Канспект урока па літаратурнаму чытанню "Бел. народная казка Каза-манюка"

Дата

Заліковы ўрок па прадмеце літаратурнае чытанне

Тэма ўрока. Адзін другога даводзіць да ліхога. Беларуская народная казка «Муха-пяюха».  Абагульняльны ўрок

Мэта ўрока: фарміраванне ўмення ацэньваць паводзіны герояў казкі і жыццёвыя сітуацыі на аснове зместу казкі, суадносіць з уласнымі ўчынкамі і паводзінамі.

Задачы ўрока: фарміраваць провільнае, асэнсаванае чытанне ўголас цэлымі словамі, фарміраваць чытацкія уменні, развіваць творчыя здольнасці. Вызначыць і абмеркаваць агульную тэматыку твораў раздзела, пачуцці і ўражанні вучняў ад прачытаных твораў, узнавіць назвы і аўтараў твораў, іх агульны змест, пачуцці вучняў, якія ўзніклі пасля чытання твораў, удасканальваць навыкі чытання; фарміраваць чытацкія ўменні, развіваць творчыя здольнасці.

Абсталяванне: падручнік па літаратурным чытанні 2 клас, частка 1; сняжынкі і хмаркі для рэфлексіі.

Ход урока

I. Арганізацыйны момант

Весела звініць званок.

Пачынаем наш урок.

Добры дзень. Сядайце.

Дзверы ў веды адчыняйце.

Ці ўсё правільна сядзяць?

Ці ўсё ўважліва глядзяць?

II. Псіхалагічны настрой на ўрок

−  Усміхніцеся адзін аднаму. Сядзьце ўтульна і пачнем урок.

− Зараз за акном зіма. Каб вы адчулі яе, я вам сёння хачу падараваць казачныя сняжынкі. Гэтыя сняжынкі дапамогуць нам у арганізацыі працы на ўроку. (Раздаю сняжынкі).

III. Моўная размінка

А) Інтанацыйная размінка. (Выбар інтанацыі для чытання)

Урок пачаўся!

Урок пачаўся?

Урок пачаўся.

Б) Гукавая размінка.

Ла-ла-ла – казка зноў да нас прыйшла.

Ды-ды-ды - казцы рады мы заўжды.

Жы-жы-жы – казку сёння раскажы.

IV. Праверка дамашняга задання 

Выразнае чытанне казкі «Каза-манюка» па ролях.

V. Аб’яўленне тэмы і мэт урока

− Сёння на ўроку мы працягнем працу над казкамі. Пазнаёмімся з беларускай народнай казкай «Муха-пяюха»,  будзем ацэньваць паводзіны герояў казкі, удасканальваць навык чытання. А таксама ўспомнім тэматыку твораў раздзела, у якім мы працуем. Узнавім назвы і аўтараў твораў, іх агульны змест.

VІ.  Падрыхтоўка да ўспрымання твора

− Прачытайце прыказку.

Адзін другога даводзіць да ліхога.

− Ці можа адзін чалавек давесці другога да нечага дрэннага?

(Ад чалавека, з якім маеш зносіны, сябруеш, з якім часта сустракаешся, міжволі пераймаеш яго погляды, звычкі, пачынаеш пераймаць яму ў чым-небудзь.)

− Паспрабуйце падабраць да яе падобную прыказку з рускай мовы. ( С кем поведешься, от того и наберешься.)

Адгадванне загадак

− Адчыніце падручнікі с. 126. Прачытайце і адгадайце загадкі.

Слоўнікавая работа

Праца са слоўнікам с. 126

− Прачытайце назву казкі і два першыя сказы. Што магло здарыцца?

 VІІ. Успрыманне твора

Чытанне казкі падрыхтаванымі вучнямі.

− Зараз мы прачытаем казку «Муха-пяюха» і даведаемся што здарылася з мухай.

VІІІ. Праверка першаснага ўспрымання

− Ці спадабалась вам казка? Да якой групы казак мы яе аднясём? (Пра жывёл)

− Назавіце герояў казкі.

− Што здаралася з мухай? Хто выратаваў Муху-пяюху з сябрамі?

ІХ. Фізкультхвілінка

Раз-два-тры-чатыры-пяць,

Выйшаў коцік пагуляць.

А за ім браты-блізняткі,

Жыць не могуць без зарадкі.

Коцікі свавольнікі,

Як малыя школьнікі,

Скачуць, бегаюць, штурхаюцца

І пад стол хаваюцца.

Важна шпацыруюць,

Пакуль не пачуюць:

“Годзе, коцікі, гуляць,

Час над казкай працаваць!”

Х. Чытанне казкі  па ролях

ХІ. Аналіз казкі

− Як называлі сябе муха, мышка, жабка, ва­ вёрка, зайчык і чаму?

− Прачытайце, хто апошнім сустрэўся сябрам. Якім вы ўяўляеце ваўка?

− Якую рускую народную казку нагадвае казка «Муха-пяюха»? Чым там скончылася казка?

Чытанне і абмеркаванне прымавак с. 129

ХІІ. Абмяркаванне пройдзенага раздзела

        − Успомніце назву раздзела, у якім мы працавалі на апошніх уроках. (Сустрэча з казкай)

− З якімі казкамі ў гэтым раздзеле мы з вамі пазнаёміліся?

− Чаму гэтыя казкі называюцца беларускімі народнымі?

− Назавіце герояў гэтых казак?

Праца па падручніку

Выконваем заданні у падручніку на с.130, 131

ХІІІ. Вынік урока

− З якой казкай мы сёння пазнаёміліся?

− Якую прыказку можам падабраць да гэтай казкі?

− У якім раздзеле мы з вамі працавалі?

− Раскажыце пра творы, якія вам найбольш спадабаліся.

ХІV. Дамашняе заданне

Выразнае чытанне казкі «Муха-пяюха» па ролях

ХV. Рэфлексія

       − Ці спадабалася вам праца на уроку?

       − Што было самым цікавым, запамінаючымся?

       − Выберыце, калі ласка, хмарку вашага настрою і прымацуйце туды вашы сняжынкі.