Конспект урока на тему "Аялган О, ОО, ОЙ абяанууд ба тэдэниие тэмдэглэhэн үзэгүүд"

Сентябриин 17

Хэшээлэй темэ: Аялган [о], [оо], [ой] абяанууд ба

тэдэниие тэмдэглэhэн үзэгүүд

Зорилго: Аялган «о,оо,ой» абяан ба үзэгтэй танилсуулха, зүбөөр бэшүүлжэ hургаха;

Зурагаар хэлэлгэ хүгжүүлгын хүдэлмэри үнгэргэхэ (мэдүүлэлнүүдые зохёохо);

Шоно, огородой сохо ямар туhатайб гэжэ хэлэжэ үгэхэ

Хэрэгсэлнүүд: үзэгүүд, алфавит, предметнэ зурагууд.

Хэшээлэй ябаса:

I.                   Эмхидхэлэй үе

Хүүгэд, хүүгэд, хүүгэд,

Хонхо хаанаш зэдэлнэ.

Хүхюун, согтой үхибүүд

Хэшээлдээ булта гэшхэлнэ.

II.                Хэлэлгэ hорилго

Бороо, бороо, бороо

Ороо, ороо, ороо.

Газар hороо, hороо,

Газар одоо нороо.

Тестировани

Зурагуудые хараад, удаан аялгантай үгэ ологты.

А) шандаган

Б) хүбүүн

В) ном

Г) басаган

III.             Хэшээлэй темэ болон зорилгонуудтай танилсалга

Тус темын эхиндэ үгтэhэн номой нюурта «Одон» гэhэн зураг хараад, энэ үгые үгүүлхэ, схемэ дээрэ шэнжэлгэ хэхэ. Энэ үгэ хэды үетэйб, үгын эхиндэ ямар абяан дуулданаб, үгын hүүлдэ ямар абяан дуулданаб?

Түрүүшын абяа үгүүлхэ. [О] абяагаар эхилhэн үгэнүүдые hанагты. Жэшээнь: онгосо, оёор, орон, обоо, олон.

hүүлдэнь о үзэгтэй танилсуулха. О – ехэ үзэг, о – бага үзэг. Ехэ О үзэгөөр хүнэй нэрэ бэшэгдэдэг, мэдүүлэлэй түрүүшын үгэ ехэ үзэгөөр бэшэгдэдэг, бага о үзэгөөр – юрын үгэнүүд.

Бэеэ hорилго

IV.             Бэхижүүлгын хүдэлмэри

Yзэглэлэй сюжетнэ зурагаар уhанай эрье тухай хөөрэлдөө үнгэргэхэ. Мэдүүлэлнүүдые зохёоно. Хэды үгэтэй мэдүүлэл бэ? г.м. асуудалнуудта хүүгэд харюусажа hураха болоно.

Мүн тиихэдэ ном соо үгтэhэн схемэнүүдээр ажаллана.

Оньhон үгэ хэрэглэжэ болоно. Гол удхыень элирүүлэн үгэхэ, оньhон үгэнүүдээр аман хэлэлгэ баяжуулха.

Таабари таажа болоно.

V.                Бэшэлгэ: О, о үзэгүүдые самбарта бэшэжэ харуулха.

VI.             Хэшээлдээ хэhэн ажалай сэгнэлтэ

Ямар ажал hонирхолтой байгааб?

Ямар даабаринуудые дуратайгаар дүүргээбши?

Өөрыгөө шалга.

Өөрөө хэхэ ажал: О үзэгтэй үгэнүүдые hанаад ерэхэ.