8 наурыз мерекесіне сценарии

«Қостанай қаласы әкімдігінің  білім бөлімінің  №115 орта мектебі» ММ

Ертеңгілік:

«8 наурыз»

Өткізген: Адешова Г.А.

Қостанай 2015

Жүргізуші: Қымбатты, балалар, қонақтар! Бүгін біз көктемнің алғашқы мерекесі «8 наурыз-аналар мерекесін»тойлауға жиналдық. Мерекелерін құтты болсын!

Бала, бала, бала деп,

Түнде шошып оянған,

Түн ұйқысын төрт бөліп,

Түнде бесік таянған.

Аялы қолда талпынтқан,

Қаймақты сүттей қалқытқан.

Суық болса жөргегі,

Қорғасындай балқытқан.

Айналасына ас қойып,

Өзенді көлдей шалқытқан.

Қолын қатты тигізбей

Күрлі көйлек кигізбей,

Иісін жұпар аңқытқан,

Бұл кім?

Балалар: Ана! Ана! Ана!

Жүргізуші: Құрметті, аналар, келген қадамдарына гүл бітсін, Сіздерге арналған мерекемізді бастаймыз!

Тақпақтар: (Айбын, Жалғас, Санжар, Әди, Мәди, Азар, Нұрай, Назым)

Сыйлаймын мен әнімді,

Сізге арнап жаттаған.

Мейрамынмен бүгінгі,

Құттықтаймын анашым.

Титтей бөбек кезімнен,

Еркелетіп күлгізген.

Әлдейлеген емізген,

Алғаш ана дегізген.

Таңдай қағар тамсана,

Тіршіліктің басы-ана,

Қыздырайық тойды біз,

Тақпақ айтып бәріміз.

Үн қатасың бал тілмен,

Еркелеймін әр күнмен.

Құттықтаймын анашым,

Сені мерекенмен.

Әжеміздің мейрамы,

Анамыздың мейрамы.

Әлемдегі ақ-сары

Қара қыздың мейрамы.

Құттықтаймын гүл беріп,

Өзімнің туған анамды.

Адамдар қыз-ұл болып,

Аналардан жаралды.

Әр сөзімді жаттаған,

Жүрегімде сақтаған.

Анашым деп мақтанам

Айналайын ақ анам.

Ән: «Қошақаным» - Орынбай Жұлдызай, Шағын орта тобы.

Жүргізуші: 8-Наурыз – аналар мерекесі, көктемнің сахнасы. Жылы нұрын төгіп көктем келді, шуағына  адамзатты баурап, табиғат құлпырып, бір әдемі әлемге бізді апарады.

Балалар, бізге жыл мезгілі көктем келе жатыр.

Көктем:

-Сәлемесіңдер ме, балалар?! Мен – Көктеммін. Мен сендерге сыйлық алып келдім. Қане, ойнап көрейікші.

Ойын: «Анаңды әрлендір».

Жүргізуші: -Құрметті, Көктем, біздің балалар өте өнерлі. Қазір өлең айтып береді.

Ән: МДС «Жұлдыз» тобы – «Қуыршақ»

Жүргізуші : Ана-бақыт, ана-байлық, ана-гүл,

Осыны естен шығармайық достарым.

Ана арқылы батыр және ақынбыз,

Тіршілігін түрлендірген даланың.

Би: Вальс МДС «Балдырған»

Тақпақтар: (Санжар, Нурмуханбет, Мақсат, Шәкәрім, Әлібек, Талғат, Амина, Диляра)

Той пердесін ашайық,

Әнге шашу шашайық.

Аналарды құрметтеп,

Ән маржанын шашайық.

Барімізге анасың,

Біз үшін күн болып жанасың.

Құтты болсын мейрамың

Аман сау бол анашым

Анасыз бір жоқ күнің,

Әжесі бір жоқ күнің.

Ұсынамыз біз бүгін,

Сөздің сұлу шоқ гүлін.

Шай ішетін қоюлап,

жақсы көрем апамды.

Сырмақ сырған оюлап,

жақсы көрем әжемді.

Бізді өсіріп баптаған,

Жақсы болсақ шаттанған.

Алтыным деп мақтаған,

Айналайын ақ анам.

Үмітіңді сенің ғана

Ақтау үшін өмір сүрем.

Аяулы ана, асыл ана,

Саған сенем, сені сүйем.

Көктем: -Балалар, аналар, ойын ойнауға қалай қарайсыңдар?

 Ойын «Балаңызды табыңыз».

Ән: «Анама» - Амина (МДС «А»)

Тақпақтар: (Ағзам, Асылжан, Дамир, Ерасыл, Фархад, Абай, Айлана, Айша)

Жүзімізге қараңыз,

Бал күлкілі баламыз.

Бізге қымбат күн шуақ,

Бізге қымбат анамыз.

Сүйікті анашым,

Аштыңыз көзімді.

Бір сағат көрмесем,

Сағынам  өзіңді

Наурыздың сегізі,

Сұлулықтың негізі.

Әдемі сөз баланың,

Әжеге айтар лебізі.

Жүре берсін қасымда,

Әйбат анам,ай анам.

Ботам дегең дауысыңнан,

Мен мәз болып оянам.

Ақ анашым аппағым,

Өзің жайлы таппағым.

Өзің жайлы әнім де,

Арнадым саған бәрің де.

Ана – өмір шырағы,

Ана – өмір бұлағы.

Бесігімнің жыр әні,

Жүрегімде тұрады.

Жүргізуші: Балалар, 8-наурыз тек аналардың емес, әжелеріміздің де мерекесі. Әжелерімізді құттықтайық.

 «Ақ әже» әні МДС «Балдырған»

Жүргізуші: көңіл аударыңыздар, бүгін біздің қыздарымыз гүлдей жайнап құлпырып тұр.

Көрініс МДС «Ақбота»

Тақпақ: (Абылайхан, Арсен, Ералы, Аян, Аяулым)

Гүлді өмірге мәуелі,

Нұрлі өмірге мәуелі.

Анамыздан тыңдадық,

Мәңгі өмір әуенін.

Үнді биі – Шаһеризада.

Ән: «Анашым» МДС «Ақбота»

Би: МДС «Жұлдыз» қыздары

Ән: «Нұрын төкен маған»