Мемлекеттік рәміздер – тәуелсіздігіміздің белгісі!
18.02.222
Мақсаты: І.Елтаңба, Ту, Әнұран туралы түсініктерін
нығайту.Рәміздердің пайда болуы және тарихтағы маңызы жайлы түсініктерді
дамыту.
ІІ. Оқушының есте сақтауын дамыту, өз ойын дұрыс жеткізуге
ынталандыру.
ІІІ.Оқушыларды
Отан сүйгіштікке, адамгершілікке, Отанына, халқына адал қызмет етуге, елінің
Туы
н, Елтаңбасын, Әнұранын қастерлеп, құрметтеуге, халқының тегін,
тарихын білуге тәрбиелеу.
Сабақтың түрі: сынып сағаты
Көрнекілігі: Рәміздерге байланысты түрлі-түсті суреттер, буклеттер,
карта, мақал-мәтелдер, Отан,жер туралы нақыл сөздер.
Сабақ барысы:
Кіріспе бөлім: Балалар бүгін біз сендер мен «Мемлекеттік рәміздер
–тәуелсіздік белгісі
»- деген
тақырыпта тәрбие сағатын өткіземіз. Біздің бұл тәрбие сағатымыздың мақсаты,
тәуелсіз мемлекетіміздің туымен, елтаңбамен танысып, олардың әрқайсысының
өзіндік шығу тарихын және ұлттық ою- өрнектің қазақ халқының өмірінде алатын
орнын айрықша түсініп, осы Туымызбен Елтаңбамызды құрметтеп, қадірлеп, отанымызды
сүюге тәрбиелеу.
Біздер тәуелсіз қазақ елінің ең жас ұландарымыз. Сондықтан өз
жерімізді, өз елімізді әкелер мен аталарымыз сияқты қадірлеуге,сүюге қорғауға
тиіс екенімізді естен шығармайық..
Отан –жерім,Отан-суым,
Отан қуат, нәр береді..
Отан-ұран, Отан-туым,
Отан мәңгі гүлденеді-демекші, тәуелсіздігіміз тұғырлы болып,
еліміздің символы –мемлекеттік рәміздерді қастерлеп, құрметтеу бәріміздің
міндетті парызымыз болып саналады.
2007 жылы 4 маусымда Астана қаласында Қазақстан Республикасы
мемлекеттік рәміздерінің 15 жылдығына арналған «Менің Қазақстаным»
республикалық жастар форумында Президент Н.Ә.Назарбаев сөйлеген сөзінде:
«Мемлекттік рәміздер –еліміздің егемендігі мен тәуелсіздігін паш ететін
нышандар. Бұл рәміздер біздің мемлектіміздің өткені, бүгіні мен болашағы
арасындағы сабақтастықтың жарқын бейнесі.
Мемлекеттік рәміздер- халқымыздың рухын, ұлттық салт-санасын,
қаһармандығы мен даналығын, болашаққа үмітін, арман-тілегін жеткізетін ерекше
құнды белгілер. Желбіреген аспан түстес байрағымыз халқымыздың арманын
асқақтатып, қыран бүркіттей елімізді аспан әлемінде қалықтап тұр» деп атап
көрсетті.
Ендеше, «Мемлекеттік рәміздер – тәуелсіздік белгісі » атты тәрбие сағатын бастаймыз.
Елтаңбам-елдігім,
Көк туым- киелім,
Әнұраным-ерлігім
Әнұран орындалады.
Топпен жұмыс
Оқушылар таңдап алған мақал - мәтелдерді
топтастыру арқылы «Отан», «Еңбек», «Білім» тақырыптары бойынша 3 топқа
бөлінеді.
І топ. «Отан»
1.«Отансыз адам
- ормансыз бұлбұл»
2.«Отан оттан
да ыстық»
3.«Туған жердей
– жер болмас
Туған елдей - ел болмас»
4.«Туған жердің
күні де ыстық,
Түні де ыстық»
5."Өз
елімнің басы болмасам да,
Сайының тасы болайын».
ІІ топ. «Еңбек»
1.«Еңбек
ерлікке жеткізер»
2.«Еңбек етсең
ерінбей,
Тояды қарның тіленбей»
3.«Еңбек түбі
береке»
4.«Едің атын
еңбек шығарады»
5. Еңбегі көптің өнбегі көп.
ІІІ топ. «Білім»
1.«Оқу - білім бұлағы,
Білім – өмір шырағы»
2.«Күш – білімде»
3.«Оқусыз білім жоқ
Білімсіз күнің жоқ»
4.«Оқы да, біл
Ойна да, күл»
5.«Білекті бірді жығар
Білімді мыңды жығар»
1-топ
- «Ту» - туралы мәтін
Мемлекеттік Ту.
Мемлекеттік Ту Президент сарайының, Президент
әкімшілігінің, Парламенттің, министрліктердің, әкімшіліктердің және
Қазақстандағы шетел елшіліктерінің ғимараттарында тұрақты орнатылады.
Мемлекеттік Тудың алдында жауынгерлер Отанға
қызмет етуге және оны қорғауға ант қабылдайды.
Мемлекеттік Ту ұлттық мерекелер және басқа іс -
шаралар кезінде көтеріледі.
2-топ - «Мемлекеттік елтаңба» - туралы мәтін
Мемлекеттік Елтаңба.
Мемлекеттік Елтаңба мөрге, елтаңба қағазына, металл
ақшаларға, мемлекеттік мекемелердің /әкімшілік, сот ғимараты, прокуратура, т.
б./, Қазақстанның шетелдегі елшіліктерінің ғимараттарына салынады. Мемлекеттік
Елтаңба бейнесі Республика Президентінің кабинетінде, Парламент жиналысы өтетін
залда орнатылады.
Мемлекет шекарасында Мемлекеттік Елтаңба
бейнеленген шекаралық бағана тұрады. Жеке басты куәландыратын құжаттарда /жеке
бас куәлігі, туу туралы куәлігі, т. б./ Мемлекеттік Елтаңба болады.
3 топ - «Мемлекеттік әнұран» - туралы мәтін.
Мемлекеттік Әнұран.
Қазақ радиосының хабарлары таңсәріден
Мемлекеттік Әнұран орындаудан басталады. Әнұран салтанатты жиналыста,
ескерткішті ашу кезінде орындалады. Шетелдік қонақтарды қарсы алу және шығарып
салу кезінде Мемлекеттік Әнұран орындалады.
Жиында Мемлекеттік Әнұран орындалғанда түрегеп,
оң қолыңды жүрек тұсына қойып, қосыла айтып тұру керек. Онымен сен Отаныңа
сүйіспеншілігіңді, құрметіңді көрсетесің. Елдің әр азаматы Мемлекеттік
Әнұранның мәтінін білуі тиіс.
«Білім
аукционы» ойыны.
Ту
50 балл
Ту қай жерлерде ілінеді?
40 балл
Мемлекеттік тудың авторлары?
30 балл
Ту қай кезде көтеріледі?
20 балл
Мемлекеттік тудың символикасын түсіндіру?
10 балл
Қыран құс нені білдіреді?
Елтаңба:
50 балл
Мемлекеттік Елтаңба қай жерлерде ілінеді?
40 балл
Мемлекеттік Елтаңбаның авторлары кім?
30 балл
Мемлекеттік Елтаңба қай құжаттарда бейнеленеді?
20 балл
Мемлекеттік Елтаңбадағы шаңырақ бейнесі нені
білдіреді?
10 балл
Қанатты пырақ нені көрсетеді?
Әнұран:
50 балл
Мемлекеттік Әнұран қай кезде орындалады?
40 балл
Мемлекеттік Әнұранның авторлары?
30 балл
Мемлекеттік Әнұранның орындау тәртібі?
20 балл
Мемлекеттік Әнұранның екінші шумағын орындау?
10 балл
Мемлекеттік Әнұранды кімдер білу керек?
Мұғалім : Мемлекеттік рәміздердің
белгілері туралы айтады, оқушылар қай белгі туралы екенін анықтайды.
1.Төлқұжатта, туу туралы куәлікте, орта білім туралы аттестатта
құжаттарда бейнеленген. (Елтаңба)
2.Президент резиденциясында, Үкімет үйінде ілулі тұрады. Барлық
мекемелерде бар. (Ту)
3.Республика,облыс, аудан көлеміндегі маңызды салтанатты
мәжілістерде орындалады. (Әнұран)
Слаид көрсету: Мемлекеттік рәміздер.
Ойындар мен тапсырмалар
1.Мына сөздерден басқа сөздер жазыңдар:
Елтаңба Байрақ Әнұран
Ел Бай Ән
Таңба ай Ұра
Таң қар Ұн
Аң ар нан
Хор «Қазақ елі» әнін
орындалады.
Қорытынды: Мемлекеттік рәміздерді қадірлеу тәуелсіз Қазақстанның
әрбір азаматының қасиетті борышы. Мемлекеттік рәміздерді құрметтеу –
елді, халықты, тарихты, әдет- ғұрыпты, салт- дәстүрді қастерлеу болып
табылады.
Осымен ,«Мемлекеттік рәміздер – тәуелсіздік символы»-атты
ашық сынып сағаты аяқталды.
Оставьте свой комментарий
Авторизуйтесь, чтобы задавать вопросы.