Эссе "заманауи әлемдегі педагог"

ЗАМАНАУИ ӘЛЕМДЕГІ ПЕДАГОГ

(Эссе)

Корганбаева Гулжанат Баяхметовна

                                                                                Сәтбаев қаласы №3 ЖОББМ

Бастауыш сынып мұғалімі

      Заман ағымы, заман талабы деп жатамыз. Қазіргі заман талабы қандай? Қазіргі заман балалаларын тәрбиелеуде қандай міндеттер күтіп тұр. Білім беру саласында қызмет еткендіктен алға қойған  мақсатымыз жас ұрпақты заман талабына сай тәрбиелеу.  Ең басты мәселеміз баланы қалай тәрбиелеу керек? Ол үшін кәсіби, заманауи ұстаз қандай болу керек? Ұстаз кәсібін шыңдай түсу керек. Үнемі ізденісте болу керек.  Сонымен қатар осы мамандық жан-жақты ізденісті, шеберлікті, икемділікті, нақтылықты, тұрақтылықты, бауырмалдылықты, мейірімділікті, қажет ететін мамандық.  Осы мамандықты таңдағандықтан мамандықтың майталманы болу әрбір ұстаздың қолында. Сондықтан ұстаз әрқашан ізденісте болу қажет. «Ұстаздық еткен жалықпас, үйретуден балаға»,-  деп Абай атамыз айтқандай ұстаздық мамандық үнемі ізденістегі  мамандық.

    Бүгінгі таңда мұғалімге ең қажетті нәрсе-заман талабына сай лайықты жаңа адамды қалыптастыру, тәрбиелеу.Заман күннен күнге дамып, өркендеу үстінде. Олай болса біз алдымызда тәрбиелеп отырған шәкірттерімізге адамгершілік пен өз елін сүйетін ұлтжанды етіп тәрбиелеу, оны бар асылындай қадірлей білетін, өткенін бағалап, болашағына зор сеніммен қарай білетін ең жақсы қасиеттерін үйрете білуіміз қажет.Ұлтымыздың  ұлы ағасы А. Байтұрсынұлы «Білім біліктілікке жеткізер баспалдақ, ал біліктілік сол білімді іске асыра білу дағдысы» деп білім, білік туралы үлкен ой айтқан. Ал қазірде білім беруде ел Президенті Н. Ә. Назарбаев та білімді көтеруде жанашырлық білдіруде. Елбасымыздың бүгінгі күнде барлық мұғалімдердің басты ұстанымы ол өмір бойы «білім алу». Сол білімді балаға, сауатты түрде  жетік меңгерту. Ел болашағы жақсы болсын десе, «ұстаздың жағдайын жаса» демекші өз ісіне жауапкершілікпен қарайтын заманауи ұстаздар ешқашанда білімнің туын төмен түсірмеуі керек.

       Ахмет Байтұрсыновтың мына  : «Жақсы ұстаз мектепке жан кіргізеді»  сөзін ешқашан жадымыздан  шығармағанымыз жөн. Ол үшін әрбір педагог-психолог әрбір баланың жүрегінен орын тауып, сол жүректегі қажеттілікті қанағаттандыра білу.  Өйткені қазіргі мектеп жасындағы баланың  өз арманы бар. Сол арманына жол сілтейтін, дұрыс бағдар беретін мұғалім. Ал ол мұғалім ойы жүйрік, ақылы жетік, бәсекеге қабілетті, өзгерістерге бейім жеке тұлғаны тек қана жаңа тұрпатты, кәсіби шеберлігі мол маман ғана қалыптастыра алады. 

     Бүгінгі заман талабы-жан-жақты дамыған, өзіндік қалыптасқан «тұлға» тәрбиелеу. Осы «тұлға» ретінде оқушыны қалыптастыру үшін оның бойындағы түрлі жағдаяттарды анықтай білуге,  өз бетімен тұжырым жасай білуге, өзіндік бағалауға, ақпараттарды өз бетімен таба білуге қалыптастыру.Қазіргі әлем сенбестей жылдам қарқынмен дамып келе жатыр.Сондықтан өмір бізден адамдармен, елдермен, түрлі мәдениеттермен қатынастардың түрлі өзгермелі жағдайларына тезірек бейімделуімізге талап қойылады.  Сол қарқынмен әр тұлғаны ілестіріп отыру әрбір ұстаздың бойына жүктелген міндет. Сол міндеттерді ұстаздар түсіне білу керек.

Бүгінгі ұстаз тек кәсіби білімін жетілдіріп қана қоймай, үнемі шығармашылықпен жұмыс жасауы қажет. Қазақстан Республикасының «Білім туралы» заңында оқыту формасын, әдістерін, технологияларын таңдауда көп нұсқаулық қағидасы бекітілген, ал білім беру мұғалімдері өзіне оңтайлы нұсқаны қолдануға, педагогикалық процесті кез келген үлгімен қарауға мүмкіндік алады. Қазіргі оқытудың жаңаша технологиясын меңгерудің өзі ұстаздан шығармашылықты талап етеді. Ал шығармашылықпен жұмыс жасау үшін мұғалім өзінің кәсіби біліктілігін арттырып отыру қажет.

      Қорыта келе, заманауи талаптарға сай қызмет істеу үшін ең алдымен педагог өзінің теориялық және әдістемелік білімі ұдайы  жетік, сезімтал, ұшқыр ойлы, шабытты болуы тиіс. Сонда ғана педагог қызметінің жемісі, білім беру нәтижесі бүгінгі күннің талабына сай келеді.