Интеллектуалды сайыс: "Елім менің"

“Құрық селосының № 6 орта мектебі” мемлекеттік мекемесі

Интеллектуалды сайыс

«Елім менің»

Сынып жетекшісі:Қалиева Айсұлу

Жақсылыққызы

4 “А” гимназия сыныбы

Құрық селосы

Мақсаты: Балалардың білімге деген қызығушылығын арттыру. Жалпы оқу бағдарламасымен қатар, дүниетану және ойлау қабілетін ұштау. Сонымен қатар, ұлтымыздың тарихын, салт - дәстүрін, әдеп - ғұрпын насихаттау. Тез және дұрыс шешім қабылдауға баулу.
Құрылымы: Ойынға 4 баладан құралған 2 топ қатысады. Қатысушылардың жалпы саны - 8. Қалған оқушылар әр топқа жанкүйер болады. Ойын 5 кезеңнен тұрады. Топтар әр кезеңнің қорытындысы бойынша 9пай жинайды . Барлық айналымнан кейін барынша көп ұпай жинаған топ жеңімпаз атанады.

Барысы:

Мұғалім:

Армысыздар, ұстаздар мен оқушылар! Бүгінгі біздің «Елім менің» атты интеллектуалды ойынға қош келдіңіздер!
Білімменен тәнті етеді тектілер,
Мұратына білім қалды жеткізер.
Бар ізгілік тек біліммен алынар,
Білімменен аспанға жол салынар.,- дей келе «Елім менің» ойынын бастайық. Ендеше сайысымызды бастамас бұрын сайыскерлерді қошеметпен ортаға шақырайық.
Достық пен бірлікті етіп тұлға,
Жеңіске жеткен едің талай сында.
Қара қылды қақ жарып әділ қазым,
Еңбегін тапқырлардың әділ сына – деп әділ қазы алқаларын сайлап алайық.
Сайысымызды бастамас бұрын әр топ өздерін таныстырып кетеді.
Сайысымыз мынадай бөлімдерден тұрады:
1. Бәйге
2. Сөз мерген
3. Ғажайып үштік
4. Сөз тапқыш
5. Сөз тапқанға қолқа жоқ.
Әр бөлімнен кейін музыкалық үзіліс.

Ойын: «Әуенді тап» Музыка ойналады, оқушылар әннің атын тауып орындау керек. Дұрыс жауапқа 10 ұпай қосымша беріледі.

Көрермен жиналған бұл тамашаға
Құр қарап жай отыру жараса ма?
Туыс, досқа сыныптас, танысқа емес
Соқ қолыңды білімді жас талантқа
Ендеше ойыншылар өздерін таныстырып өтсін.
« Тапқырлар » тобы
«Алғырлар » тобы
Жүргізуші:
Ойланайық азырақ, уақытымызды үнемдеп,
Кім шығады кәнеки, жауабын мен білім деп?
Ойынымыздың І- кезеңі «Бәйге» бөлімі:
Бұл бөлімде әр топқа 20 сұрақ беріледі. Әр дұрыс жауап 10 ұпай

« Тапқырлар » тобы

1.ҚР-ның гимнің авторы кім?

2. Аңыз дегеніміз не?

3. Ертегінің неше түрі бар? Ата.

4.Абайдың шын аты?

5. «Қуанғандығым сонша, алдымда тұрған дөңгелек қара сақалды , дембелше келген адамды сүйіп алуға әзір едім» - деп кім жазды? / С.Көбеев/

6. Қашықтықты қалай табамыз?

7.1 см² –та неше мм² бар?

8. 1 жұмыртқа 4 минутта піседі, ал 4 жұмыртқа неше минутта піседі?

9. 1сағатта неше секунд бар?

10. Тік төртбұрышты параллелипедтің көлемін қалай табамыз?

11. Бастауыштың сұрағын ата

12. Жалғаудың неше түрі бар? Қандай?

13. Сөз тіркесі дегеніміз не?

14. Қандай буынның түрлерін білесіңдер?

15. Сөйлем дегеніміз не? Олардың түрлерін ата

16. Ауаның құрамын ата

17. Ең терең көлді айт

18. Айда күндізгі температура қанша?

19. ҚР- сы жер көлемі жөнінде нешінші орында?

20. «Қазақ елі» монументінің биіктігін ата

«Алғырлар » тобы

1. ҚР-ның елтаңбасының авторы кім?

2. Халық ауыз әдебиетіне қандай шығармалар жатады?

3. М.Әуезов: «қазақ халқына халықтығын жоғалтпайтынөшпес белгі орнатты» деп кім туралы жазды?

4. Шешендік сөздер дегеніміз не?

5. Айтыстың түрлерін ата?

6. Жылдамдықты қалай табамыз?

7. 1 м² –та неше см² бар?

8. Ауданды қалай табамыз?

9.1метрде неше милиметр бар?

10. Уақытты қалай табамыз?

12. Зат есім дегеніміз не? Зат есімнің түрлерін ата

13. Мәтін дегеніміз не?

14. Құрмалас сөйлем дегеніміз не?

15. Дауысты дыбыс түрлерін ата

16. Жанғыш пайдалы қазбаларды ата

17. Ең үлкен көл?

18. Айда түнгі температура қанша?

19. Қазақстан мыс қоры жөнінде нешінші орында?

20. Хеопс перамидасының биіктігін ата?

Ойын: «Әуенді тап» музыкалық үзіліс.

ІІ кезең: Сөз мерген

Бұл кезеңде оқушыларға жұмбақ жасырылады. Дұрыс жауапты үш тілде яғни қазақ, орыс, ағылшын тілдеріндегі атауларын айтып және жазып көрсетулері керек.

1. Бір нәрсе бетінде жоқ ой мен қыр,

Өзінің кіндігінен айналып жүр.

Өзіне назар салып қарасаңыз,

Келбеті жер жүзінің көрініп тұр.

Жауабы: глобус – глобус- globe

2. Егіз қайың,

Бой бастары тең өскен.

Іске дайын,

Бұтақтары бес- бестен.

Жауабы: қол – рука - hand

3. Тілден ұшып

Құлаққа қонады.

Жауабы: сөз – слова - word

4. Жер бетінде жатқан арқан,

Ұстауға оны бәрі де қорыққан

Жауабы: жылан – змея - snake

5. Тұмсығы дөңгелек,

Денесі он бөлек.

Жауабы: шошқа – свинья –pig

6. Аяғы жоқ жүреді,

Аузы жоқ сөйлейді.

Жауабы: хат – письмо – better

7. Шәкіртке жанашыр,

Мейірман кім, жаны ашыр?

Жауабы: мұғалім – учитель- teacher

8. Шіркіннің өзіне обал- ақ,

Жүреді аяқта домалап.

Жауабы: доп – мяч – ball

Ойын: «Әуенді тап» музыкалық үзіліс.

ІІІ кезең: Ғажайып үштік

Бұл кезеңде 30-дан бастап 50 аралығындағы ұпайларға арналған сұрақтар жасырылған. Ұпай ұяшықтарын таңдап, берілген сұраққа жауап бері керек. Дұрыс жауап болса, таңдаған ұпайды алады. Жауап бере алмаса келесі топ жауап беруге болады . Солай ойын жалғаса береді. Бұл кезең үш бөлімнен тұрады. Бұл кезеңде ел тарихында ерекше орны бар тұлғалар туралы , олар қазір арамызда болмаса да, елімізге еңбегі сіңген азаматтар немесе арамызда жүрген оқырманға жақсы таныс кейіпкерлер болуы мүмкін.

1. Тұлғаны таны . Берілген портреттегі тұлғаларды тану.

Сол жақтағы 30-Қажымұқан Мұңайтпасов

Ортадағы 40-Құрманғазы Сағырбайұлы

Оң жақтағы 40-Қайрат Рысұүлбеков

2. Қөркем сөз. Берілген ақындардың бір өлеңін жатқа айту.

Сол жақтағы 30- Ыбырай Алтынсарин

Ортадағы 40- Абай Құнанбаев

Оң жақтағы 50-Мұқағали Мақатаев

3.Бейнелі суреттер.Суретте бейнеленген әңгіменің атын атау

Сол жақтағы 30- «Нағыз адам» әңгімесі

Ортадағы 40- Б.Соқпақбаев. «Менің атым Қожа» әңгімесі

Оң жақтағы 50- М.Әуезов. «Көксерек» әңгімесі

Ойын: «Әуенді тап» музыкалық үзіліс.

ІV кезең - Сөз тапқыш

Әр оқушыға екі әріптен беріледі. Оқушыларға сұрақтар қойылады. Сол сұрақтарға мойындарында ілулі әріптерден сөз құрастыру керек.

І- топ: Қ Н Ы Т

Ш Л А А

1. Білім басқа бітеді,

--------тасқа бітеді. /қына/

2. Қыс мезгілінде балалар қарда немен ойнайды? / шана/

3. Білім тозбайды, ------ ---азбайды. /ақыл/

4. Бала, баланың ісі --------- . /шала/

5. Алматы, Ақтау, Жезқазған - бұлар --------- / қала/

6. ІІ-топ: Ж А А Р

Б О Ы Л

1.Қаси – қаси ---------болады. / жара/

2. Нанды жерге тастама --------- болады. /обал/

3. Әке – асқар тау,

Ана – етегіндегі бұлақ,

--------- --- жағасындағы құрақ. / бала/

4. Таудың көркі тасы менен бұлағы,

Аттың көркі ------ мен құлағы. / жалы /

5. Өмір озады, ---------- тозады. /ажар /

Ойын: «Әуенді тап» музыкалық үзіліс.

V кезең. Сөз тапқанға қолқа жоқ.

Тақтаға сөздер беріледі. Сол сөздер арқылы тұрақты сөз тіркесін құрап, мағынасын ашу.

мұрын

құлақ

қас

көз

Жауабы: Қас пен көздің арасы

Жауабы: Қой аузынан шөп алмас

басы

шашы

үсті

төбе

ауыз

көз

қол

жұмған

Жауабы: Төбе шашы тік тұрды

Жауабы: Жұмған ауыз ашпау

соз

бұр

жар

аттамау

секірмеу

үзбеу

жіп

мойын

Жауабы: Біреудің ала жібін аттамау

Жауабы:Мойны жар бермеді

Жауабы: жерден жеті қоян тапқандай

Жауабы: Тайға таңба басқандай

шөп

құдық

қоян

жер

тоқым

таңба

жүген

тай

Қорытынды:
Барлық кезеңнен кейін ойынның жалпы есебі анықталып жеңімпаз анықталады. Жүргізуші топтарды марапаттап, жеңімпаз топтың көшбасшысына арнайы сыйлықты табыстайды

.-Құрметті балалар, міне бүгін сендердің мынадай талапты, салт-дәстүрімізді жалғастырушысы екендеріңді көріп, сүйсініп отырмыз. Талаптарыңа нұр жаусын!- деп қорытындыланады