісемін:	Уақыты: 18.10.16	Әдебиеттік оқу 4 «А»	Мұғалім Муканбаева Л. Ж
Сабақтың атауы	Киелі жеті саны. Жеті байлық. Жеті ата. Әсия Біржанқызы.
Сілтеме	Әдебиеттік оқу оқулығы.
Сабақтың  жабдығы	Суреттер, слайд, бағалау парақшалары.
Мақсаты:	Қазақ отбасындағы тәрбиенің ерекшелігі туралы  мағлұмат алады. Жеті ата, жеті байлық атты ұлағатты ұлттық ұғымдардан хабардар болады. Оқушының ұлттық салт-дәстүрде сөйлеу тілдері дамиды, сауаттылығы артады, сөздік қорлары молаяды. Танымдық қызығушылықтары артады.
Оқыту  нәтижесі	Мұғалім үшін: танымдық қызығушылықтары дамиды, жеке, жұппен, топпен жұмыс істеуге әбден дағдыланады. Оқушылар үшін: киелі сандар туралы ұғымдары кеңейеді, сөздік қорлары молаяды, өлеңді оқи отырып, өз сөздерімен баяндай білу, идеясын ашуға дағдыланады. Өз пікірін жеткізу арқылы берілген тапсырманы орындай алады. Оқушы өз ойын еркін, сыни тұрғыдан ойлай отырып жеткізе және талдай алады.
Сабақтың әдіс-тәсілдері:	Сұрақ-жауап, «Молекула», түсіндіру, баяндау, топтық, ой қозғау, «Дана үкі» әдісі
Түйінді идеялар	Жеті ата, жеті байлық атты ұлағатты ұлттық ұғымдардан хабардар ету.
Бірлескен жұмысқа негізделген тәсіл	Жеке, жұппен, үштік, төрттік, топпен, ұжыммен жұмыс.
Топқа бөлу	«Молекула» әдісі арқылы топқа бөлу.
Қызығушылықты ояту	Ұйымдастыру. Психологиялық дайындық «Биле, биле» тренингі Оқушылар шеңберге тұрып, музыкамен жеке, жұппен, үштік, төрттік болып билейді.
Мағынаны тану Кері байланыс Сабақты қорытындылау Рефлексия	Үй тапсырмасын тексеру «Дана үкі» әдісі Үй тапсырмасына байланысты әр топқа тапсырмалар беру. 1-топ: «Талассаң, бағаң кетеді» мәтініне көрініс көрсетеді. 2-топ: «Кінәлі аяқтар» мәтіні бойынша сөзжұмбақ шешеді. 3-то п: Екі мәтін бойынша шешендік сөздерді айтады.  Әр топтың мүшелері өздеріне берілген тапсырмаларды орындайды. Көрініс көрсетеді, сөзжұмбақ шешеді, шешендік сөздерді айтады. Сұрақ-жауап әдісі: -Кім нешеге дейін санай алады? -Санның шегі бар ма? -Соның ішінде негізгі сандар қайсысы? -Сандарды қайда қолданамыз? Күз мезгілі жапырақтарының түстеріне байланысты және оның артында жазылған сандар арқылы топқа бөлу. -Қандай сандар киелі сандарға жатады?(тапсырма беру) Оқушылардың ойларын толықтыру. (3 байлық, 3 би, 3 жұрт, 3 қуат, 4 тұлға, 4 мұрат, 4 қылыш, 4 бұрыш, 5 парыз, 5 қару, 5 жаратылыс, 6 алаш, 6 игілік) Мақал-мәтелмен жұмыс. 1.Жігітке жеті өнер де аз. 2.Жеті рет өлшеп, бір рет кес. -Осы мақалдың ішінде қандай сандар естіліп тұр? -Жеті санын естігенде ойларыңа не келеді? (топта талқыға салып, постерге түсіру) Киелі сандардың қасиеттері жайында қысқаша түсінік беру. «Жеті байлық» өлеңін мәнерлеп оқыту, талдату. «Өзіңді талдап көр»: Ауру-сырқаудан аман болу, есен-саулық; Еркіндік, бостандық, тәуелсіздік; Ел тәуелсіз, еркін ел болса, ол өз тілінде сөйлейді; Қайрат-күш, батырлық, батылдық; Ақ жаулық-ер азаматтың жары, әйелі; Бала-өмірдің жалғасы; Жүз саулық-адамның байлығы, қорадағы малы. «Жеті ата» өлеңін мәнерлеп оқыту, сызбаға түсірту, талдату. Жеті ата туралы қысқаша түсінік беру. Өлең жолын оқу. Бай болмасам ақылға, айтуымен атамның, Дұрыс па, әлде қате ме, мен айтайын, санашы. Болады екен әкеге 1-ші ұрпақ – баласы, 2-шісі – немере, 3-шісі – шөбере, 4-шісі – шөпшегі, 5-шісі – немене, 6-шысы – туажат, 7-шісі жекжаты. Сұрақтар қою. -Сен кімге баласың? Сен кімге немересің? Сен кімге шөбересің? Жапырақ түстеріне және оның артында жазылған сандар бойынша топтарға бөлінеді. 1-топқа – сары жапырақ, 3 саны 2-топқа – қына сары жапырақ, 4 саны 3-топқа – жасыл жапырақ, 5 саны Әр топ өз сандарының киелілігі туралы мысалдар келтіру арқылы ойланады, ізденеді, жазады, қорғайды. Оқиды, жазғандарын салыстырады. Оқушылар мақалды оқиды, мағынасын талдайды, ондағы берілген сандарға назар аударады, сұраққа жауап береді. -Киелі жеті саны. Оқушылар жеті саны туралы ойларын пікірге салып, талқылап, постерге түсіреді, қорғайды. Оқушылар тыңдайды, еске сақтайды. Ойлан – жұптас - талқыла «Жеті байлық» өлеңін мәнерлеп оқиды, өз ойларын айтады, түсіндіреді, талдайды. 1-топ : 1,2 байлық       2-топ: 3, 4 байлық             3-топ: 5, 6, 7 байлық «Жеті ата» өлеңін мәнерлеп оқиды, сызбаға түсіреді, топтастырады, қорғайды. Оқушылар тыңдайды, еске сақтайды. Оқушылар сұрақтарға жауап береді. Жеті жарғы, жеті қазына, жеті жұт, жеті күн, жеті жоқ, т.б.) Кім жеті атасын біледі? -Жеті санына байланысты тағы қандай ұлағатты ұлттық ұғымдарды білесіңдер? (кейбір ұғымдарға тоқталып өту). Бүгінгі даналық ұғымы сабағынан не алдыңдар? Бүгінгі сабақ ұнады ма? (ой-пікірлерін білу). Өз көңіл-күйлерін стикерге жазады.
Үй тапсырмасы	«Жеті байлық» өлеңін жаттау. «Жеті ата» өлеңін мәнерлеп оқу. Өз жеті атасын жазып кел.
Бағалау	Жалпы бағалау критерийлері: 1.Сандарды топтастыру. 2.Байлық сөзін қалай түсінесің? 3.Топтағы талдау жұмысындағы белсенділік. 4.Жеті атаны топтау. 5.Сұрақтарға жауап беру. Топ жетекшісі өз тобын критерийлер бойынша бағалап шығады.