"Елім менің" интеллектуалдық ойын

"Елім менің" интеллектуалдық ойын

Тақырыбы: «Елім менің» интеллектуалдық ойын.
Мақсаты:
1. Қазақстан Республикасы туралы қатысушылардың білімін жинақтап, одан әрі танымдылығын арттыру.
2. Ойлау, сөйлеу дағдысын дамыту өз ойын мәдениетті түрде жеткізе білу.
3. Туған халқына, Отанына, оның тарихи тағдырына деген құрмет сезімін қалыптастыру. Патриоттық тәрбие беру.
Қатысушы:

1.Шипажай медбикелері мен оқушылардан құралған топ «Көктер» тобы

2.Шипажай мұғалімдері мен оқушылардан құралған топ «Сарылар» тобы

Жүргізуші: Армысыздар, қадірменді ұстаздар,қонақтар оқушылар! Армысыздар жақсы ниетпен келген ұлағатты қонақтар. Бүгінгі «Ивушка»ұлттық арнасында тамашалап отырған «Елім менің» атты интеллектуалды ойын тікелей эфиріне қош келдіңіздер. Тікелей эфирде жүргізушісі:Мейрамгул Серікқалиқызы
Отан, туған жер, атамекен, елім, ауылым деген – жүрек тебірентіп, шаттық сезімді оятып қасиетті сөздер мен туған жердің тарихын, шежіресін білу - әрбір ұрпақтың азаматтық борышы.
Бүгінгі ойынға қатысып отырған топтар олар өздерінің білімдері мен алғырлықтарын көрсетеді деп сенеміз.
Сайысымызды бастамас бұрын әділқазы алқаларымен таныстырып өтейін.
Оқу ісінің меңгерушісі:Қангереева Г.С.

Математика пәнінің мұғалімі:Сейткалиева А.Б
Ойынымызға өз бақтарын сынай келген 2 тобымызды таныстыра кететін болсақ
1 - топ «Жас қырандар» Көктер
2 - топ «Жас ұландар» Сарылар
Топ басшылары өз топ мүшелерін таныстырып өтеді.
Ойын 4 айналымнан тұрады
1 - айналым:«Викториналық сұрақтар»
2 - айналым: «Мағынасын түсіндір»
3 - айналым: «Қай сөзді жоғалттым?»
4 - айналым: «Қатесіз сөз»
Әр айналым тапсырмасы сол бөлімге келгенде нақты түсіндіріліп отырады. Және әр бөлім аяқталған соң, әнжұмбақ тапсырмасы болады. Әнжұмбақты шешкен топқа 2 ұпай беріліп отырады. Ескерте кететін жағдай әр топ өз сұрақ тарына өздері жауап беруі керек. Басқа топтың жауаптары қабылданбайды. Егер сол топта тапсырма орындалып жатқанда, басқа топ жауап берсе, сол топтың ұпайы кемітіледі.
1 - айналымда барлық топ мүшелеріне 1 сұрақтан қойылып шығады. Оның біреуі сурет сұрақ. 1 ұпай беріледі. 1 миуттан аспау керек.
1 - топқа
1. Қазақтың билерін ата? Әйтеке, Қазыбек, Төле би
2. Жеті ата дегеніміз не? Өзіңнен бастап санағанда сегізінші атаға дейінгі аталар.
3. Ер еңбегі шалқып тасқан өлең авторы? «Туған өлкем» Өтебай Тұрманжанов
4. Абай Құнанбаев кім? Оның өлеңдерін ата. Қазақтың ұлы ақыны. «Ғылым таппай мақтанба», « Қыс», «Жаз», «Жазғытұрым», «Күз».

2 - топқа
1. Қ. Р - ның рәміздерін ата? Ту, Елтаңба, Гимн.
2. Қ. Р әнұран авторлары Н. Назарбаев, Ж. Нәжімәдинов
3. Қазақтың ұлттық ақшасы? теңге
4. Наурыз мерекесі қашан тойланады? 22 наурызда тойланады.


Әнжұмбақ «Көк тудың желбірегені»
2 - айналым. «Мағынасын түсіндір»Сөз тіркесі, мақалдар және ұлттық дүниетаным пәнінен ырым - тыйымдар бойынша 3 сөз оқылады. Сіздер сол сөздің мағынасын түсіндіріп берулерің қажет. Дұрыс жауапқа 1 ұпай беріліп отырады. Топпен ақылдасып жауап береміз.
1 - топқа
1. Құлақ аспау - айтылған сөзге тыңдамау, мән бермеу
2. Нан қиқымын шашпаңдар, Жерде жатса, баспаңдар.
3. Үлкенге ізет,
Кішіге құрмет

2 - топқа
1. Екі езуі екі құлағында
2. Туған жер - алтын бесік
3. Ала жіпті аттамау

Ән жұмбақ «Қазақстан»
3 айналым «Қай сөзді жоғалттым?» мақал немесе мағынасына қарап жасырын сөзді табуымыз қажет. Оқушылар қолымыздағы әріптерді орын - орнына қоюымыз қажет.
1 - топқа
Е С Е К Ө М І Р
1...... көре көсем боласың,
Сөйлей - сөйлей шешен боласың (көре)
2. Мінсең көлік, еті жесең арам. (есек)
3. Шай құюға арналған ыдыс.(кесе)
4. Артқа шегінді немесе.... шегінді.(кері)
5. Білім ---- шырағы, оқу білім бұлағы.(өмір)
6. Мектеп.... білім теңіз.(кеме)
7...... өтірік, мақтаншақ
Еріншек, бекер мал шашпақ. (өсек)
2 - топқа
Т А Р У Н ОҚ Ы
1. Малды қыста қандай орында бағамыз. (қора)
2. Шөп оратын құрал. )(орақ)
3. Қырыққабаттың қырық қабат.... бар. (тоны)
4. Мылтық бұл -..... )(қару)
5. Семіз сөзіне қарама - қарсы.(арық)
6. Білім басқа бітеді,.... тасқа бітеді.(қына)
7. Дәл, айқын, нақты (анық)


Ән жұмбақ «Апа, туған күніңмен!»
4 айналым
1 - топ.
1. Оянды
2. Құлын
2 - топ.
1. Сарғая
2. Халық
Ән жұмбақ «Ортеке»
Сайысымыз өз мәресіне жетті. Әділқазылар ұпай санын есептегенше 4 «а» сыныбы атынан ұлдар орындауында биді тамашалайық.
Әділқазыларға сөз береміз.